• usd 470.9

  • eur 496.94

  • rub 8.83

  • cny 70.33

25 ماۋسىم, 11:26:43
الماتى
+21°

telegramچاتتاردا 5 ماۋسىمدا وتەتىن رەسپۋبليكالىق رەفەرەندۋم بارىسىندا نۇرسۇلتان نازارباەۆ وتباسىنىڭ بارلىق مۇشەلەرىنە قول سۇعىلماۋشىلىققا كەپىلدىك بەرەتىن جانە ازاماتتاردىڭ سالىقتارى ەسەبىنەن ولاردى ءومىر بويى اسىراۋعا مۇمكىندىك بەرەتىن تۇزەتۋلەر قابىلداناتىنى تۋرالى اقپارات تارادى. ادىلەت مينيسترلىگى اقپاراتتىڭ جالعان ەكەنىن حابارلادى, دەپ جازادى ؛stopfake ؛سايتى.

ادىلەت مينيسترلىگىنىڭ مالىمەتىنشە, تۇڭعىش پرەزيدەنت مارتەبەسىنە قاتىستى كونستيتۋسياعا ەنگىزىلەتىن تۇزەتۋلەر جوباسىنا سايكەس ءۇش نورمانى وزگەرتۋ ۇسىنىلعان:

1) 42-باپتىڭ 5-تارماعىنىڭ ەكىنشى بولىگى الىپ تاستالادى ء(بىر ادام قاتارىنان ەكى رەتتەن ارتىق رەسپۋبليكا پرەزيدەنتى بولىپ سايلانا المايدى. بۇل شەكتەۋ قازاقستان رەسپۋبليكاسىنىڭ تۇڭعىش پرەزيدەنتىنە قولدانىلمايدى)

2) 46-باپتىڭ 4-تارماعى الىپ تاستالادى. وندا تۇڭعىش پرەزيدەنتتىڭ مارتەبەسى مەن وكىلەتتىكتەرى رەسپۋبليكا كونستيتۋسياسىمەن جانە كونستيتۋسيالىق زاڭمەن ايقىندالاتىنى جازىلعان. ؛قازىرگى ۋاقىتتا تۇڭعىش پرەزيدەنتتىڭ قۇقىقتىق مارتەبەسى "قزاقستان رەسپۋبليكاسىنىڭ تۇڭعىش پرەزيدەنتى &ndash؛ ەلباسى تۋرالى" جەكە كونستيتۋسيالىق زاڭمەن رەتتەلەدى. تۇڭعىش پرەزيدەنتكە جانە ونىمەن بىرگە تۇراتىن وتباسى مۇشەلەرىنە جەكە مەنشىك قۇقىعىمەن تيەسىلى مۇلىككە قول سۇعىلماۋشىلىق اتالعان كونستيتۋسيالىق زاڭدا بەلگىلەنگەن. ؛وز كەزەگىندە, اتالعان نورما كونستيتۋسيادان الىپ تاستالعان جاعدايدا, قازاقستان رەسپۋبليكاسىنىڭ زاڭناماسىن كونستيتۋسيا نورمالارىنا سايكەس كەلتىرۋ ءۇشىن وسى زاڭدى جويۋ قاجەت بولادى.

3) تۇڭعىش پرەزيدەنتتىڭ اتالۋى كونستيتۋسيانىڭ 91-بابىنىڭ 2-تارماعىنان الىپ تاستالادى (كونستيتۋسيادا بەلگiلەنگەن مەملەكەتتiڭ تاۋەلسىزدىگى, رەسپۋبليكانىڭ بiرتۇتاستىعى مەن اۋماقتىق تۇتاستىعى, ونى باسقارۋ نىسانى, سونداي-اق تاۋەلسىز قازاقستاننىڭ نەگىزىن سالۋشى, قازاقستان رەسپۋبليكاسىنىڭ تۇڭعىش پرەزيدەنتى &ndash؛ ەلباسى ىرگەسىن قالاعان رەسپۋبليكا قىزمەتىنىڭ تۇبەگەيلى پرينسيپتەرى جانە قازاقستان رەسپۋبليكاسىنىڭ تۇڭعىش پرەزيدەنتى &ndash؛ ەلباسىنىڭ مارتەبەسى وزگەرمەيدى).

"جوعارىدا ايتىلعانداردى قورىتىندىلاي كەلە, كونستيتۋسياعا ەنگىزىلەتىن تۇزەتۋلەر جوباسى قازاقستان رەسپۋبليكاسىنىڭ تۇڭعىش پرەزيدەنتىنە جانە ونىڭ وتباسىنا جاڭا كەپىلدىكتەر بەرۋدى كوزدەمەيتىنىن حابارلايمىز. كەرىسىنشە, كونستيتۋسياعا وزگەرىستەر ەنگىزۋ تۋرالى زاڭ جوباسىندا تۇڭعىش پرەزيدەنت مارتەبەسىنە قاتىستى بارلىق نورمالاردى الىپ تاستاۋ ۇسىنىلدى" دەلىنگەن مينيسترلىكتىڭ ءstopfake.kz-تىڭ ساۋالىنا بەرگەن جاۋابىندا.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر