شقو-دا ساياسي قۋعىن-سۇرگىن قۇرباندارىن اقتاۋدا ۇلكەن جۇمىستار اتقارىلۋدا

ساياسي قۋعىن-سۇرگىن كەزىندە جۇزدەگەن مىڭ ادام ادىلەتسىز سوتتالىپ, قۋدالانىپ, ميلليونداعان جاندار اشارشىلىققا ۇشىرادى. ەل باسىنا تۇسكەن ءناۋبات قازاقتىڭ تاريحىندا قارالى ارىپتەرمەن جازىلدى. شقو اكىمى دانيال احمەتوۆ قۋعىن-سۇرگىنگە ۇشىراعان قازاقستاندىقتاردىڭ وتباسىلارىمەن كەزدەسىپ, كىناسىز سوتتالعان ادامداردى اقتاۋ بويىنشا جۇرگىزىلىپ جاتقان جۇمىستار تۋرالى ايتىپ بەرگەنى ەل ەسىندە.وڭىر باسشىسى بىلاي دەپ ەدى.

"شىعىس قازاقستان وڭىرلىك كوميسسياسى ءبىر جارىم جىل ىشىندە 373 قوردى زەردەلەپ, 19 مىڭنان استام ماتەريالدى قارادى. 1213 ءىس دايىندالىپ, مەملەكەتتىك كوميسسيانىڭ قاراۋىنا جىبەرىلدى. بۇل جاي عانا ستاتيستيكا ەمەس, جاي عانا ءىس ەمەس &ndash؛ بۇل ادامداردىڭ تاعدىرى, ءبىز ولاردىڭ ەسىمدەرى اقتالىپ, ۇرپاقتارى الدىندا تاريحي ادىلەتتىلىكتى قالپىنا كەلتىرۋىمىز كەرەك" دەدى شقو اكىمى دانيال احمەتوۆ.

سول قايعىلى جىلدارى قازاقستان ميلليونداعان ءتۇرلى ۇلت پەن ءدىن وكىلدەرىن قابىلدادى. ؛ كۇشتەپ جەر اۋدارۋ بارىسىندا بەس ميلليونعا جۋىق ادام قازاق جەرىنەن پانا تاۋىپ, جاڭا وتانىنا يە بولدى. قاسىم-جومارت كەمەلۇلى توقاەۆتىڭ تاپسىرماسى بويىنشا 2020 جىلى ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا قۇرىلعانى بەلگىلى.

پرەزيدەنت «؛ادىلەتسىز سوتتالعانداردى ەستە ساقتاي وتىرىپ, ءبىز تاۋەلسىزدىگىمىزدىڭ نەگىزى بولىپ تابىلاتىن جارقىن بولاشاقتى قۇرا الامىز. وتكەن عاسىردىڭ ەڭ قاتىگەز تراگەديالارىنىڭ بىرىندە جازىقسىز زارداپ شەككەندەردىڭ بارلىعىنا قۇرمەت كورسەتۋ &ndash؛ ءارقايسىمىزدىڭ پارىزىمىز" - دەپ اتاپ وتكەن ەدى.

كەڭەس زامانىندا ءومىر سۇرگەن حالىقتارعا «؛ۇلكەن تەرروردىڭ»؛ وراسان زور قاسىرەت اكەلگەنى ەسىمىزدە. زۇلمات جىلداردا قازاقستانعا كسرو-نىڭ تۇكپىر-تۇكپىرىنەن بەس ميلليوننان استام ادام جەر اۋدارىلدى. ؛100 مىڭعا جۋىق ازاماتىمىز قۋعىن-سۇرگىنگە ۇشىراپ, سونىڭ 20 مىڭنان استامى اتىلدى. وتانىن ساتقاندار ايەلدەرىنىڭ اقمولا لاگەرى («؛الجير»؛) سول جىلدارداعى قاتىگەزدىك پەن جاۋىزدىقتىڭ قارا تاڭباسىنداي بولدى. مۇندا ساياسي تۇتقىنداردىڭ جاقىن تۋىستارى, ايەلدەرى مەن بالالارى قامالدى.

تاريحي ادىلدىكتى قالپىنا كەلتىرۋ جۇمىستارىن اياقتاپ, ساياسي قۋعىن-سۇرگىن قۇرباندارىن اقتاۋ ءۇشىن ارنايى مەملەكەتتىك كوميسسيا قۇرىلعانى بەلگىلى. بۇگىندە مەملەكەتتىك كوميسسيا قۋعىن-سۇرگىن قۇرباندارىن ءار ءتۇرلى توپتاردى اقتاۋ باعىتتارى بويىنشا جۇمىس توپتارى قۇرىلىپ, قارقىندى جۇمىس اتقارۋدا.

جۇمىس جوسپارى, قۋعىن-سۇرگىن قۇرباندارىنىڭ ءتۇرلى توپتارىن اقتاۋ جونىندەگى قىزمەتتى ءادىسنامالىق قامتاماسىز ەتۋ ماسەلەلەرى ەگجەي-تەگجەيلى قارالىپ جاتىر. توتاليتاريزمنەن زارداپ شەككەن كوپتەگەن ۇلت وكىلدەرى ءۇشىن قازاق جەرى قۇتتى مەكەنگە اينالدى. اتا-بابالارىمىزدان دارىعان قايسارلىق پەن توزىمدىلىكتىڭ ارقاسىندا قاتاڭ سىننان ابىرويمەن ءوتىپ, ءبىرتۇتاس ۇلت رەتىندە بىرىگۋگە مۇمكىندىك الدىق.

حح عاسىردىڭ 20-50 جىلدارىنداعى ساياسي قۋعىن-سۇرگىن زوبالاڭى &ndash؛ حالقىمىزدىڭ تاريحىنداعى قاسىرەتتى كەزەڭنەن سىر شەرتەتىن, ساياسي قۋعىن-سۇرگىن قۇرباندارىن ەسكە الۋ مۇراجايى 2012 جىلى وسكەمەن قالاسىندا اشىلىپ, وسكەلەڭ ۇرپاق سول كەزدەگى تاريحتاعى اق تاعداقتارمەن تانىسىپ, ناقتى وقيعالارىمەن, سوتتالعانداردىڭ تۇرمىستا پايدالانعان زاتتارىمەن, تۋعان-تۋىسقاندارى ءۇشىن جازىلعان حاتتارمەن تانىسۋعا مۇمكىندىك الۋدا. تار جول, تايعاق كەشىپ, قيلى, زۇلماتتى كۇندەردى باسىنان وتكەرىپ, قيىندىق كورسەدە, نامىسىن تاپتاتباعان بابالار قاشاندا قۇرمەتكە لايىق.

نۇرگۇل التاي