فوتو: شقو اقپارات ورتالىعى
تەاتر, كەسكىندەمە, مۋزىكا جانە ادەبيەت-حالىقتىڭ ناعىز قازىناسى, ول ونىڭ مادەني-تاريحي وتكەنىن بەينەلەيدى جانە بۇگىنىن بايىتادى. 21 مامىردا قازاقستاننىڭ مادەنيەت جانە ونەر وكىلدەرى وزدەرىنىڭ كاسىبي مەرەكەلەرىن اتاپ وتەدى. ؛ شقو اكىمى دانيال احمەتوۆ ءوز قۇتتىقتاۋىندا مادەنيەت جانە ونەر قىزمەتكەرلەرى - ءبىزدىڭ مەرەكەمىزدى, فەستيۆالدەر مەن بايقاۋلارىمىزدى ۇيىمداستىراتىن, قۋانىش پەن جاعىمدى ەموسيالار سىيلايتىن ادامدار ەكەنىن اتاپ ءوتتى.
 ؛
"ولاردىڭ قىزىقتى يدەيالارى مەن قاجىرلى ەڭبەگىنىڭ ارقاسىندا ايماق ءومىرى جارقىن جانە قىزىققا تولى. كوپتەگەن ءىس-شارالاردى وتكىزۋدە شىعىس قازاقستان باسقا وبلىستار ءۇشىن ۇلگى بولدى, ءبىز رەسپۋبليكالىق جانە الەمدىك دەڭگەيدەگى مادەنيەت قايراتكەرلەرىن قابىلدايمىز. مۋزەيلەردىڭ, كىتاپحانالاردىڭ, ونەر مەكتەپتەرىنىڭ قىزمەتكەرلەرى, تەاترلار مەن كونسەرتتىك بىرلەستىكتەردىڭ, شىعارماشىلىق وداقتاردىڭ قايراتكەرلەرى, مادەنيەت ۇيلەرىنىڭ, قالالىق جانە اۋىلدىق كلۋبتاردىڭ ماماندارى, كوركەمونەرپازدار ۇجىمدارى جانە باسقالارى - بۇل ءبىزدىڭ رۋحاني جانە ادامگەرشىلىك قۇندىلىقتارىمىزدى ساقتاۋعا جانە ارتتىرۋعا كومەكتەسەتىن ادامدار. ءبىزدىڭ ايماق - ەسىمدەرى بۇكىل الەمگە تانىمال بولعان كورنەكتى اقىنداردىڭ, جازۋشىلاردىڭ, فيلوسوفتاردىڭ, سۋرەتشىلەر مەن مۇسىنشىلەردىڭ وتانى. مەن وسى سالانىڭ بارلىق قىزمەتكەرلەرىنە سارقىلماس قۋات پەن شابىت, باقىت, دەنساۋلىق, جاقسىلىق پەن اماندىق تىلەيمىن!"- دەدى ايماق باسشىسى.
 ؛
بۇگىن پرەزيدەنت قاسىم-جومارت كەمەلۇلى توقاەۆتىڭ جارلىعىمەن مادەنيەت سالاسىنداعى اسا كورنەكتى جەتىستىكتەرى جانە قازاقستان رەسپۋبليكاسىنا سىڭىرگەن ەرەكشە ەڭبەگى ءۇشىن "قازاقستاننىڭ ەڭبەك سىڭىرگەن قايراتكەرى" قۇرمەتتى اتاعى ەلىمىزدىڭ ءبىرقاتار كورنەكتى مادەنيەت قايراتكەرلەرىنە بەرىلدى. ولاردىڭ ىشىندە شىعىسقازاقستاندىقتار: "ەرتىس كونسەرت" مكقك سيمفونيالىق وركەسترىنىڭ باس ديريجەرى گالسانوۆ الەكساندر ۆالەرەۆيچ, ا.قاشاۋباەۆ اتىنداعى مەملەكەتتىك فيلارمونيانىڭ ءانشىسى ۋتۋلەنوۆا ماپرۋزا كادەشەۆنا, سونداي-اق ابايدىڭ "جيدەباي-بورىلى" مەملەكەتتىك تاريحي-مادەني جانە ادەبي-مەموريالدىق مۇراجاي-قورىعى  ؛رمقك ديرەكتورى ؛شاڭباي تۇردىقۇل قاسەنۇلى بار.
 ؛
ايتا كەتەيىك, قازاقستاندا مادەنيەت جانە ونەر قىزمەتكەرلەرى كۇنى 2013 جىلدىڭ قاراشا ايىندا رەسپۋبليكا پرەزيدەنتىنىڭ جارلىعىنا سايكەس پايدا بولدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر