• usd 468.56

  • eur 497.56

  • rub 7.3

  • cny 67.18

29 ناۋرىز, 10:32:48
الماتى
+35°

قازاقستان پارلامەنتى سەناتىنىڭ ءتوراعاسى ماۋلەن اشىمباەۆ جۋرناليست نارتاي ارالبايۇلىنا بەرگەن سۇحبات بارىسىندا قاڭتار وقيعاسىندا قازا تاپقان 4 جاسار ايكوركەم تۋرالى پىكىر ءبىلدىردى. ؛

&ndash؛ قاڭتار وقيعاسى كەزىندە مەن جۇمىستا بولدىم. ەسكەرتۋسىز وق اتۋعا بايلانىستى بيلىكتىڭ وكىلدەرى بىرنەشە رەت تۇسىنىكتەمەلەردى بۇعان دەيىن دە ايتقان بولاتىن. سوندىقتان بۇل سۇراققا قايتىپ كەلمەيىك. قازا بولعان ءبۇلدىرشىن ماسەلەسىن ايتايىق. بۇل &ndash؛ ۇلكەن تراگەديا. ءار اتا-انا ءۇشىن بالاسىنان ايرىلۋ &ndash؛ ەڭ ۇلكەن قاسىرەت, ەڭ ۇلكەن تراگەديا ەكەنى انىق. تاعى دا قازا تاپقان ءبۇلدىرشىننىڭ اكە-شەشەسى مەن تۋعان-تۋىستارىنا كوڭىل ايتامىن. بۇل تراگەديا ءبارىمىزدىڭ قابىرعامىزدى قايىستىردى. بۇل قالاي بولدى, نەگە بولدى؟ بۇل سۇراقتاردى تەرگەۋ ورگاندارى تولىق انىقتاۋى كەرەك. سونداي-اق حالىققا كەرەكتى تۇسىنىكتەمەلەر جاسالۋ ءتيىس. كەزدەيسوق بولعان جاعداي, ارنايى اتپاعان شىعار دەپ سەنەمىز. ءبىراق ءبىز ولاي ايتا المايمىز, تەرگەۋ ءجۇرۋى كەرەك. تەرگەۋدىڭ ناتيجەسىندە اتا-اناسىمەن قاتار حالىققا دا مالىمەتتەر بەرىلۋى كەرەك. سوندىقتان تەرگەۋدىڭ اياقتالعانىن كۇتەيىك. سول كەزدە عانا وسى ماسەلەگە قاتىستى پىكىر بىلدىرۋگە بولادى. ءقازىر تەك بۇل وقيعا وتباسى ءۇشىن عانا ەمەس, ءبارىمىز ءۇشىن اۋىر تيگەنىن ايتا الامىن, ؛&ndash؛ دەدى ماۋلەن اشىمباەۆ. ؛

4 جاستاعى ايكوركەم مەلدەحان 7 قاڭتار كۇنى قازا تاپقان. مەلدەحان اۋلەتى كەشكى ۋاقىتتا ازىق-تۇلىك ىزدەپ كولىكپەن ساتپاەۆ كوشەسىنىڭ بويىمەن كەتىپ بارا جاتقان. الماتى اكىمدىگىنىڭ ماڭىنا تاياعاندا الدەكىمدەر كولىكتى اتقىلاي باستايدى. اتىلعان وقتىڭ ءبىرى ايكوركەمنىڭ ماڭدايىنا تيگەن. كولىكتە وتاعاسى ايدوس ؛مەلدەحاننىڭ ايكوركەمنەن وزگە ءبىر ۇلى مەن قىزى بولعان. ەكەۋى دە جارالانعان. بۇگىندە ەكەۋىنىڭ دە جاعدايى ءماز ەمەس. 15 جاستاعى قىزدىڭ دەنەسىندە ءالى دە 8 جاراقات جارىقشاعى بار. ونى شىعارۋ مۇمكىن بولماي تۇر. جارالى قىز ۇيىنەن شىقپايدى, قوزعالۋى قيىن. مەكتەپتى ونلاين بىتىرگەن. ۇيدەگى كەنشە ۇلمەن پسيحولوگ جۇمىس ىستەپ جاتىر. الىگە دەيىن قورقادى. پوستتراۆماتيكالىق شوك العان. ايدوس ؛مەلدەحان كولىك شاناعىنان 20 وق ءىزىن تاپقانىن ايتادى. سوزىنشە, بالليستيكا ساراپتاماسى وق اسكەريلەر قولداناتىن قارۋعا تيەسىلى ەكەنىن انىقتاعان.
 ؛
ال جۋىردا ؛orda.kz اقپارات پورتالى ؛مەلدەحاننىڭ جانۇياسى ۇقك قىزمەتكەرلەرىنىڭ قوقان-لوقىسىنان كەيىن شەتەلگە كەتىپ قالعانىن جازدى. باسىلىم ايدوس مەلدەحان ۇقك قىزمەتكەرلەرى بىرنەشە مارتە كەلىپ, قوقان-لوقى كورسەتكەنىن ايتقانىن, ولارعا ازالى وتباسىنىڭ بەلسەندىلىگى, تەرگەۋدى تالاپ ەتىپ, جۋرناليستەرگە سۇحبات بەرگەنى ۇناماي قالعانىن حابارلاعان. سوندىقتان وتباسىمەن شەتەلگە كەتۋگە ءماجبۇر بولعانىن, قاۋىپسىزدىكتەرى ءۇشىن قايدا كەتكەنىن ايتا المايتىنىن جەتكىزگەن.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر