شقو-دا جىل سايىن  700 مىڭ شارشى مەتر تۇرعىن ءۇي سالىنباق

حالىقتىڭ ءومىر ءسۇرۋ ساپاسىنىڭ ماڭىزدى فاكتورى تۇرعىن ۇيمەن قامتاماسىز ەتۋ بولسا, ءقازىر شقو-دا 280 ميلليارد تەڭگەگە 1,4 ميلليون شارشى مەتر تۇرعىن ءۇي سالىنىپ جاتىر.

وسى جىلى 647 مىڭ شارشى مەتر پايدالانۋعا بەرىلدى. 4 مىڭعا جۋىق وتباسى قولجەتىمدى تۇرعىن ۇيمەن قامتاماسىز ەتىلەدى. بۇل الدىڭعى جىلعى كولەمگە قاراعاندا 116 پايىزعا جوعارى.

ال تابىسى تومەن حالىقتى قولداۋ ءۇشىن تۇرعىن ءۇي ساتىپ الۋ ءۇشىن 200 ملن. تەڭگەدەن استام سوماعا 204 تۇرعىن ءۇي سەرتيفيكاتى بەرىلدى. جەكە ينۆەستيسيالاردى تارتۋ ەسە­؛بىنەن قۇرىلىس سالۋشىلار 104 ميل­؛ليارد تەڭگەگە 86 كوممەرسيالىق ءۇي­؛دىڭ (450,6 مىڭ شارشى مەتر) قۇرىلىسى جۇرگىزۋدە.

ينۆەستورلارعا ينجەنەرلىك ينفراقۇرىلىمى بار جوبالار مەن جەر تەلىمدەرى ۇسىنىلدى. 2022-2025 جىلدار ارالىعىندا جىل سايىن كەمىندە 700 مىڭ شارشى مەتر تۇرعىن ءۇي سالۋ كوزدەلىنگەن. تەك وبلىس ورتالىعىندا 2025 جىلعا قاراي 3 ميلليون شارشى مەترگە جۋىق جاڭا تۇرعىن ءۇي سالىنادى. اسىرەسە 21, 25 جانە 28 تۇرعىن اۋدانداردا قۇرىلىس بەلسەندى تۇردە جۇرگىزىلمەك.

اعىمداعى جىلى ء"بىر قاباتتى شىعىس" مەملەكەتتىك باعدارلاماسى بويىنشا سەمەي, ريددەر جانە وسكەمەندە, سونداي-اق وبلىستىڭ كوپتەگەن اۋداندارىندا جاڭا ۇيلەر پايدالانۋعا بەرىلەدى.