• usd 477.98

  • eur 488.93

  • rub 7.93

  • cny 70.82

08 تامىز, 03:38:09
الماتى
+21°

الەۋمەتتىك جەلىدە قاڭتار وقيعالارىنان كەيىن قاماۋدا وتىرعان "ديكيي ارمان" دەگەن لاقاپ اتپەن بەلگىلى كريمينال-اۆتوريتەت ارمان جۇماگەلديەۆتىڭ پرەزيدەنت ق.توقاەۆقا جاساعان اۋديوۇندەۋى تاراپ جاتىر.

ارمان جۇماگەلديەۆ ۇندەۋىندە قاڭتاردا الاڭعا حالىقتى, ەل تاۋەلسىزدىگىن قورعاۋ ءۇشىن شىققانىن ايتقان. ؛

"بىرى تۇسىنسە, ءبىرى تۇسىنە بەرمەيدى. شىنىمەن حالقىمدى قورعايمىن دەپ, تاۋەلسىزدىگىمىزدى ساقتاۋ ءۇشىن الاڭعا شىقتىم. ەلىمە, جەرىمە, حالقىما قيىن جاعدايدا كومەك كورسەتۋ ءۇشىن شىقتىم. ءبىراق سونداي جاقسىلىق ىستەگەننەن كەيىن تۇرمەدە وتىرعانىما قاپالىمىن. قازاقتا وسىنداي جامان ادەت بار. ءوزىمىزدىڭ باتىرلارىمىزدى ءوز قولىمىزبەن تۇرمەگە تىعىپ, ولگەن سوڭ "باتىر ەدى" دەپ ماقتاپ وتىرامىز. مەن شىنىمەن ءوز حالقىم ءۇشىن, ەلىم ءۇشىن, مەملەكەت ءۇشىن شىقتىم. الايدا مۇنى بيلىك تە, حالىق تا باعالاي المادى" دەيدى جۇماگەلديەۆ ۇندەۋىندە. ؛

سونداي-اق ول قاڭتارداعى قاقتىعىستاردا پوليسيا قىزمەتكەرلەرى مەن ۇقك وكىلدەرى قاشىپ كەتتى, حالىقتى قورعايتىن ەشكىم بولمادى دەپ وتىر.

"ەلدە شىنىمەن قاقتىعىس, تارتىپسىزدىك بولدى. عيماراتتاردى ورتەدى, ادامداردى ءولتىردى. پوليسەيلەر دە, ۇلتتىق قاۋىپسىزدىك قىزمەت وكىلدەرى دە بارلىعىن تاستاپ, قاشىپ كەتتى. مەن ءوز ەلىمنىڭ ازاماتى رەتىندە ادامداردى بەيبىتشىلىككە شاقىردىم. تارتىپسىزدىك جاساۋعا قارسى ەكەنىمدى ايتتىم. ارانداتۋشىلارعا سەنىپ قالماسىن دەپ تۇرعىنداردى قورعاۋعا تىرىستىم. تاۋەلسىزدىگىمىزدىڭ تاعدىرى قىل ۇستىندە تۇردى. مەن ادامداردى ءولتىرىپ, ايەلدەردى زورلاپ جاتقانىن ەستىگەن سوڭ ءبىر ورىندا وتىرا المادىم. قولىمنان كەلگەنشە كومەك كورسەتكىم كەلدى", دەيدى "ديكيي ارمان"

توقاەۆقا جاساعان ۇندەۋىندە جۇماگەلديەۆ ءوزىنىڭ كىناسىز ەكەنىن ايتىپ, اقتالدى. ؛

"كەز كەلگەن قىلمىستىڭ بەلگىلى ءبىر ءموتيۆى بولادى. مەن ارانداتۋشىلار مەن مورادەرلەردى ۇستاعانىم ءۇشىن جازالانىپ وتىرمىن با؟! الاڭدا قاۋىپسىزدىكتى قامتاماسىز ەتەتىن ەشكىم بولمادى, پوليسەي دە, ۇقك قىزمەتكەرلەرى دە. سول ءۇشىن ايەلدەر مەن بالالاردى قۇتقارعىم كەلدى. مەنىڭ بار كىنام وسى بولعانى ما؟! بانك كارتالارى ىستەمەي قالعان ادامدارعا ازىق-تۇلىك تاراتقانىم ءۇشىن كىنالىمىن بە؟! قالادا وسى جاعدايدى پايدالانىپ جۇرگەن ۇرى-قارىلار, ەسىركى شەگىپ, ىشىمدىك ءىشىپ باسسىزدىق جاساعاندار بولدى. سوندا ەرتەڭ جەرىمىزگە جاۋ كىرگەندە الاڭعا شىقپاي, ۇيىمىزدە تىعىلىپ وتىرۋىمىز كەرەك پە؟ بۇل ءبىزدىڭ مەملەكەتىمىز بولعاندىقتان, ءبىز ونى قورعاۋعا مىندەتتىمىز. اكىمدەر مەن گەنەرالداردىڭ ءوزى تىعىلىپ قالعان كەزدە مەن الاڭعا شىقتىم", دەيدى ول.

ارمان جۇماگەلديەۆ الاڭدا ارانداتۋشىلار وزىنە شابۋىل جاساعانىن, باسىنان جاراقات العانىن ايتادى.

"حالىقتى ارانداتۋشىلاردان قورعايمىن دەپ جاراقات الدىم. ءوز ءومىرىمدى قاتەرگە تىكتىم. مەنىڭ باسىمدى جارىپ, ساۋساعىمدى كەستى. نەلىكتەن؟ سەبەبى مەن ارانداتۋشىلاردىڭ قاتارىندا بولمادىم. ولار سەكىلدى "بيلىكتى وزگەرتەيىك, شابۋىل جاسايىق" دەپ ايتپادىم. ەگەر سولاي ايتقان بولساي ءبارى قولدايتىن ەدى. ءبىراق مەن ولاي ايتپادىم. ءقازىر اكىمدەر مەن كەي بيلىك وكىلدەرى وزدەرىنىڭ قاتەلىكتەرىن كورسەتپەي, "ارمان جامان" دەپ جاتىر. ولار مىقتى بولسا, سونداي قيىن-قىستاۋ كۇنى قايدا بولدى؟ كىم حالىقتىڭ جانىنان تابىلدى؟ ال مەن حالىقتىڭ جاعىندا بولدىم. ولارعا كومەك كورسەتتىم. ءيا, مەن ءقازىر قيىن كەزدە حالىقتى قورعاعانىم ءۇشىن وپىق جەپ وتىرمىن" دەدى ارمان جۇماگەلديەۆ. ؛

بۇدان بولەك, جۇماگەلديەۆ پوليسيا تاراپىنان كىناسىز ادامدارعا قىسىم جاسالىپ جاتقانىن دا ايتتى. ؛

"قازىردىڭ وزىندە پوليسەيلەر كۇدىكتى دەپ تاپقان كىناسىز ادامداردى ۇرىپ-سوعىپ, ازاپتاپ جاتىر. ءتىپتى مۇلدەم كىناسى جوق ادامدارعا جالا جابۋدا. ال ولار سول كۇنى قايدا بولدى؟ نەگە ولار تىعىلىپ قالدى؟ نەگە وزدەرىنىڭ ازاماتتىق بورىشىن سول كۇنى اتقارمادى؟ وكىنىشتىسى, مەنى حالقىم دا, بيلىگىم دە, ءوز مەملەكەتىم دە تۇسىنبەدى. مەنىڭ ءدىنىم بيلىككە قارسى شىعۋعا تىيىم سالعان. سول سەبەپتى مەن ەشقاشان بيلىككە قارسى شىقپادىم. ال وسىنداي باسسىزدىق پەن كوپتەگەن ادامنىڭ ولىمىنە سەبەپ بولعان وقيعانى ۇيىمداستىرعاندارعا اللانىڭ لاعىنەتى بولسىن دەپ تىلەيمىن. ولار ەكى دۇنيەدە دە وڭبايدى", دەدى ول. ؛

ۇندەۋىنىڭ سوڭىندا ارمان جۇماگەلديەۆ توقاەۆتىڭ ادىلەتىنە سەنەتىنىن ايتقان. ول پرەزيدەنتتەن بولەك حالىققا دا ۇندەۋ جاسادى. ؛

"قۇرمەتتى پرەزيدەنت, كىناسىز ادامداردى وتباسىنا قاۋىشتىرۋىڭىزدى سۇرايمىن. ارانداتۋشىلاردىڭ الداۋىنا تۇسكەن كىناسىز ادامدارعا كەشىرىم بەرۋىڭىزدى سۇرايمىن. ؛ سونداي-اق ماعان دا كەشىرىم بەرىپ, وتباسىممەن قاۋىشۋىما مۇمكىندىك بەرىڭىز. مەن ءوز ەلىمنىڭ پاتريوتىمىن. ەلىمدى, وتانىمدى جاقسى كورەمىن. مەن ءسىزدىڭ كەشىرىمىڭىز بەن ادىلەتىڭىزگە سەنىم ارتامىن. ؛حالقىم, ءبىز بىرگە بولۋىمىز كەرەك. بۇل قيىن سىناقتان بىرلىك ارقىلى وتە الامىز. بۇل تاۋەلسىزدىكتى اتا-بابامىز ارماندادى. باتىرلارىمىز بەن حاندارىمىز جەتە الماعان تاۋەلسىزدىكتى ساقتاپ قالۋىمىز كەرەك. ارانداتۋشىلاردىڭ ارباۋىنا سەنبەڭىزدەر. وسى وقيعا ءبىزدى ءبىر ەتىپ, ودان سايىن مىقتى بولۋىمىزعا سەبەپ بولادى دەگەن سەنىمدەمىن", دەپ ءسوزىن اياقتادى ارمان جۇماگەلديەۆ. ؛

 ؛
 ؛
 ؛
پوسموترەت ەتۋ پۋبليكاسيۋ ۆ instagram
 ؛
 ؛
 ؛

پۋبليكاسيا وت ارمان دجۋماگەلديەۆ (@arman.djumageldiev)

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر