يۋريي شاتۋنوۆتىڭ ولىمىنە قاتىستى قىلمىستىق ءىس قوزعالدى

رەسەيلىك ءانشى يۋريي شاتۋنوۆتىڭ ولىمىنە قاتىستى قىلمىستىق ءىس قوزعالدى. بۇل تۋرالى 48 جاستاعى انشىمەن قوشتاسۋ ءراسىمى كەزىندە ءارتىستىڭ ديرەكتورى اركاديي كۋدرياشوۆ ايتتى. ؛

"ۇستەل ۇستىندە ءيۋرييدىڭ جاعدايى ناشارلادى. ءبىر ۋاقىتتا ول كەۋدەسىن ۇستاپ, دەم الۋى قيىنداي ءتۇستى. ءبىز "جەدەل جاردەمگە" حابارلاسقان كەزدە ولار "وزدەرىڭ الىپ كەلىڭدەر, ايتپەسە ۇزاق ۋاقىت كۇتىپ قالاسىزدار" دەپ جاۋاپ بەردى. ؛جاقىن ماڭداعى جەدەل جاردەم بولىمىنە اپاردىق. ؛ ولار دا "ناۋقاستىڭ جاعدايى اۋىر" دەپ اۋرۋحاناعا جىبەردى. اۋرۋحانا جەتكىزەتىن كولىكتەرى ؛ ەسكىرگەن, ەشقانداي قۇرال-جابدىق جوق. ءيۋرييدى اۋرۋحانا جەتكىزىپ ۇلگەرمەدىك, جولدا جۇرەگى توقتادى. مەن ونى قۇتقارۋ مۇمكىن ەمەس ەدى دەپ ويلايمىن. وعان دارىگەرلەر كومەكتەسپەك بولدى. ءبىراق ءبارى كەش ەدى. ءقازىر "جەدەل جاردەم" ؛ قىزمەتكەرلەرىنىڭ ۇستىنەن قىلمىستىق ءىس قوزعالدى. ءبىراق ءبىز دارىگەرلەرگە قارسى ەشتەڭە ايتا المايمىز", دەدى اركاديي كۋدرياشوۆ ؛kp.ru سايتىنا بەرگەن سۇحباتىندا. ؛

ديرەكتوردىڭ ايتۋىنشا, ءارتىس "لاسكوۆىي ماي" ءانىن ايتۋعا قاتىستى سوت وتىرىسىنان 2 كۇن وتكەن سوڭ قايتىس بولعان.

"ونىڭ جۇرەگىنىڭ توقتاۋىنا سول سوت وتىرىسى اسەر ەتتى دەپ ويلايمىن. قايتىس بولاردان 2 كۇن بۇرىن سوتتا جەڭىسكە جەتىپ, حيت ءاندى ورىنداۋ قۇقىعىن قايتارعان ەدى. ءبىراق سول ۋاقىتتا قاتتى شارشادى" دەپ ەسكە الادى ؛اركاديي كۋدرياشوۆ.