ء"؛وز تاڭداۋىمدى باياعىدا جاسادىم"؛. جانبولات مامايدىڭ اباقتىدان جازعان حاتى جاريالاندى
  • usd 422.01

  • eur 452.06

  • rub 6.75

  • cny 62.72

26 مامىر, 21:19:49
الماتى
+22°

ۇش ايعا جۋىق ۋاقىتتان بەرى قاماۋدا وتىرعان قوعام بەلسەندىسى, دەموكراتيالىق پارتيا باستاماشىل توبىنىڭ جەتەكشىسى جانبولات ماماي اباقتىدان حات جازدى. حاتتى بەلسەندىنىڭ جۇبايى, جۋرناليست ينگا يمانباي facebook پاراقشاسىندا جاريالادى. قۇقىققورعاۋشىلار ساياسي كوزقاراسى ءۇشىن قاماۋدا وتىر دەيدىن جانبولات ماماي حاتىنىڭ ءماتىنى تومەندە ۇسىنىلىپ وتىر. (ماتىندە اۆتورلىق ورفوگرافيا جانە ؛پۋنكتۋاسيا ساقتالعان).

دەمالىس كۇندەرى الماتى مەن بريۋسسەلدە ساياسي تۇتقىنداردىڭ بوستاندىعىن تالاپ ەتىپ, ازاماتتاردىڭ ميتينگىگە شىققانىن ەستىدىم. قازاقستاندا ءبارى ءباز-باياعىداي: cوبر قورشاۋى, اكىمشىلىك قاماۋلار مەن ايىپپۇلدار. دەم پارتيانىڭ بەلسەندىلەرىن تاعى دا قامادى. مەنىڭ جۇبايىم ينگا يمانبايدى سوڭعى ءبىر اپتادا وسىمەن ەكىنشى رەت ۇستاپ, ايىپپۇل سالدى. "جاڭا قازاقستان" ەمەس, بۇرىنعى تاس جۇرەك, رەپرەسسيۆتى نازارباەۆ جۇيەسى ەكەنى كورىنىپ تۇر. سول بۇرىڭعى قۋدالاۋ, قاماۋ, ايىپپۇل سالۋ. مەنى تۇرمەگە قاماعانى ازداي, ەندى وتباسى مۇشەلەرىمە قول سالىپتى. بيلىكتە وتىرعان جەمقورلارعا ايتارىم: وزدەرىڭدى ەر ازاماتپىن دەپ قالاي ايتاسىڭدار وسىدان كەيىن؟ ءتىپتى قاندى قول مافيانىڭ ءوزى وتباسىعا تيىسپەۋ دەگەن كودەكسپەن ءومىر سۇرەدى. ال بۇل بيلىك قاندى قورقاۋدان ەش ايىرماسى جوق ەكەنىن كورسەتىپ وتىر ەمەس پە وسىلايشا؟
 ؛
ال بريۋسسەلدە قازاق بەلسەندىلەرىنىڭ ميتينگكە شىعىپ, بىزگە قولداۋ بىلدىرگەنى ۇلكەن جاڭالىق بولدى مەن ءۇشىن. وسى ءىستىڭ باس-قاسىندا جۇرگەن اقيقاتشىل جۋرناليست, ساياسي ەميگرانت ازامات مامانوۆقا جانە ونىڭ ۇزەڭگىلەس سەرىكتەرىنە العىسىم شەكسىز. ەلدەگى جاعدايعا جۇرەگى اۋىراتىن ەۋروپاداعى بارشا اعايىنعا راحمەت ايتامىن. ايتپاقشى, مەنى قاماۋعا ۇستاۋ مەرزىمىن ء3-شى ايعا سوزدى. قاماۋدا ۇستاپ, مورالدىق تۇرعىدا سىندىرۋ ءۇشىن. ءبىراق بۇل بيلىكتىڭ قولىنان كەلمەيدى. نازارباەۆ رەجيمى مۇنى جاساي العان جوق. ەندى ونىڭ بيلىگىنىڭ شيبورىلەرى مۇنى جاساي الامىن دەپ ارمانداماسىن.
 ؛
قاڭتار بيلىككە ەش ساباق بولماعانى قازىردەن اڭعارىلادى. قارۋمەن, كۇشپەن حالىقتى باسىپ وتىرا المايسىڭدار! ساياسي رەفورمانىڭ ورنىنا ساياسي تەحنولوگيالاردى پايدالانىپ, 19 ملن حالىقتى الداۋ دا قولدارىڭنان كەلمەيدى. بۇل بوس اۋرەشىلىك. ناقتى ساياسي رەفورمالارسىز, حالىقتى الەۋمەتتىك قولداۋسىز بۇل رەجيمنىڭ بولاشاعى بولمايدى. رەفورمانى جىلدارعا سوزىپ, بىرتىندەپ جاسايمىن دەۋدە وتىرىك اڭگىمە. رەفورمالار جىلدام, ناقتى, توقتاۋسىز جۇزەگە اسسا عانا ءبىر وزگەرىس بولادى.
 ؛
ال قازىرگى قاماۋلارعا, قۋدالاۋلارعا قاراعاندا, بارلىعى تەك ءسوز جۇزىندە قالىپ وتىرعانى انىق بايقالادى. ءبىر مەنىڭ عانا ءىسىمدى الىڭىز. ەشقانداي قىلمىس جوق, دالەل جوق. ءتىپتى امنيستياعا ءىلىنىپ تۇرعان باپ. ءبىراق مەنى قاماپ وتىر. ەش نەگىزسسىز. جاي عانا بيلىكتىڭ وزبىرلىعىمەن. زاڭسىز. ساياسي سەبەپتەرمەن. ادىلەتتى سوتى بار, وبەكتيۆتى تەرگەۋ ورگاندارى جۇمىس ءىستيتىن ەلدە ءبۇل مۇمكىن بولار ما ەدى؟ جوق ارينە. بيلىك تۇرمەدە ۇزاق ۇستاساق "كىناسىن" مويىنداپ, بوساتۋدى جالىنىپ سۇرايدى دەپ ويلاسا كەرەك. ءبىراق بۇل بولمايدى. ءوز تاڭداۋىمدى باياعىدا جاسادىم. تۇرمەگە قامالۋ مۇمكىن ەكەنىن دە ءتۇسىندىم. سوعان قاراماستان ەلدە قالدىم. ەشقايدا قاشپادىم. وسىنى اشىق ايتا الامىن.
 ؛
ps. بوستاندىقتاعى بارشا اعايىنعا سالەم ايتامىن. كۇرەستەرىڭىزدى توقتاتپاڭىزدار. ادىلدىكتىڭ اق تۋى ءبىزدىڭ قولىمىزدا!&rdquo؛
جانبولات ماماي
13.05.2022 ج

جانبولات ماماي اقپان ايىنان بەرى قاماۋدا وتىر. ول الدىمەن قاڭتار وقيعاسى قۇرباندارىنا ارنالعان قارالى ميتينگتى ۇيىمداستىرعانى ءۇشىن 15 تاۋلىككە, ارتىنشا ەكى قىلمىستىق ءىس بويىنشا ەكى ايعا قاماۋعا الىنعان. وعان ؛ "قارابەت" دەگەنى ءۇشىن قۇقىققورعاۋ ورگانى قىزمەتكەرىن قورلادى, نەسيە امنيستياسىنا بايلانىستى "جالعان اقپارات" تاراتتى دەگەن ايىپ تاعىلىپ وتىر. اتالعان ايىپتارعا سايكەس, سوت كىنالى دەپ تاپسا, بەلسەندى 3 جىلعا باس بوستاندىعىنان ايىرىلۋى مۇمكىن. ؛جانبولات مامايدىڭ جاقتاستارى مەن ادام قۇقىعى سالاسىنداعى بەدەلدى حالىقارالىق ؛human rights watch ؛جانە ؛amnesty international ؛ۇيىمدارى بەلسەندىنى قۋدالاۋدىڭ ساياسي استارى بار ەكەنىن ايتادى.

"قامشى" سىلتەيدى
ىلمەك سوزدەر: جانبولات ماماي

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر