اسسامبلەيا جاستارى رەفەرەندۋمدى قولدايدى

د.ا.قوناەۆ اتىنداعى ەۋرازيالىق زاڭ اكادەمياسىندا قازاقستان حالقى اسسامبلەياسىنىڭ مۇشەلەرى گەورگيي كونستانتينوۆيچ, نۋريا نيازوۆا, راسۋل احمەتوۆ جانە وسى جوعارى وقۋ ورنىنىڭ ۇستازدارى مەن ستۋدەنتتەرى, قوعام بەلسەندىلەرى باس قوستى.

جيىنعا قاتىسۋشىلار مەملەكەت باسشىسى قاسىم-جومارت توقاەۆتىڭ باستاماسىمەن جۇزەگە اسىپ جاتقان جاڭا قازاقستاننىڭ بەرىك قۇقىقتىق ىرگەسىن قالاۋعا باعىتتالعان كونستيتۋسياعا وزگەرىستەر مەن تولىقتىرۋلاردى ەنگىزۋدى كوزدەيتىن جالپىحالىقتىق رەفەرەندۋمنىڭ ماڭىزدىلىعى مەن وزەكتىلىگىن اتاپ ءوتتى.

رەفەرەندۋمنىڭ ماڭىزى, قاجەتتىلىگى جونىندە قازاقستان حالقى اسسامبلەياسىنىڭ مۇشەسى, گرەك ەتنو-مادەنيەتىنىڭ الماتى قالاسىنداعى جەتەكشىسى گەورگيي كونستانتينوۆيچ مالىمدەدى.

&ndash؛ ءبىز وسىنداي فورماتتا كەزدەسىپ, جاستارمەن جۇزدەسىپ وتىرعانىمىزعا قۋانىشتىمىز. كونستيتۋسيا ەڭ ماڭىزدى قۇجات. ءبىزدىڭ قولدانىستاعى اتا-زاڭىمىز 1995 جىلى قابىلداندى, سودان بەرى قانشاما وزگەرىستەر مەن تولىقتىرۋلار ەنگىزىلدى. ءبىراق ولاردا بۇكىلحالىقتىق مۇددە قامتىلماعان ەدى. مىنە, بيىلعى رەفەرەندۋم سول وقىلىقتاردىڭ ورنىن تولتىرىپ, كونستيتۋسيامىزدا حالىقتىڭ مۇددەسى ەسكەرىلمەك. پرەزيدەنتىمىزدىڭ «؛حالىق بولىپ اقىلداسايىق, بىرگە وتىرىپ بىرلەسە شەشەيىك, وزگەرىستەر ەنگىزەيىك»؛ دەگەن باستاماسى قۇپتارلىق. قۇقىقتىق دامىعان ەلدە عۇمىر كەشۋدى ءبارىمىز قالايمىز. سوندىقتان, ورتاق ىسكە جۇمىلايىق, ءبىر كىسىدەي اتسالىسايىق, &ndash؛ دەدى سپيكەر.

رەفەرەندۋمنىڭ قوعام ومىرىنە ۇلكەن وزگەرىستەر اكەلەرى انىق. بۇل جونىندە جيىنعا قاتىسۋشىلار اراسىندا قىزۋ پىكىرتالاس ءوربىدى, جاستار وسىناۋ جالپىحالىقتىق شارانىڭ ماڭىزدىلىعىن اتاپ ءوتىپ, رەفەرەندۋمدى قوعامدى دەموكراتيالىق ىلگەرىلەۋگە باعىتتايتىنىنا سەنىمدى

&ndash؛ بۇل ءومىردىڭ زاڭدىلىعى. اسىرەسە مەملەكەتىمىزدى دامىتۋشى كۇش &ndash؛ جاستار. سوندىقتان, ءبىز ەلدە بولىپ جاتقان وزگەرىستەردەن شەت قالماۋىمىز كەرەك. بۇل ءپاتريوتيزمنىڭ ۇلكەن بەلگىسى دەپ بىلەمىز. بارشامىز 5 ماۋسىمداعى رەفەرەندۋمعا قاتىسىپ, تاڭلاۋىمىزدى جاسايمىز, &ndash؛ دەدى قحا مۇشەسى نۋريا نيازوۆا.