• usd 477.98

  • eur 488.93

  • rub 7.93

  • cny 70.82

08 تامىز, 04:00:31
الماتى
+21°

كۇنى كەشە عانا جەتىسۋ وبلىسى ەسكەلدى اۋدانىنىڭ اكىمى رەتىندە رەسپۋبليكالىق "جىلدىڭ ەڭ ۇزدىك مەملەكەتتىك قىزمەتشىسى &ndash؛ 2022" بايقاۋىندا جەڭىمپاز اتانعان رۋستام ءالي جاڭا قىزمەتكە تاعايىندالدى. ول الماتى وبلىسىن ەكىگە ءبولۋ ناتيجەسىندە قۇرىلعان جەتىسۋ وبلىسى اكىمىنىڭ ورىنباسارى اتاندى.

الپىسباەۆ رۋستام ءاليۇلى 1984 جىلى قازىرگى جەتىسۋ وبلىسى ەسكەلدى اۋدانى قارابۇلاق اۋىلىندا دۇنيەگە كەلگەن.

ال-فارابي اتىنداعى قازاق ۇلتتىق ۋنيۆەرسيتەتى شىعىستانۋ ماماندىعى بويىنشا باكالاۆر, ماگيستراتۋرا, دوكتورانتۋرا دارەجەلەرىن ءتامامداعان. ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن قارجى ماماندىعى بويىنشا بىتىرگەن.

ەڭبەك جولىن 2006 جىلى "دەلوۆايا نەدەليا" باسىلىمىندا ءتىلشى بولىپ باستاعان. گازەتتە ىستەي ءجۇرىپ ؛centralasiaonlaine.com سايتىندا فريلانسەر بولىپ قىزمەت ەتكەن. ءار جىلدارى "كاسپيي" جۋرنالىنىڭ قازاقستانداعى رەسمي وكىلى, ؛"دەلوۆايا نەدەليا" گازەتى حالىقارالىق ءبولىمىنىڭ رەداكتورى, قازۇۋ شىعىستانۋ فاكۋلتەتىندە وقىتۋشى, ؛"دەلوۆايا نەدەليا" باسىلىمى باس رەداكتورىنىڭ ورىنباسارى, الماتى وبلىسى ىشكى ساياسات باسقارماسىنا قاراستى جەتىسۋ جاستارى كاسىپورنىنىڭ ديرەكتورى, جەتىسۋ ۋنيۆەرسيتەتى جۋرناليستيكا كافەدراسىندا وقىتۋشى, الماتى وبلىسى ەسكەلدى اۋدانى قاينار اۋىلدىق وكرۋگىنىڭ اكىمى, الماتى وبلىسى جاستار ساياساتى, ىشكى ساياسات باسقارمالارىنىڭ باسشىسى, الماتى وبلىسى اكىمىنىڭ ورىنباسارى قىزمەتتەرىن اتقارعان.

2021 جىلعى 5 مامىردا ەسكەلدى اۋدانىنىڭ اكىمى بولىپ تاعايىندالعان.

وبلىستىق دەڭگەيدە باسقارما باسشىسى بولىپ تۇرعاندا ؛#taldyparis, حان ءتاڭىرى, مۇقىلاي جوبالارى, وربۇلاق تاريحي شايقاسىنىڭ رەكونسترۋكتيالىق قويىلىمى سەكىلدى اقپاراتتىق, تانىمدىق, تاريحي ءتۇرلى جوبالاردى ىسكە اسىرعان.

20-دان استام عىلىمي, 400-دەن استام پۋبليسيستيكالىق ماقالانىڭ اۆتورى.

قازاق, ورىس, اعىلشىن, اراب تىلدەرىن مەڭگەرگەن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر