• usd 415.12

  • eur 443.06

  • rub 7.41

  • cny 62.21

26 مامىر, 19:58:12
الماتى
+25°

پرەزيدەنت قاسىم-جومارت توقاەۆ ەكس-پرەزيدەنت نۇرسۇلتان نازارباەۆتىڭ ستاتۋسىنا ؛ بايلانىستى كونستيتۋسيالىق كەڭەسكە جۇگىندى. بۇل تۋرالى ادىلەت ءمينيسترى قانات مۋسين ءمالىم ەتتى.

"بۇل جولى پرەزيدەنت 91-باپ 2-بولىگىنىڭ جاڭا رەداكسياسىن ۇسىندى. ول جەردە كونستيتۋسيادان ەلباسىنىڭ ستاتۋسى تۋرالى نورمانى مۇلدە الىپ تاستاۋ كوزدەلگەن" دەدى مۋسين.

ال سەنات كەشە ءماجىلىس ماقۇلداعان "رەفەرەندۋم تۋرالى" زاڭنان ەلباسى تۋرالى نورمانى الىپ تاستاپ, ماجىلىسكە قايتاردى. سەنات ءتوراعاسى ماۋلەن اشىمباەۆ ەل كونستيتۋسياسىنا نۇرسۇلتان نازارباەۆتىڭ ستاتۋسىن بەكىتۋگە قارسىلاردىڭ ۇلەسى كوپ ەكەنىن اتاپ ءوتتى.

"ازاماتتارىمىز سوڭعى كۇندەرى كونستيتۋسياعا ەلباسىعا ارنالعان ارنايى باپ ەنگىزۋگە قاتتى قارسىلىق تانىتتى. ازاماتتاردىڭ بۇل تىلەگى ەسكەرىلدى. وزدەرىڭىز دە وسىنداي پوزيسياداسىزدار عوي. 95-99 پايىزىڭىز شىعار" دەدى ول جۋرناليستەرگە.

بۇعان دەيىن ؛نۇرسۇلتان نازارباەۆقا ايرىقشا قۇزىرەتتەر مەن كەپىلدىكتەر بەرەتىن ؛2000 جىلى قابىلدانعان "قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى" كونستيتۋسيالىق زاڭ كۇشىن جوياتىنى, تۇڭعىش پرەزيدەنت مارتەبەسىن كونستيتۋسيادا "تاۋەلسىز قازاقستاننىڭ نەگىزىن قالاۋشى" رەتىندە ايقىنداۋ كوزدەلىپ وتىرعانى حابارلانعان. الايدا الەۋمەتتىك جەلىدە كوپتەگەن ادام اتا زاڭعا ن.نازارباەۆتى تاۋەلسىز قازاقستاننىڭ نەگىزىن قالاۋشى دەپ جازۋعا قارسى شىعاتىندارىن جازعان.

كەشە مەملەكەتتىك حاتشى ەرلان كارين اتالعان وزگەرىستەردى جاساۋشى جۇمىس توبى "تۇڭعىش پرەزيدەنتتىڭ ءرولى ونسىز دا بەلگىلى, ونى جەكە تۇردە كونستيتۋسياعا ەنگىزۋ قاجەت ەمەس" دەپ پىكىر بىلدىرگەندەرىن ءمالىم ەتكەن. كونستيتۋسيالىق كەڭەس ۇسىنىس كونستيتۋسياعا قايشى كەلمەيدى دەپ قورىتىندى شىعارعان.

دەرەككوز: كازتاگ

"قامشى" سىلتەيدى
ىلمەك سوزدەر: نازارباەۆ ستاتۋسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر