مارات توقاشباەۆ/facebook
قر ءبىلىم جانە عىلىم ءمينيسترى
ا.ق.ايماعامبەتوۆتىڭ نازارىنا
قۇرمەتتى اسحات قاناتۇلى!
قازاقستاننىڭ ءبىلىم سالاسىن باسقارۋعا ءسىز كەلگەلى ءبىرقاتار يگى قادامدار جاسالىپ جاتقانى قۋانتادى. ۇلت ءۇشىن, حالىق ءۇشىن پايدالى باستامالارىڭىزدى قولدايمىز. قىزمەتىڭىزگە ابىروي مەن ساتتىلىك تىلەيمىز.
بىراق ءبىزدى ءقازىر تومەندەگى جاعداي الاڭداتىپ وتىر. 2021/2022 وقۋ جىلىنىڭ سوڭىندا, نەبارى ءبىر اي قالعاندا «؛التىن بەلگىدەن»؛ ۇمىتكەر شاكىرتتەر نازارباەۆ زياتكەرلىك مەكتەبىندە ماتەماتيكادان ەمتيحان تاپسىرۋى كەرەك»؛ دەگەن ءتارتىپ شىعىپتى. مۇنداي تالاپ اتا-انانى دا, ۇستازدى دا, شاكىرتتى دە اڭ-تاڭ ەتىپ, تۇسىنىكسىز جاعدايعا دۋشار ەتىپ تۇر.
بىزگە بەلگىلىسى &ndash؛ نازارباەۆ زياتكەرلىك مەكتەپتەرىنىڭ «؛نازارباەۆ-فوند»؛ قورىنا تيەسىلى ەكەندىگى. ءىس جۇزىندە بۇلار جەكەمەنشىك مەكتەپتەر جەلىسى. سوندا مەملەكەتتىك ورتا ءبىلىم بەرۋ مەكتەپتەرىنىڭ شاكىرتتەرى مەملەكەتتىك ەمەس ءبىلىم وشاعىندا ءبىلىم سىناتۋى قالاي بولادى؟ بۇل قانشالىقتى اقىلعا قونىمدى؟ سونداي-اق نازارباەۆ زياتكەرلىك مەكتەبى مەن جالپى ءبىلىم بەرەتىن مەكتەپتەردىڭ وقۋ باعدارلاماسىنداعى ايىرماشىلىقتار جەر مەن كوكتەي. وقۋ جىلى اياقتالۋعا ءبىر اي قالعاندا بالالاردىڭ تاعدىرىن وسىلاي ويىنشىق ەتۋ ادىلەتتىلىككە جاتا ما؟
ون ءبىر جىل بويى كوز مايىن تاۋىسىپ, بار كۇش-جىگەرىن جۇمساعان بالانىڭ ءبىلىم دەڭگەيىن وسىلايشا تارتىسقا سالۋدىڭ نە قاجەتى بار؟ ەگەر شاكىرتتىڭ بىلىمىنە كۇمان تۋاتىن بولسا وندا نازارباەۆ زياتكەرلىك مەكتەپتەرىنەن باسقا جالپى ءبىلىم بەرەتىن مەكتەپتەردەگى «؛التىن بەلگىنى»؛ الىپ تاستاۋ كەرەك شىعار. «؛التىن بەلگىنىڭ»؛ بالاعا ءىس جۇزىندە بەرەر ەش ارتىقشىلىعى دا جوق. جوعارى وقۋ ورنىنا تۇسەردە جەڭىلدىك تە كورسەتىلمەيدى. تەك بالانىڭ ءوزى ءۇشىن ەڭبەگىنىڭ باعالانعان كورسەتكىشى عانا. سونىڭ وزىندە بالاعا ەموسيونالدىق سالماق ءتۇسىرۋ مەن پسيحولوگيالىق قيناۋدىڭ قاجەتى قانشا؟!
بالانىڭ ون ءبىر جىلعى ەڭبەگىن وسىلاي تارتىسقا سالاتىن بولسا, كەيىنگى بۋىننىڭ وقۋعا ىقىلاسى ارتادى دەۋ دە قيىن. ودان دا كەرەك پانىنە كوبىرەك كوڭىل ءبولىپ, تەك ءبىر سالاعا عانا ماماندانۋدى ءجون سانايدى. بالانىڭ وقۋعا دەگەن قىزىعۋشىلىعىن ارتتىرا الماي جاتقاندا توبىقتان قاققان مۇنداي ارەكەتتەر ءبىلىم سالاسىنا ابىروي قوسپاسى انىق.
بيىلعى جىلعا دەيىن «؛التىن بەلگىگە»؛ۇمىتكەرلەردىڭ جازعان جۇمىسى جارتى ساعاتتىڭ ىشىندە جيناپ الىنىپ, قالالىق ءبىلىم بەرۋ باسقارماسىندا بىلىكتى ۇستازداردان, ءبىلىم باسقارماسىنىڭ ماماندارىنان, ۇستازداردىڭ بىلىكتىلىگىن ارتتىراتىن مەكەمەلەردىڭ عالىمدارىنان قۇرالعان تاۋەلسىز كوميسسيا مۇشەلەرىنىڭ تالقىسىنان وتكىزىلىپ, قورىتىندى باعا سول جەردە قويىلاتىن.
بۇل جەردە شاكىرت پسيحولوگيالىق قىسىمعا ۇشىراماستان, ءوز مەكتەبىندە جۇمىسىن جازىپ, ونىڭ جۇمىسى عانا كوميسسيادا قاراستىرىلاتىن. كوپتەگەن ۇستازداردىڭ پىكىرىنشە, وسى جۇيە ۇستاز ءۇشىن دە, شاكىرت ءۇشىن دە وتە ءتيىمدى.
قۇرمەتتى مينيستر مىرزا!
شاكىرتتەردىڭ مەكتەپ بىتىرەيىن دەپ تۇرعان شەشۋشى ساتىندە اياق استىنان توسىن تالاپ قويىلىپ «؛التىن بەلگىگە»؛ ۇمىتكەرلەردى اۋرە-سارساڭعا سالۋ, شاكىرتتەردىڭ جۇيكەسىن توزدىرۋ ورىنسىز ارەكەت دەپ ەسەپتەيمىز. مۇنداي تالاپ پەداگوگتاردىڭ تامىز كەڭەسىندە تالقىلانىلىپ, وقۋ جىلىنىڭ باسىندا ۇسىنىلۋى ءتيىس ەدى.
سوندىقتان وسىنداي ءبىر قايناۋى ىشىندە, اسىعىس شەشىم, ورىنسىز تالاپتىڭ بيىلعى جىلعا توقتاتىلۋىن سۇرايمىز. شاكىرتتەردىڭ 11 جىلعى جويداسىز ەڭبەگىن تابان استىندا تارتىسقا سالىپ, جىگەرىن جاسىتىپ الماي, ءبىلىمدى جاستارىمىزدىڭ ءومىر جولىن دۇرىس تاڭداۋىنا كومەك قولىن سوزايىق.
قۇرمەتپەن,
مارات توقاشباەۆ,
جازۋشى-پۋبليسيست,
قازاقستان پەداگوگيكالىق عىلىم اكادەمياسىنىڭ
اكادەميگى, پروفەسسور.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر