بجعم: قازاقستان عالىمدارى ميوكارد ينفاركتىسى مەن ينسۋلت مۇگەدەكتىگىن ازايتاتىن ءتاسىل ويلاپ تاپتى

قازاقستاندىق عالىمدار ارتەريالىق پاتولوگيالاردى ەمدەۋدىڭ جاڭا ادىستەرىن ويلاپ تاپتى. بۇلاي دەپ ءبىلىم جانە عىلىم مينيسترلىگى حابارلادى.

عالىمداردىڭ پىكىرىنشە, ءتاسىل ميوكارد ينفاركتىسىنەن, ينسۋلتتان, تروفيكالىق جارالاردان, تومەنگى اياقتىڭ گانگرەناسىنان, سونداي-اق باسقا دا مۇشەلەردىڭ مۇگەدەكتىگى مەن ءولىمدى ازايتادى.

ال-فارابي اتىنداعى قازاق ۇلتتىق ۋنيۆەرسيتەتىنىڭ قان تامىرلارى پاتولوگياسى ورتالىعىنىڭ قىزمەتكەرلەرى ارتەريالىق تامىرلاردىڭ وتكىزگىشتىگىن قالپىنا كەلتىرۋگە ارنالعان قۇرىلعىلار مەن ادىستەرگە قازاقستان رەسپۋبليكاسىنىڭ ەكى پاتەنتىن جانە ەۋرازيالىق پاتەنتتىك ۆەدومستۆونىڭ ەكى پاتەنتىن العان.

 ؛

مينيسترلىك مالىمدەمەسىندە, بۇل قۇرىلعىلاردى قولدانۋ قان تامىرلارىن ستەنتتەۋ, سونداي-اق ومىرلىك ماڭىزدى مۇشەلەر, ياعني جۇرەك, مي, تومەنگى اياق ارتەريالارى جانە ت.ب. تامىرلارىنا اشىق شۋنتتاۋشى وپەراسيالار سياقتى بەلگىلى جانە كۇردەلى ادىستەرمەن سالىستىرعاندا ەمدەۋدىڭ سالىستىرمالى تۇردە ءتيىمدى بولجامدارى مەن ساپاسىن بەرەتىنى ايتىلادى.

&ndash؛ جىل سايىن الەمدە ستەنتتەر 60 ملرد دوللارعا ساتىلادى, ءبىز ۇسىناتىن ەمدەۋ ءادىسى الدەقايدا ارزانىراق بولادى. ءبىزدىڭ ءونىم تەحنيكالىق تا, قۇنى جاعىنان دا جاقىن انالوگتاردان بىرنەشە ەسە اسىپ تۇسەدى, &ndash؛ دەيدى پروفەسسور ورالباي دارمەنوۆ.

مينيسترلىك عالىمدار قازىرگى تاڭدا كلينيكالىق سىناقتار مەن كوممەرسيالىق وندىرىسكە ارنالعان قۇرىلعىلاردىڭ زەرتحانالىق جانە وندىرىستىك ۇلگىلەرىن جاساۋمەن اينالىسىپ جاتقانىن اتاپ ءوتتى.