فوتو: bbc.com
بۇگىن ۋكراينادا اسكەر قىلمىس جاساعان رەسەيلىك ساربازعا قاتىستى العاشقى سوت وتىرىسى ءوتتى. 21 جاستاعى ۆاديم شيشيمارين قىلمىسىن تولىق مويىندادى. ول سوعىستىڭ العاشقى كۇندەرى قولىندا قارۋى جوق 62 جاستاعى بەيبىت تۇرعىندى اتىپ ولتىرگەن. رەسەيلىك سارباز ءومىر بويىنا باس بوستاندىعىنان ايىرىلۋى مۇمكىن, دەپ جازادى bbc.
سوت وتىرىسى كيەۆ قالاسىنداعى شاعىن سوت زالىندا وتكەن. 62 جاستاعى الەكساندر شەليپوۆتىڭ جەسىرى رەسەيلىككە قاراما-قارسى 1-2 مەتر جەردە وتىرعان. سۋديانىڭ "كىناڭدى تولىق مويىندايسىڭ با؟" دەگەن سۇراعىنا شيشيمارين ء"يا" دەپ جاۋاپ بەردى. ؛
پروكۋراتۋرانىڭ دەرەگى بويىنشا, شيشيمارين رەسەي تانك دەۆيزياسىنداعى بولىمشەلەردىڭ ءبىرىن باسقارعان. شيشيماريننەن بولەك 4 رەسەيلىك سارباز كولىكتى ۇرلاپ بارا جاتقان كەزدە جولدان ۆەلوسيپەدپەن كەلە جاتقان 62 جاستاعى بەيبىت تۇرعىندى كەزدەستىرەدى. پروكۋرور شيشيمارين وزىنە بۇيرىقتى بەرىلگەن سوڭ بەيبىت تۇرعىندى "كالاشنيكوۆ" قارۋىمەن اتىپ ولتىرگەنىن ايتتى. ؛
"مەن ونى اياپ تۇرمىن. ءبىراق مۇنداي اۋىر قىلمىسى ءۇشىن ونى كەشىرە المايمىن" دەدى سوت زالىنان شىعىپ بارا جاتقان كەزدە الەكساندر شەليپوۆتىڭ جەسىرى. ؛
"بىز بۇل سوت وتىرىسى ارقىلى ۋكرايناعا قارسى قىلمىستى ۇيىمداستىرعان ادامداردىڭ, ءاربىر قىلمىسكەردىڭ جازاسىز قالمايتىنىن جەتكىزگىمىز كەلەدى" دەپ جازدى ۋكراينانىڭ باس پروكۋرورى يرينا ؛ۆەنەديكتوۆا ءوزىنىڭ twitter پاراقشاسىندا
ۋكراينا بۇگىنگە دەيىن رەسەي تاراپىنان 10 مىڭنان استام اسكەري قىلمىس جاسالعانىن انىقتاعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر