• usd 468.56

  • eur 497.56

  • rub 7.3

  • cny 67.18

28 ناۋرىز, 19:10:23
الماتى
+35°

"قازاقستان تەمىر جولى" ۇلتتىق كومپانياسى قازاقستاندىق "جىبەك جولى" كەمەسىمەن بەرديانسك تەڭىز ساۋدا پورتى ارقىلى ۋكراينادان استىق ەكسپورتتالاتىنى تۋرالى اقپاراتقا بايلانىستى پىكىر ءبىلدىردى.

قتج قازاقستاندىق كەمەمەن استىق تاسىمالداناتىنىن راستادى.

ۇلتتىق كومپانيا تاراتقان اقپاراتقا قاراعاندا, كەمە ؛"ktz express shipping" جاۋاپكەرشىلىگى شەكتەۋلى سەرىكتەستىككە تيەسىلى. 2021 جىلعى 26 قازاندا "ktz express shipping" جشس رەسەيلىك green line llc كومپانياسىمەن بەربوۋت-چارتەر شارتىن جاساسقان. شارت مەرزىمى ؛2022 جىلعى 30 قاراشاعا دەيىن جارامدى. ول جەردە كەلىسىم-شارت ؛ ؛ارەكەت ەتۋ مەرزىمى ىشىندە كەمە جۇمىسىنا ەشقانداي سانكسيالار قولدانىلمايتىندىعىنا كەپىلدىك بەرىلگەن. ياعني "جىبەك جولى" كەمەسىنىڭ قىزمەتى سانكسيا ەرەجەلەرىن بۇزبايدى.

كەلىسىم-شارت بويىنشا جالعا الۋشى جۇكتىڭ ءتۇرى مەن ونى تاسىمالداۋ باعىتتارى بويىنشا كەمە يەسىمەن كەلىسپەيدى. ال "green-line" جاۋاپكەرشىلىگى شەكتەۋلى سەرىكتەستىگى 1999 جىلدان بەرى استىق جانە مۇناي ترەيدەرى رەتىندەگى ەستونيالىق mangelbert ou كومپانياسىمەن ۋكراينادان تۇركياعا استىق تاسىمالداۋ قىزمەتىن كورسەتۋگە ۇزاق مەرزىمدى كەلىسىمشارتقا وتىرعان.

mangelbert ou باسشىسىنىڭ سوزىنشە, 2022 جىلعى 28 ماۋسىمدا "جىبەك جولى" كەمەسى بەرديانسك تەڭىز ساۋدا پورتىندا 7 مىڭ تونناعا جۋىق بيداي تيەپ, پورتتان تۇركيانىڭ قاراسۋ پورتى باعىتىنا شىققان. ءارى استىق ۋكرايندىق ەكەنىن, ال تاسىمالداۋ ۋكراينالىق تاراپتىڭ ءوتىنىشى بويىنشا كەلىسىلگەن گۋمانيتارلىق ءدالىز بويىنشا جۇزەگە اسىرىلاتىنىن ايتادى.

بۇعان دەيىن باق بەتتەرىندە "جىبەك جولى" كەمەسىمەن ۋكراينادان تۇركياعا 7 مىڭ توننا استىق زاڭسىز ەكسپورتتالعانى تۋرالى اقپارات تاراعان. اقپاراتتا "جىبەك جولى" ء(قازىر رەسەي تۋىمەن ءجۇزىپ كەلە جاتقان) "ktz express shipping" كومپانياسىنا تيەسىلى قازاقستاندىق كەمە ەكەنى ايتىلادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر