• usd 468.56

  • eur 497.56

  • rub 7.3

  • cny 67.18

28 ناۋرىز, 16:22:59
+35°

رەسەيدىڭ سىرتقى ساياسات ارحيۆىندە xvii-xix عاسىرلاردا جازىلعان قازاق حاندارىنىڭ حاتتارى ساقتالعان, دەپ حابارلادى قازاقپارات اگەنتتىگى. ؛رەسەي مەملەكەتتىك كىتاپحاناسىنان ەل تاريحىنا قاتىستى 47 مىڭعا جۋىق ادەبيەت تابىلعان.

بۇل تۋرالى قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى ج.بولدىكوۆ باستاعان توپ ارحيۆ ىستەرى جانە قۇجاتتامانى باسقارۋ كوميتەتىنىڭ قولداۋىمەن رەسەيدىڭ ماسكەۋ قالاسىنا ساپارىندا بەلگىلى بولدى.

"ارحيۆ-2025" جوسپارىن ىسكە اسىرۋ ماقساتىنداعى ءىس-ساپاردا ماماندار ونداعى ارحيۆتەر مەن كىتاپحانالارداعى قازاقستان تاريحىنا قاتىستى قۇندى دەرەكتەردى ەلگە اكەلەدى.

قازىرگى تاڭدا ورتالىق ديرەكتورى, phd دوكتور ج.بولدىكوۆ پەن عىلىمي قىزمەتكەرلەر ك.پاريمبەكوۆا, گ.بيسەنوۆا, ز.دۇكەنباەۆا, گ.وتەپوۆا, ن.ابەلدينوۆتەر ساقتالعان ماڭىزدى قۇجاتتاردى زەرتتەپ-زەردەلەۋدە.

"زەرتتەۋشىلەر ەلىمىزدىڭ تاريحىنا قاتىستى جازبا مۇرالار مەن قۇندى قۇجاتتار تاپقان. اتاپ ايتقاندا, رەسەي مەملەكەتتىك كىتاپحاناسىنان ەل تاريحىنا قاتىستى 47 مىڭعا جۋىق ادەبيەت, رەسەي مەملەكەتتىك تاريحي-كوپشىلىك كىتاپحاناسىنان حvii عاسىرعا تيەسىلى ليتوگرافيالىق كىتاپتار مەن سيرەك جازبا مۇرالار انىقتالدى. 4 عاسىرلىق تاريحى بار رەسەي مەملەكەتتىك اسكەري-تاريحي ءارحيۆىنىڭ قورىن زەرتتەۋ بارىسىندا جەر ماسەلەسىنە قاتىستى قۇجاتتار, كارتالار مەن بۇيرىقتار بەلگىلى بولدى. ال سىرتقى ساياسات ارحيۆىندە xvii-xix عاسىردا جازىلعان قازاق حاندارىنىڭ حاتتارى ساقتالعان" دەلىنگەن ۆەدومستۆو حابارلاماسىندا.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر