• usd 468.56

  • eur 497.56

  • rub 7.3

  • cny 67.18

29 ناۋرىز, 11:10:22
الماتى
+35°

اقش-تىڭ نيۋ-يورك قالاسىندا قازاق ءتىلى مەن مادەنيەتىنە قىزمەت ەتۋدى كوزدەگەن &ldquo؛بىرىككەن الاش&rdquo؛ (اعىلشىنشا اتاۋى united alash) قورى قۇرىلدى.

قوردىڭ قۇرۋشىسى &ndash؛ ؛قحر-عا قاراستى التايدا تۋىپ, بىرنەشە ەلدە ءبىلىم العان, كازىر اقش-تىڭ نيۋ-يورك قالاسىنداعى coldwell banker american homes كومپانياسىندا جۇمىس ىستەيتىن قانداسىمىز ۇلانباتىر باقىتحانۇلى. ول كۇللى الاش مۇددەسىن كوكسەگەن ۇيىم تاياۋدا زاڭدى تۇردە تىركەلگەنىن ايتادى. الايدا اقش زاڭدارىندا تالاپ ەتكەن بارلىق شارتتار بويىنشا سەرتيفيكاتىن الىپ, قىزمەتىن بۇگىن باستاعان.

مەكەمە نيۋ-يورك شتاتىنىڭ لوڭ ايلاند وكرۋگىنە قاراستى nassau اۋدانىندا تىركەلگەن. دەگەنمەن, زاڭدى وكىلەتتىگى بويىنشا اقش كولەمىندە عانا ەمەس, حالىقارالىق دەڭگەيدە دە جۇمىس ىستەي الادى.

بەكىتىلگەن ەرەجەلەرى مەن جارعىسىنا سايكەس, قور قايىرىمدىلىق جانە ماراپات جۇمىستارىمەن اينالىسا الادى.

فوتودا ۇلانباتىر باقىتحانۇلى

فوتودا ۇلانباتىر باقىتحانۇلى

&ndash؛ ءبىز 2019 جىلى 11 جەلتوقساندا نيۋ-يورك ۋنيۆەرسيتەتىندە وتكەن اقش-تاعى الاش جاستارىنىڭ قۇرىلتايىندا جاساعان توپتىق زياتكەرلىك باياندامادا امەريكادان الاشتى بىرىكتىرەتىن united alash دەگەن قور قۇرۋ جايىن كوتەرگەنبىز. &ldquo؛قاي قيىردا جۇرسە دە, جۇرەگى قازاق ەلى دەپ سوققان ازاماتتاردىڭ باسىن قوسىپ, بىرگە جۇمىس ىستەسەك, قازاقستانىمىزعا ارقاۋ بولساق&rdquo؛ دەگەن وي ەدى. ارينە, باستىسى كەشەگى الاش ارىستارىنىڭ ءىزىن جالعاۋ, ەل باقىتىنا قىزمەت ەتۋ بولاتىن. اللاعا شۇكىر, سول ماقساتىمىزعا قادام باسىپ وتىرمىز&rdquo؛, &ndash؛ دەدى ۇلانباتىر باقىتحانۇلى.

بۇگىن عانا قىزمەتىن باستاعان قوردىڭ قۇرىلتايشىلارى &ndash؛ ءنازيرا بايىربەك, سەرجان بولات جانە ۇلانباتىر ؛باقىتحانۇلى.

الىپ امەريكادا ىرگەسىن قالاپ, اقش زاڭدارى شەڭبەرىندە قازاقتىڭ ۇلى مۇراتىنا قىزمەت ەتۋدى كوزدەگەن ۇيىم دۇنيە جۇزىندەگى بارلىق بەلسەندى قازاق ازاماتتارمەن, بەلسەندى مەكەمەلەرمەن بىرلەسىپ, قازاق ءتىلى مەن ءداستۇرىنىڭ, قازاق مادەنيەتى مەن وركەنيەتىنىڭ دامۋىنا ۇلەس قوسپاق.

دەرەككوز: ؛kazunite سايتى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر