• usd 470.9

  • eur 496.94

  • rub 8.83

  • cny 70.33

25 ماۋسىم, 11:31:16
الماتى
+21°
ۇلتتىق مۋزەيدىڭ ديرەكتورى ارىستانبەك مۇحامەديۇلى وزىنە قاتىستى نەگىزسىز تەكسەرۋ ءجۇرىپ جاتقانىن مالىمدەپ, پرەزيدەنتكە ۇندەۋ جولدادى.
 ؛
ارىستانبەك مۇحامەديۇلى قاي سالادا جۇمىس جاساسا دا اۋەلى ۇلت مۇددەسى ءۇشىن تەر توككەنىن, مەملەكەت بيۋدجەتىنە قول سالعاندارعا اياۋسىز توسقاۋىل جاساعانىنان وزىنە جاۋ تاۋىپ العانىن, سولار اياقتان شالۋعا تىرىسىپ جاتقانىن ايتادى.
 ؛
سوزىنشە, سونداي "جاۋلاردىڭ" ءبىرازى "فەنيكس" ءفيلمى توڭىرەگىندەگى داۋدان كەيىن پايدا بولعان.
 ؛
"وسىدان بىرنەشە جىل بۇرىن "فەنيكس" كوركەمفيلمىنىڭ تۇسىرىلىمدەرىنە بولىنگەن قاراجاتتىڭ جىمقىرىلعانى بەلگىلى. ناقتىلاپ ايتقاندا, "فەنيكس" كينوجوباسى بويىنشا بيۋدجەت قارجىسىن جىمقىردى دەگەن كۇدىك كەلتىرىلىپ, كينورەجيسسەر تالعات جانىبەكوۆ قاماۋعا الىندى. وعان قازاقستاندىق بەلگىلى اكتەر ءارى پروديۋسەر تۇڭعىشباي جامانقۇلوۆتىڭ دا تىكەلەي قاتىسى بولاتىن. "فەنيكس" ءفيلمىنىڭ شارتى گولليۆۋد كومپانياسى "aldamisa entertainmentپەن" جاسالىندى دەگەن ءسوز جالعان بولىپ شىققان ەدى. شىن مانىندە, "كازاحفيلم" اق "t.k.turan universal bussines" جشس-پەن جانە رەسەيلىك ووو "الداميسا رۋس" جاساندى كومپانياسىمەن كەلىسىم جاسالىپ, بيۋدجەتتەن بولىنگەن 3 ملن دوللار قولدى بولىپ كەتە جازداعان. سول ت. جامانقۇلوۆ ءوز قورعاۋشىسىنىڭ كوزىنشە "فەنيكس" ءفيلمىنىڭ وندىرىسىنە بولىنگەن بيۋدجەت قاراجاتىن جىمقىرعانىن تولىقتاي مويىندادى. جامانقۇلوۆ قاراجاتتىڭ قولما-قول اقشاعا اينالدىرىلعان دەرەگىن دە راستادى جانە بيۋدجەت قاراجاتىنىڭ جەكە ماقساتتارعا جۇمسالعانىن ايتتى. الايدا, اتالعان ونەر وكىلدەرى ءتۇرلى ايلا-شارعىلارىمەن مەنى قارالاۋعا كوشكەن بولاتىن. پروديۋسسەر تۇڭعىشباي جامانقۇلوۆ ايىبىن بەتىنە باسقانىم ءۇشىن, مەنى اتا جاۋىنداي كورىپ, كۇنى بۇگىنگە دەيىن ءجون-جوسىقسىز ارىزدانىپ كەلەدى" دەيدى ول.
 ؛
ارىستانبەك مۇحامەديۇلى ء"وزىنىڭ سوڭىنا ءتۇسىپ العانداردىڭ ارتىندا داريعا نازارباەۆا, باعلان مايلىباەۆ, ەرمەك امانشاەۆ تۇر" دەپ سانايدى.
 ؛
"البەتتە, قيساپسىز تەكسەرۋ, تەرگەۋ امالدارى دا ءجۇردى. ءبىراق, مەنىڭ ار-ۇجدانىم تازا! جەكە باسىمدى قارالاعان بىردە-بىر فاكت دالەلدەنبەدى. كەيىنگى كەزدە, ەندى ارىز يەلەرى مۋزەيدە كەتكەن بۇرىڭعى كىناراتتاردى دا ماعان جاپسىرا سالعىسى كەلەدى. وسىعان وراي, نەگىزسىز تەكسەرۋلەرگە توسقاۋىل بولۋىڭىزدى سۇرايمىن!" دەيدى ۇلتتىق مۋزەي ديرەكتورى.
 ؛
بۇگىن جۋرناليست ميحايل كوزاچكوۆ telegram كانالىندا سىبايلاس جەمقورلىققا قارسى قىزمەت ۇلتتىق مۋزەيدىڭ شىعىندارىن تەكسەرىپ جاتقانىن, ولاردى "التىن ادامنىڭ الەم مۋزەيلەرىنە شەرۋى" كورمەسىن وتكىزۋ كەزىندەگى شىعىندار قىزىقتىراتىنىن جازعان. جۋرناليست انتيكور مۋزەي مەن ارىستانبەك مۇحامەديۇلىنىڭ ءۇيىن تىنتىگەنىن, مۇحامەديۇلى تۋىستارىنىڭ اكتيۆتەرىن تەكسەرىپ جاتقانىن جازعان.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر