• usd 470.9

  • eur 496.94

  • rub 8.83

  • cny 70.33

25 ماۋسىم, 11:32:21
الماتى
+21°

رەسەي سوتى وپپوزيسيالىق ساياساتكەر الەكسەي ناۆالنىيدىڭ جازا مەرزىمىن قاتاڭ رەجيمدەگى تۇزەۋ كولونياسىنا اۋىستىرۋ شەشىمىنە تۇسىرگەن وپەلياسيالىق شاعىمىن قاناعاتتاندىرعان جوق. بۇل تۋرالى ؛bbc ؛حابارلادى.

رەسەي سوتى ءپۋتيننىڭ باستى وپپونەنتىن "الاياقتىق جاسادى" جانە "سوتقا قۇرمەتسىزدىك كورسەتتى" دەگەن ايىپپەن 9 جىلعا باس بوستاندىعىنان ايرىلعان. جاقىن ارادا ونى قاتاڭ رەجيمدەگى كولونياعا اۋىستىراتىن بولادى. بۇگىنگە دەيىن ناۆالنىي جالپى رەجيمدەگى كولونيادا بولعان. ؛

ناۆالنىيدىڭ ءوزى سوتقا ۆيدەو ارقىلى ونلاين رەجيمدە قاتىستى. وپپوزيسيونەر جاقتاستارى ۆيدەوبايلانىس ساپاسى وتە ناشار بولعانىن ايتادى.

"مەن ءقازىر جالپى رەجيمدەگى كولونيادامىن. ءۇش ايدىڭ ىشىندە ءبىر-اق رەت جاقىندارىممەن كەزدەسۋگە مۇمكىندىگىم بار. ەگەر سوت ۇكىمى وزگەرىسسىز قالسا, مەنى قاتاڭ رەجيمدەگى كولونياعا اۋىستىرادى. ال ول جاقتا قانداي شارتتار بولاتىنىن ەشكىم بىلمەيدى. نەگىزى, مەن سيزو-دا وتىرۋىم كەرەك. ءبىراق مەن جالپى رەجيمدەگى كولونيادامىن. مەنىڭ جاقىندارىممەن كەزدەسۋگە قۇقىعىم بار. قاتاڭ رەجيمدەگى كولونيادا كەزدەسۋ سانى مۇلدەم از بولاتىنى بەلگىلى", دەدى وپپوزيسيونەر سوت وتىرىسىندا. ؛ ؛

22 ناۋرىزدا ماسكەۋدىڭ لەفورتوۆو سوتى ناۆالنىيدى توعىز جىلعا باس بوستاندىعىنان ايىرىپ, جازاسىن قاتاڭ رەجيمدەگى كولونيادا وتەۋگە جانە 1,2 ميلليون رۋبل ايىپپۇل تولەۋ تۋرالى ۇكىم شىعارعان.

قۇقىققورعاۋشىلار وپپوزيسيالىق ساياساتكەرگە تاعىلعان ايىپتىڭ ساياسي استارى بار دەپ سانايدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر