ساياساتكەر بالتاش تۇرسىمباەۆ, رەجيسسەر ەركىن راقىشەۆ ساياسي پارتيا قۇراتىنىن جاريالادى

ەكى جىلدان بەرى قوعامدىق ۇيىم رەتىندە جۇمىس ىستەپ كەلە جاتقان "ەل مەن جەر" قوزعالىسى ساياسي پارتياعا اينالماق. الماتىدا وتكەن ءباسپاسوز ءماسليحاتىندا قوزعالىس جەتەكشىسى, ساياساتكەر بالتاش تۇرسىمباەۆ وسىنداي مالىمدەمە جاسادى. ىنتالى توپ قاتارىندا رەجيسسەر ەركىن راقىشەۆ تە بار.

ساياساتكەر مۇنداي قادامعا قوعامدىق ۇيىمنىڭ ايماقتارداعى وكىلدەرىنەن تۇسكەن ءتۇرلى ۇسىنىستار سەبەپ بولعانىن ايتادى. ول پارتيا تىركەلىپ, الداعى پارلامەنت سايلاۋىنا قاتىسىپ جاتسا, دەپۋتاتتىق مانداتتىڭ 30-40 پايىزىن الاتىنىنا سەنىمدى ەكەنىن جەتكىزدى. سوزىنشە, قوعامدىق ۇيىم بۇعان دەيىن ەلدىڭ دامۋى مەن جەر ماسەلەلەرىن كوتەرە ءجۇرىپ 60 مىڭداي جاقتاس جيناعان. ەندى 12 ميلليون ەلەكتوراتتىڭ اۋدان, اۋىلدىق ەلدىمەكەندەردە تۇراتىن 4 ميلليونىنىڭ داۋسىن الۋعا نيەتتى.

 ؛

باسپاسوزگە ارنالعان حابارلامادا پارتيانىڭ باستى ماقساتى &ndash؛ ەلدi تىعىرىقتان الىپ شىعىپ, جارقىن بولاشاققا باستايتىن باعدارلامانى جۇزەگە اسىرۋ, ۇلتتىق يدەولوگيا نەگiزiن قالاۋ ەكەنى جازىلعان. سونداي-اق پارتيا ؛الەۋمەتتىك تۇرمىسى تومەن جانداردىڭ مۇددەسىن قورعاپ, ادiلەتتi قوعام ورناتۋ ءۇشىن كۇرەسەتىنى ايتىلادى.

جيىن بارىسىندا پارتيانىڭ باعدارلاماسى جاسالىپ قويىلعانىن, الداعى ۋاقىتتا تاعى تولىقتىرىلىپ, شىڭدالىپ, تۇزەتىلە تۇسەتىنى حابارلاندى.

بالتاش تۇرسىمباەۆ پارتيا باعدارلاماسى ناقتى 4 ماسەلەگە تابان تىرەيتىنىن ءمالىم ەتتى.

1) ەلدى دامىتۋ. اۋىلدى قالپىنا كەلتىرۋ, دامىتۋ؛ اۋىل شارۋاشىلىعى ونىمدەرى ءوندىرىسىن ورىستەتۋ؛ كەزىندە جەكەمەنشىككە ءوتىپ كەتكەن ءىرى جەر يەلەرىنىڭ مەنشىگىندەگى جەردى حالىققا قايتارۋ؛

2) جەمقورلىقپەن كۇرەس. ن.نازارباەۆ اۋلەتى مەن ونىڭ اينالاسىنداعى 100 شاقتى ادام يەلەنىپ وتىرعان كەن ورىندارىن مەملەكەتكە قايتارۋ؛

3) جاڭا كونستيتۋسيا قابىلداۋ. وعان 1993 جىلعى كونستيتۋسيانى نەگىز ەتىپ الۋ, سول ارقىلى سۋپەرپرەزيدەنتتىك باسقارۋ فورماسىنان كەتۋ؛

4) ؛ اكىمدەردى سايلاۋ. حالىق ىشىنەن شىققان, ەلدىڭ تىنىسىن, ماسەلەسىن بىلەتىن, ءوزىن سايلاعان حالىقتىڭ الدىندا جاۋاپكەرشىلىك الاتىن ادامدى جەرگىلىكتى جەرلەرگە باسشى ەتىپ قويۋ؛

ساياساتكەر الداعى سايلاۋ تازا وتەتىنىنە سەنىم بىلدىرەتىنىن, قوعام ءوزىنىڭ تالابىمەن بيلىكتى سايلاۋدى ءادىل وتكىزۋگە مىندەتتەۋ كەرەك ەكەنىن اتاپ ءوتتى.

سونداي-اق ول "ەل مەن جەر" پارتيا قۇرعىسى كەلىپ جۇرگەن وزگە دە باستاماشىل ازاماتتاردى قولدايتىنىن, قازاقستاندا كوپ پارتيا بولۋى كەرەكتىگىن, بيلىكپەن ىمىراعا كەلمەيتىنىن ايتىپ وتىر.

قازاقستاندا تىركەلگەن 5 پارتيا بار. ولاردىڭ ۇشەۋىنىڭ وكىلدەرى پارلامەنتتە وتىر. تاۋەلسىز ساراپشىلار رەسمي تىركەلگەن پارتيالاردىڭ قاتارىندا بالاما پىكىر بىلدىرەتىن, وپپوزيسيالىق كوزقاراستاعى ساياسي توپتاردىڭ جوعىن ءجيى سىنايدى. وپپوزيسيالىق ساياساتكەر جانبولات ماماي مەن ونىڭ جاقتاستارى ەكى جىلدان بەرى وزدەرىنىڭ "دەموكراتيالىق پارتيا" دەپ اتالاتىن ساياسي ۇيىمىن تىركەي الماي ءجۇر. جۋىردا ادىلەت مينيسترلىگى تىركەۋگە قۇجات تاپسىرۋعا كەلگەن وپپوزيسيالىق ساياساتكەر جاسارال قۋانىشالين باستاعان "العا قازاقستان" پارتياسىنىڭ قۇجاتتارىن تولىق ەمەس دەپ كەرى قايتاردى. قاڭتار وقيعاسىنان كەيىن بىرنەشە ساياساتكەر مەن قوزعالىس پارتيا قۇرعىسى كەلەتىنى تۋرالى رەسمي مالىمدەمە جاسادى. ولاردىڭ قاتارىندا ساياساتكەر "بايتاق-بولاشاق" ەكولوگيالىق اليانسىنىڭ جەتەكشىسى ازاماتحان ءامىرتاي (بايتاق), ەكس-نۇروتاندىق ەكس-دەپۋتات نۇرجان التاەۆ (ەل تىرەگى), ساياساتتانۋشى, ەكس-شەنەۋنىك سانجار بوقاەۆ (نامىس), ؛قوعام بەلسەندىسى مۇحتار تايجان (جەر قورعانى), جۋرناليست, قوعام بەلسەندىسى ساۋلە ءابىلداحانقىزى (اق ءجۇنىس ايەلدەر پارتياسى) "ناعىز اتاجۇرت" ۇيىمىنىڭ وكىلدەرى, ساياساتكەر, بيزنەسمەن ؛بولات ءابىلوۆ ء(بىزدىڭ تاڭداۋ) بار. ؛ادىلەت مينيسترلىگى بۇگىندە "ەل تىرەگى", "نامىس", "بايتاق" جانە "حالىق دەربەستىگى" (جۇماتاي اليەۆ) پارتيالارى تىركەلۋدىڭ ءبىرىنشى كەزەڭىنەن وتكەنىن حابارلاعان. ءتىپتى جۇماتاي اليەۆتىڭ پارتياسى 20 مىڭ قول جيناپ, قۇرىلتاي وتكىزىپ قويعان. ءبىراق بۇل جايىندا اقپارات قۇرالدارى مەن الەۋمەتتىك جەلىدە ەشقانداي اقپارات جوق.