كوكتەمگى ەگىس جۇمىستارى. جەتكىزىلەتىن ديزەل وتىنىنىڭ باعاسى بەلگىلى بولدى

كوكتەمگى ەگىس جۇمىستارى ءۇشىن اۋىل شارۋاشىلىعى تاۋارىن وندىرۋشىلەرگە 400 مىڭ توننا ديزەل وتىنى ءبولىندى. 2022 جىلدىڭ ءاقپان-ساۋىر ايلارىندا ونىڭ 231 مىڭ تونناسى نەمەسە 92% جەتكىزىلدى. بۇل تۋرالى ورتالىق كوممۋنيكاسيالار قىزمەتىندە قر ەنەرگەتيكا ۆيسە-مينيسترى اسەت ماعاۋوۆ ءمالىم ەتتى.

 ؛

&ndash؛ اۋىل شارۋاشىلىعى تاۋارىن وندىرۋشىلەر ءۇشىن مۇناي وڭدەۋ زاۋىتتارىنان ديزەل وتىنىن جونەلتۋ باسىم نەگىزدە جۇزەگە اسىرىلادى. بۇل رەتتە تيەپ-جونەلتۋدى باقىلاۋ جانە مونيتورينگتەۋ تاۋلىك سايىنعى نەگىزدە جۇرگىزىلەدى. كوكتەمگى ەگىس جۇمىستارىنا ارنالعان ديزەل وتىنىنىڭ باعاسى مۇناي وڭدەۋ زاۋىتتارىندا 1 تونناسى ءۇشىن 212 مىڭ تەڭگەنى (ليترىنە 176 تەڭگە) قۇرايدى. وڭىرلەرگە دەيىن جەتكىزۋدى جانە ساقتاۋدى ەسكەرە وتىرىپ, اۋىل شارۋاشىلىعى تاۋارىن وندىرۋشىلەر ءۇشىن بولجامدى باعا بولشەك ساۋدا باعاسىنان ورتاشا العاندا 15-30%-عا تومەن بولادى. 2019 جىلمەن سالىستىرعاندا باعا ءوسىمى 8,4%-دى قۇرايدى نەمەسە جىل سايىنعى ءوسىمنىڭ 3%-ىنان اسپايدى, &ndash؛ دەدى سپيكەر.