فوتو: qamshy.kz
الماتىدا پوليسيا دەموكراتيالىق پارتيا باستاماشىل توبىنىڭ جەتەكشىسى جانبولات ماماي مەن وزگە دە ساياسي تۇتقىنداردى بوساتۋدى تالاپ ەتىپ ميتينگ ۇيىمداستىرماق بولعان بەلسەندىلەردى ۇستاپ الىپ كەتتى.
جانبولات مامايدىڭ جاقتاستارى الماتىدا زاڭ بويىنشا ميتينگ وتكىزەتىن ورىنداردىڭ ءبىرى رەتىندە بەلگىلەنگەن شوقان ءۋاليحانوۆ اتىنداعى الاڭدا بەيبىت جيىنعا شىعاتىنىن مالىمدەپ, قالا اكىمدىگىنە ءتيىستى ەسكەرتۋ جولداعان. بەلسەندىلەر حاتىنا اكىمدىكتەن جاۋاپ كەلمەگەن.
ال بۇگىن الاڭدا وتان قورعاۋشىلار كۇنىنە ارنالعان مەرەكەلىك ءىس-شارا ءوتىپ جاتتى.
فوتو: qamshy.kz
عىلىم اكادەمياسى عيماراتىنىڭ الدىنا ساحنا قۇرىلىپ, كورەرمەندەر ءۇشىن ورىندىقتار قويىلعان. اسكەري كيىمدەگى وقۋشىلار, كۋرستانتتار تەاترلاندىرىلعان كورىنىستەر قويدى.
فوتو: qamshy.kz
بەلسەندىلەر مۇنى الاڭعا بەتتەگەندە عانا بىلگەنىن, اكىمدىك الاڭ بوس بولمايدى دەپ ەسكەرتپەگەنىن ايتادى.
بەلسەندىلەر قوناەۆ پەن شەۆچەنكو كوشەلەرىنىڭ قيىلىسىندا "جانبولاتقا بوستاندىق" دەپ جازىلعان فۋتبولكالارىن كيىم, تالاپتارىن ايتا باستاعاندا پوليسيا ولاردى بىرتىندەپ ۇستاپ الىپ كەتتى. ۇستالعاندار اراسىندا "دەمپارتيا" وكىلدەرى ينگا يمانباي, ابزال دوستياروۆ, داۋرەن دوستياروۆ, نۇربول بايتەرەكوۆ, جۋرناليست, oyan, qazaqstan! قوزعالىسىنىڭ بەلسەندىسى اسەم جاپىشەۆا مەن بەلسەندى جانەل شاحان بار.
فوتو: ماناس قايىرتايۇلى
قوعام بەلسەندىسى جانبولات ماماي اقپان ايىنان بەرى قاماۋدا وتىر. ول الدىمەن قاڭتار وقيعاسى قۇرباندارىنا ارنالعان قارالى ميتينگتى ۇيىمداستىرعانى ءۇشىن 15 تاۋلىككە, ارتىنشا ەكى قىلمىستىق ءىس بويىنشا ەكى ايعا قاماۋعا الىنعان. وعان ؛ "قارابەت" دەگەنى ءۇشىن قۇقىققورعاۋ ورگانى قىزمەتكەرىن قورلادى, نەسيە امنيستياسىنا بايلانىستى "جالعان اقپارات" تاراتتى دەگەن ايىپ تاعىلىپ وتىر. اتالعان ايىپتارعا سايكەس, سوت كىنالى دەپ تاپسا, بەلسەندى 3 جىلعا باس بوستاندىعىنان ايىرىلۋى مۇمكىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر