• usd 431.41

  • eur 452.94

  • rub 6.92

  • cny 63.83

20 مامىر, 17:22:54
+21°
 ؛
الماتى قالاسى پوليسيا دەپارتامەنتى باسشىسىنىڭ ورىنباسارى رۋستام ءابدىراحمانوۆ telegram كانالىندا پوليسيا دەپارتامەنتى الماتىداعى جەكەمەنشىك مەكتەپتەردىڭ بىرىندە بالانى زورلاۋ دەرەگىن تەرگەۋ ءىسىن قاداعالاۋعا العانىن ءمالىم ەتتى.

ونىڭ ايتۋىنشا, ؛21 ءساۋىر كۇنى ناۋرىزباي اۋدانى پوليسيا باسقارماسىنا جابىرلەنۋشى بالانىڭ اكەسى بالاسىن زورلاعانىن ايتىپ ارىزدانعان. ارىز قىلمىستىق كودەكستىڭ 121-بابى (سەكسۋالدىق سيپاتتاعى زورلىق-زومبىلىق ارەكەتتەرى) ؛بويىنشا تىركەلگەن.

رۋستام ءابدىراحمانوۆ قازىرگى ۋاقىتتا ءتيىستى ساراپتاما تاعايىندالىپ, قاجەتتى تەرگەۋ ارەكەتتەرى باستالعانىن, پروسەسسۋالدىق پروكۋرور بەلگىلەنىپ, تەرگەۋ بارىسى قاداعالانىپ وتىرعانىن جەتكىزدى.

الايدا زورلىق-زومبىلىققا قارسى "نەمولچيkz" قورىنىڭ نەگىزىن قالاۋشى دينا سمايلوۆا ءىس ءبىر ورىندا تۇرعانىن ايتىپ, پرەزيدەنتە ۇندەۋ جولدادى.

 ؛

"زورلاۋشىلار مەن ولاردىڭ اتا-انالارى بوستاندىقتا ءجۇر. وقۋشىلارى جاۋاپكەرشىلىككە تارتىلماعان. پوليسيا قيمىلداماي وتىر" دەگەن ول كۇدىكتىلەردىڭ بىرىمەن عانا كوزبە-كوز بەتتەستىرۋ بولعانىن جەتكىزدى.

 ؛

سوزىنشە, كۇدىكتىلەر ۇشەۋ, ءبارى 7-سىنىپ وقۋشىلارى.

وقيعا الماتىداعى ؛جەكەمەنشىك "mariam" مەكتەبىندە بولعان. زورلىق كورگەن بالانىڭ اكەسى ؛ بىرنەشە اي بۇرىن بالاسى مەكتەپتەن باسى مەن اياعى كوگەرىپ كەلگەنىن بايقاعان. مەكتەپتەگىلەردەن سۇراعانىندا ولار ءمان-جايدى تۇسىندىرمەگەن. ال ساۋىردە ۇلىن زورلاعانىن بىلگەن. ۇلى زورلاۋ فاكتىسى 10-12 رەت بولعانىن, زورلاۋشىلاردىڭ ۇشەۋ ەكەنىن ايتقان. جابىرلەنۋشى مەكتەپ ديرەكتورى جاعداي تۋرالى ءتىل قاتپاي وتىر دەيدى.

بىلىم جانە عىلىم مينيسترلىگى اتالعان دەرەك بويىنشا تەكسەرىس باستاعانىن ءمالىم ەتتى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر