• usd 431.41

  • eur 452.94

  • rub 6.92

  • cny 63.83

20 مامىر, 17:15:52
+21°
"ۆلاديمير پۋتين ۋكراينادا ۇزاق سوعىسقا دايىندالىپ جاتىر. ءتىپتى ۋكراينانىڭ شىعىسىندا جەڭىسكە جەتسە دە, سوعىستى توقتاتپايدى" دەپ ەسكەرتتى اقش بارلاۋ قىزمەتى. ؛بۇل تۋرالى نيۋ-يورك تايمس گازەتى حابارلادى.
 ؛
رەسەي ۋكراينانىڭ شىعىسىن باسىپ الۋ ءۇشىن كەسكىلەسكەن ۇرىستى جالعاستىرىپ جاتىر. ؛ۋكراينا رەسەيدىڭ كيەۆتى باسىپ الۋ ارەكەتىنە تويتارىس بەرگەن سوڭ ماسكەۋ اسكەرىن دونباسس ايماعىن باسىپ الۋعا قايتا باعىتتادى.
 ؛
"بىراق سوعان قاراماستان, رەسەيلىك كۇشتەر ءالى دە تىعىرىققا تىرەلىپ جاتىر" دەيدى اقش بارلاۋ قىزمەتى.
 ؛
اقش ۇلتتىق بارلاۋ دەپارتامەنتىنىڭ ديرەكتورى اۆريل حەينس سەيسەنبى كۇنى اقش سەناتى كوميتەتىنىڭ تىڭداۋىندا پۋتين ءالى دە دونباستان تىس جەرلەردە اسكەري ماقساتتارعا قول جەتكىزۋگە نيەتتى ەكەنىن, ءبىراق ونىڭ امبيسياسى مەن رەسەيدىڭ قازىرگى اسكەري الەۋەتى اراسىندا سايكەسسىزدىك كورىنكتىنىن ايتادى.
 ؛
ونىڭ ايتۋىنشا, پۋتين اقش پەن ەو-نىڭ ۋكراينانى قولداۋىن دا ەسەپتەپ وتىرعان بولۋى مۇمكىن.
 ؛
رەسەي پرەزيدەنتى سوعىستى جالعاستىرۋدا تۇبەگەيلى باسقاشا شەشىمدەرگە جۇگىنۋى ىقتيال ەكەنى دە حابارلاندى. ماسكەۋ "پۋتين رەسەيگە ايقىن ءقاۋىپتى سەزىنگەن جاعدايدا عانا يادرولىق قارۋدى قولدانادى" دەپ مالىمدەگەن.
 ؛
اقش قورعانىس بارلاۋ اگەنتتىگىنىڭ ديرەكتورى سكوتت بەرريەر سول تىڭداۋدا رەسەيلىكتەر مەن ۋكرايندار "ازداپ تىعىرىققا تىرەلگەنىن" ايتتى.
 ؛
سوڭعى شايقاستاردا ۋكراينا سولتۇستىك-شىعىستاعى حاركوۆ وبلىسىنداعى ءتورت ەلدىمەكەندى قايتارىپ العانىن حابارلاعان.
 ؛
ۋكراينا قارۋلى كۇشتەرى رەسەيدەن چەركاسيي تىشكي, رۋسكي تىشكي, رۋبيجنە جانە بايراكتى قايتارىپ العانىن دا مالىمدەدى.
 ؛
ۋكراينا پرەزيدەنتى ۆلاديمير زەلەنسكيي ۋكرايندەر رەسەيلىك كۇشتەردى حاركوۆتەن بىرتە-بىرتە ىعىستىرىپ جاتقانىن ايتتى.
 ؛
"ودەسسا پورتىندا تۇندە زىمىران بىرنەشە عيماراتقا ءتيىپ, جاقىن ماڭداعى ۇيلەردى تەڭسەلتتى. ءبىر ادام قازا تاۋىپ, بەس ادام جارالاندى" دەپ حابارلادى ۋكراينا قارۋلى كۇشتەرى.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر