فوتو: getty images
اۋعانستاندا قۋاتتى جەر سىلكىنىسى بولىپ, كەمى 1000-نان استام ادام قازا تاپتى. ءزىلزالادان كەلگەن شىعىننىڭ كوپتىگى سونشا, ەل باسشىلىعىنداعى تالىپتەر حالىقارالىق قولداۋعا مۇقتاج ەكەنىن ءمالىم ەتتى.
ۆۆس ءدىڭ دەرەگىنشە, ءزىلزالادان كەمى 1500 ادام ءتۇرلى دەنە جاراقاتىن العان. قيراندى استىندا قالعاندار سانى قانشا ەكەنى ازىرگە بەلگىسىز.
ەلدىڭ وڭتۇستىك-شىعىسىنداعى پاكتيكا پروۆينسياسى قاتتى قيراعان. قۇتقارۋ جۇمىستارى نوسەر مەن رەسۋرستاردىڭ جەتىسپەۋشىلىگىنەن قيىنعا ءتۇسىپ جاتىر.
حوست قالاسىنان 44 شاقىرىم جەردەگى ءزىلزالا ەپيسەنترىنە ؛جاقىن اۋىلدار تولىعىمەن بۇلىنگەن, جولدار قيراپ, موبيلدىك بايلانىس ۇزىلگەن. قازا تاپقاندار سانى ارتا تۇسە مە دەگەن ءقاۋىپ بار.
اۋعانستاندا مۇنداي ءىرى جەر سىلكىنىسى بولماعالى جيىرما جىلدان اسقان.
تالىپتەر اۋعانستان گۋمانيتارلىق جانە ەكونوميكالىق داعدارىستى وتكەرىپ جاتقاندىقتان, ۇكىمەت حالىققا قاجەتتى مولشەردە قولداۋ كورسەتە المايتىنىن ايتىپ, حالىقارالىق قاۋىمداستىقتان كومەك سۇراپ وتىر.
بۇۇ-نىڭ ءتوراعاسى ؛انتونيۋ گۋتەرريش مەديسينالىق بريگادا, دارى-دارمەك, ازىق-تۇلىك پەن اپاتتا جان ساۋعالايتىن ۋاقىتشا باسپانالار ءزىلزالا ورنىنا جونەلتىلگەنىن حابارلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر