03 مامىر, 2022 ەكونوميكا
كورنەكى سۋرەت
ساۋىر ايىنىڭ قورىتىندىسى بويىنشا, تەڭگە باعامى جاھاندىق قارجى نارىقتارىنداعى بەلگىسىزدىك پەن قۇبىلمالىلىققا قاراماستان 1 دوللار ءۇشىن 445,62 تەڭگەگە دەيىن نەمەسە 4,6%-عا نىعايدى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى.
؛
"ساۋىر ايىندا شەتەل ۆاليۋتاسىنا سۇرانىستىڭ ايتارلىقتاي تومەندەگەنى بايقالدى. قازاقستان قور بيرجاسىنداعى ساۋدا-ساتتىقتىڭ جالپى كولەمى 1,9 ملرد اقش دوللارى بولعان كەزدە ساۋدا-ساتتىقتىڭ ورتاشا كۇندىك كولەمى 179 ملن اقش دوللارىنان 92 ملن اقش دوللارىنا دەيىن تومەندەدى. ؛ىشكى ۆاليۋتا نارىعىندا احۋالدىڭ تۇراقتانۋى اياسىندا ۇلتتىق بانك ساۋىردە ۆاليۋتالىق ينتەرۆەنسيالاردى, سونداي-اق بجزق-نىڭ زەينەتاقى اكتيۆتەرى مەن سەنىمگەرلىك باسقارۋداعى باسقا دا قورلار ءۇشىن شەتەل ۆاليۋتاسىن ساتىپ الۋ نەمەسە ساتۋ وپەراسيالارىن جۇرگىزگەن جوق" دەلىنگەن اقپاراتتىق حابارلامادا.
ۇلتتىق بانك قىسقا مەرزىمدى پەرسپەكتيۆادا تەڭگەنىڭ قۇبىلۋى گەوساياسي جاعدايدىڭ وزگەرۋىنە, ىشكى قاتىسۋشىلاردىڭ كۇتۋلەرىنە جانە الەمدىك نارىقتارداعى احۋالعا بايلانىستى بولاتىنىن اتاپ ءوتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر