پارلامەنت ن.نازارباەۆتىڭ ستاتۋسىن كونستيتۋسيادان الىپ تاستايتىن زاڭدى قابىلدادى

ماجىلىستىڭ جالپى وتىرىسىندا پالاتا دەپۋتاتتارى سەناتتىڭ "رەفەرەندۋم تۋرالى" زاڭنان ەلباسى تۋرالى نورمانى الىپ تاستاعانىن ماقۇلدادى. بۇل تۋرالى قازاقپارات اگەنتتىگى حابارلادى.

&ndash؛ بۇل كونستيتۋسيالىق زاڭ جوباسىن قازاقستان رەسپۋبليكاسى پارلامەنتىنىڭ دەپۋتاتتارى ازىرلەدى. وزدەرىڭىزگە بەلگىلى, زاڭ جوباسىن بيىل 4 مامىر پارلامەنت ءماجىلىسى ماقۇلداپ, سەناتتىڭ قاراۋىنا جىبەرگەن بولاتىن. زاڭ جوباسىن سەناتتا قاراۋ بارىسىندا قوسىمشا تولىقتىرۋ ەنگىزىلدى. بۇل تولىقتىرۋ كوميتەت وتىرىسىندا قارالدى. سەنات, رەسپۋبليكالىق رەفەرەندۋمنىڭ نىساناسى بولا المايتىن ماسەلەلەردى ناقتىلاۋ ماقساتىندا, "رەسپۋبليكالىق رەفەرەندۋم تۋرالى" كونستيتۋسيالىق زاڭنىڭ 3-بابى 2)-تارماقشاسىن جاڭا رەداكسيادا ۇسىنىپ وتىر. اتاپ ايتاتىن بولساق, "مەملەكەتتىڭ تاۋەلسىزدىگىن, رەسپۋبليكانىڭ بiرتۇتاستىعى مەن اۋماقتىق تۇتاستىعىن, ونى باسقارۋ نىسانىن, رەسپۋبليكا قىزمەتىنىڭ تۇبەگەيلى قاعيداتتارىن وزگەرتۋ»؛ ماسەلەلەرi رەفەرەندۋم تالقىسىنا قويىلاتىن ماسەلەلەر بولا المايدى, &ndash؛ دەدى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ ءتوراعاسى ارمان قوجاحمەتوۆ.

ونىڭ ايتۋىنشا, وسى تارماقشانىڭ قولدانىستاعى رەداكسياداعى "تاۋەلسىز قازاقستاننىڭ نەگىزىن سالۋشى, قازاقستان رەسپۋبليكاسىنىڭ تۇڭعىش پرەزيدەنتى &ndash؛ ەلباسى ىرگەسىن قالاعان رەسپۋبليكا قىزمەتىنىڭ تۇبەگەيلى پرينسيپتەرىن جانە قازاقستان رەسپۋبليكاسىنىڭ تۇڭعىش پرەزيدەنتى &ndash؛ ەلباسىنىڭ مارتەبەسىن وزگەرتۋ" دەگەن سوزدەردى پارلامەنت سەناتى الىپ تاستاۋدى ۇسىنعان.

 ؛

قۇجات پرەزيدەنتتىڭ قول قويۋىنا جىبەرىلەدى.