فوتو: شقو اقپارات ورتالىعى
2022 جىلعى 15 ماۋسىمدا "samruk-kazyna trust" الەۋمەتتىك جوبالاردى دامىتۋ قورىنىڭ قىزمەتكەرلەرى ۇكىمەتتىك ەمەس ۇيىمداردىڭ وكىلدەرىمەن, جۋرناليستەرمەن, بەلسەندىلەرمەن, جاستارمەن جانە شىعىس قازاقستان وبلىسى اكىمدىگىنىڭ قىزمەتكەرلەرىمەن كەزدەستى.
"samruk-kazyna trust" قورى-قازاقستانداعى قايىرىمدىلىق سالاسىنداعى ءىرى دونورلاردىڭ ءبىرى. قور جوبالاردى ەلىمىزدىڭ بارلىق وڭىرلەرىندە جۇزەگە اسىرادى. وسكەمەن قالاسىنداعى كەزدەسۋ جەرگىلىكتى ۇكىمەتتىك ەمەس ۇيىم ؛وكىلدەرىن ءوزارا بىرلەسە جۇمىس اتقارۋعا, ىنتىماقتاستىقتى ارتتىرۋعا باعىتتالىپ وتىر.
ۇكىمەتتىك ەمەس ۇيىمدار قوعامنىڭ الەۋمەتتىك ماسەلەلەرىن شەشەتىن ءوز جوبالارىنا باستاماشى بولا الادى, ال قور تۇراقتى, جۇيەلى تۇردە قولداۋعا اركەز دايىن ەكەنىن جەتكىزدى.
«؛بىز بۇل كەزدەسۋدى وڭىرلىك ۇكىمەتتىك ەمەس ۇيىمعا جاڭا الەۋمەتتىك جوبالاردى ۇسىنۋعا ىنتالاندىرۋ ءۇشىن وتكىزۋدى ۇيعاردىق. ءبىز ەلدىڭ ەڭ شالعاي جەرلەرىندەگى ادامداردىڭ ءومىرىن جاقسارتۋ تۋرالى قىزىقتى يدەيالاردى كۇتەمىز. ءبىزدىڭ قور ازاماتتىق سەكتوردى ءوزىنىڭ شاعىن باستامالارىن كەڭەيتۋگە شابىتتاندىرۋعا تىرىسادى. مىسالى, شاعىن قالانىڭ باستامالارى بۇكىل وبلىس ءۇشىن, ءتىپتى بۇكىل ەل ءۇشىن يگى ءىس بولۋى مۇمكىن. ءبىز شىعىس قازاقستان وبلىسىنىڭ بەلسەندى ۇەۇ-ىن ىنتىماقتاستىققا شاقىرامىز»؛ دەدى "samruk-kazyna trust" باس ديرەكتورىنىڭ ورىنباسارى سەرعوجا قالياسقاروۆ.
كەزدەسۋگە قاتىسقان ۇەۇ وكىلدەرى ءقازىردىڭ وزىندە ىسكە اسىپ جاتقان جوبالار تۋرالى ايتىپ ءوتتى. 4 جىل ىشىندە "samruk-kazyna trust" شقو-دا جالپى سومماسى 1 ملرد تەڭگەگە 13 الەۋمەتتىك جوبا ىسكە اسىرىپتى. ماسەلەن وبلىستا 6 امبەباپ بالالار سپورت الاڭىن ورناتتى, وسكەمەن قالاسى № 8 ورتا مەكتەپ بازاسىندا ينكليۋزيۆتى ءبىلىم بەرۋدىڭ رەسۋرستىق ورتالىعىن اشتى, «؛قامقورلىق»؛ جوباسى اياسىندا وسكەمەن قالاسىنىڭ «؛انا مەن بالا ورتالىعى»؛ بازاسىندا دامۋىندا ەرەكشەلىكتەرى بار بالالارعا ارنالعان وڭالتۋ ورتالىعىن جوندەپ, جابدىقتادى, سونداي-اق 4 وكپەنى جاساندى جەلدەتۋ اپپاراتى, 30 كونسەنتراتور جانە 60 پۋلسوكسيمەتر, 5 سانيتارلىق ماشينانى قور قارجىسىنا الىپ بەرگەن ەكەن.
قازىر قور ءوڭىردى دامىتۋ بويىنشا جاڭا باستامالارعا ءازىر ەكەنىن اتالعان كەزدەسۋدە مالىمدەپ ءوتتى. دەمەك ۇكىمەتتىك ەمەس ۇيىم وكىلدەرى, "samruk-kazyna trust" الەۋمەتتىك جوبالارىنا قاتىسۋ ءۇشىن, وزدەرىنىڭ وتىنىمدەرىن www.sk-trust.kz. «؛سەرىكتەس بولۋ»؛ بولىمىنە جىبەرۋگە جانە قوردىڭ call-ورتالىعىنا +7 (7172) 57-68-98 كورسەتىلگەن نومەر ارقىلى ؛ حابارلاسىپ, ؛ تولىق اقپارات الۋعا بولادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر