فوتو: الماتى قالاسى اكىمىنىڭ ءباسپاسوز قىزمەتى
مەملەكەت باسشىسى قاسىم-جومارت توقاەۆتىڭ جارلىعىنا سايكەس تەاتر ونەرىن دامىتۋعا قوسقان زور ۇلەسى ءۇشىن اكتەر ءارى رەجيسسەر ولەگ لي ii دارەجەلى «؛بارىس»؛ وردەنىمەن ماراپاتتالدى. پرەزيدەنتتىڭ تاپسىرماسى بويىنشا جوعارى مەملەكەتتىك ماراپاتتى الماتى قالاسىنىڭ اكىمى ەربولات دوساەۆ تاپسىردى.
قالا باسشىسى ولەگ ءليدى 80 جىلدىق مەرەيتويىمەن قۇتتىقتاپ, مەرەيتوي يەسىنىڭ بۇكىل ءومىرىن تەاتر ونەرى سالاسىنا ارناعان جەتىستىكتەرىن اتاپ ءوتتى.
«؛وسىنداي جوعارى مەملەكەتتىك ناگرادامەن پرەزيدەنت ءسىزدىڭ ەلەۋلى جانە ەرەكشە ۇلەسىڭىزدى اتاپ ءوتتى. ءسىز &ndash؛ تەاتر ونەرىنىڭ ەڭ كورنەكتى وكىلدەرىنىڭ ءبىرىسىز. كورەي تەاترىن ءسىزدىڭ رولدەرىڭىزسىز, قويىلىمدارىڭىزسىز ەلەستەتە المايمىن. ءسىزدىڭ ەرەكشە دارىنىڭىز بەن تاڭداعان ىسىڭىزگە رياسىز قىزمەت ەتۋىڭىز قازاقستاننىڭ تەاتر ونەرىنىڭ ۇزدىك داستۇرلەرىن ارتتىرۋعا زور ۇلەس قوستى. ءبىز ءسىزدىڭ قويىلىمدارىڭىز بەن فيلمدەرىڭىزبەن وستىك. سىزگە زور دەنساۋلىق جانە جاڭا شىعارماشىلىق جەتىستىكتەر تىلەيمىن»؛, - دەدى ەربولات دوساەۆ.
ولەگ لي ءوزىنىڭ مانسابىندا 40-تان استام فيلمدەر مەن تەلەحيكايالاردا وينادى, سونىمەن قاتار كورەرمەندەردىڭ سۇيىسپەنشىلىگىنە بولەنىپ, تەاتر ساحناسىندا جارقىن, ەستە قالاتىن كەيىپكەرلەردىڭ بىرەگەي بەينەلەرىن جاسادى.
«؛مەملەكەتتىك رەسپۋبليكالىق اكادەميالىق كورەي تەاترى ۇجىمى مەن باسشىلىعىنىڭ اتىنان وسى جوعارى دارەجەلى وردەن يەسى اتانۋدى زور ريزاشىلىقپەن قابىلدايمىن. 1937 جىلى كۇشتەپ كوشىرىلگەن ادامداردى اشىق رۋحپەن قابىلداپ, سوڭعى ءبىر ءۇزىم نانىمەن بولىسكەن قازاق حالقىنا ايتار العىسىمىز شەكسىز. قازاق توپىراعىندا ءبىز حالىقارالىق دەڭگەيدە ناقتىلانعان قازاقستاننىڭ كوپۇلتتى وتباسىنا اينالدىق»؛, &ndash؛ دەدى ولەگ لي.
ولەگ ءليدىڭ كوركەمدىك جەتەكشىلىگىندەگى رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترى كورەي دياسپوراسى ءومىرىنىڭ ماڭىزدى بولىگىنە عانا ەمەس, سونىمەن قاتار كورەي ونەرى مەن مادەنيەتىنە قىزىعۋشىلىق تانىتقان بارلىق قازاقستاندىقتار ءۇشىن تارتىمدى ورىنعا اينالدى.
كەزدەسۋ سوڭىندا الماتى قالاسىنىڭ اكىمى ەربولات دوساەۆ اكتەرگە جىلى لەبىزىن ءبىلدىرىپ, رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترىنا بارۋعا ۋادە بەردى.
ولەگ لي 1942 جىلى 4 مامىردا وزبەك كسر نامانگان قالاسىندا تۋىلعان.
1961 جىلى تاشكەنت ەلەكترومەحانيكالىق تەحنيكۋمىن, 1969 جىلى تاشكەنت ەنەرگەتيكالىق بايلانىس ينستيتۋتىن بىتىرگەن.
1975 جىلى قۇرمانعازى اتىنداعى قازاق مەملەكەتتىك كونسەرۆاتورياسىنىڭ اكتەرلىك فاكۋلتەتىن, 1983 جىلى الماتى مەملەكەتتىك تەاتر-كوركەمسۋرەت ينستيتۋتىنىڭ رەجيسسەرلىك فاكۋلتەتىن بىتىرگەن
1975 جىلدان &ndash؛ مەملەكەتتىك كورەي مۋزىكالىق كومەديا تەاترىنىڭ اكتەرى جانە رەجيسسەرى. 1996 جىلدان &ndash؛ قازاقستان رەسپۋبليكالىق كورەي مۋزىكالىق كومەديا تەاترىنىڭ باس رەجيسسەرى (الماتى ق .)
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر