&ndash؛ 27 جىل بۇرىن وتكىزىلگەن رەفەرەندۋمدا قازىرگى اتا زاڭ قابىلداندى. ودان كەيىنگى بارلىق كونستيتۋسيالىق رەفورما پارلامەنتتە ماقۇلداندى. نەگىزىندە, بۇل زاڭدى قالىپتاسقان تاجىريبە. ءبىراق دامۋدىڭ جاڭا كەزەڭىندە, جاڭا قازاقستاندى قۇرۋ جولىندا ەلىمىز ءۇشىن وسىنداي اسا ماڭىزدى شەشىمدەردى بۇكىل حالىق بولىپ قابىلداۋىمىز كەرەك. بۇعان كامىل سەنەمىن. سوندىقتان بۇگىن مەن كونستيتۋسياعا وزگەرىستەر مەن تولىقتىرۋلار ەنگىزۋ ءۇشىن 5 ماۋسىمدا رەسپۋبليكالىق رەفەرەندۋم وتكىزۋ تۋرالى جارلىققا قول قويدىم, &ndash؛دەگەن ول كونستيتۋسيالىق رەفورما بارلىق مەملەكەتتىك مودەلدى كەشەندى تۇردە وزگەرتۋگە باعىتتالعانىن, تۇزەتۋلەر "سۋپەرپرەزيدەنتتىك" باسقارۋ ۇلگىسىنەن ىقپالدى پارلامەنتى جانە ەسەپ بەرەتىن ۇكىمەتى بار پرەزيدەنتتىك رەسپۋبليكاعا تۇبەگەيلى كوشۋدى كوزدەيتىنىن اتاپ ءوتتى.
05 مامىر, 2022 news
فوتو: اقوردا سايتى
پرەزيدەنت ق.توقاەۆ ەل كونستيتۋسياسىنا وزگەرىستەر مەن تولىقتىرۋلار ەنگىزۋ ءۇشىن 5 ماۋسىمدا رەسپۋبليكالىق رەفەرەندۋم وتكىزۋ تۋرالى جارلىققا قول قويعانىن ءمالىم ەتتى.
&ndash؛ جولداۋدا ايتىلعان باستامالاردىڭ نەگىزگى ماقساتى &ndash؛ ساياسي جۇيەمىزدى تۇبىرىمەن وزگەرتۋ. بۇل حالىقتىڭ كوپ جىلعى تالاپ-تىلەگىنەن تۋىنداپ وتىر. مۇنى ءتيىمدى جۇزەگە اسىرۋ ءۇشىن اتا زاڭىمىزعا وزگەرىستەر ەنگىزۋ قاجەت. ءبىر سوزبەن ايتقاندا, كونستيتۋسيالىق رەفورما جاساۋ كەرەك. وسىعان وراي مەنىڭ تاپسىرماممەن ارناۋلى جۇمىس توبى قۇرىلدى. جۇمىس توبى نەگىزگى زاڭعا ەنگىزىلەتىن وزگەرىستەر مەن تولىقتىرۋلاردىڭ جوباسىن ازىرلەدى. ونى مۇقيات زەردەلەپ, كونستيتۋسيالىق كەڭەسكە جولدادىق. بۇل ورگان ءوز قورىتىندىسىن ۇسىندى, ؛&ndash؛ دەدى پرەزيدەنت بەينەۇندەۋىندە.
ق.توقاەۆتىڭ ايتۋىنشا, اتا زاڭ باپتارىنىڭ ۇشتەن ءبىرى وزگەرەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر