• usd 468.56

  • eur 497.56

  • rub 7.3

  • cny 67.18

29 ناۋرىز, 15:13:26
الماتى
+35°
تۇڭعىش پرەزيدەنت نۇرسۇلتان نازارباەۆتىڭ مارتەبەسى ەل كونستيتۋسياسىنا بەكىتىلەتىنى ونىڭ وكىلەتىن ارتتىرمايدى, كەرىسىنشە تارىلتادى. بۇل تۋرالى كونستيتۋسيانى وزگەرتۋ جونىندەگى جۇمىس توبىنىڭ مۇشەسى ەرمەك ءابدىراسۇلوۆ جۋرناليست نارتاي ارالبايۇلىنا بەرگەن سۇحبات بارىسىندا ءمالىم ەتتى.
 ؛
ونىڭ ايتۋىنشا, كونستيتۋسياعا نۇرسۇلتان نازارباەۆ "تاۋەلسىز قازاقستاننىڭ نەگىزىن قالاۋشى" دەگەن تىركەس تەك نازارباەۆتىڭ تاريحي ءرولىن ايقىنداۋ ءۇشىن عانا قوسىلعان. بۇل ەكس-پرەزيدەنتكە ەشقانداي وكىلەت بەرمەيدى. ؛كەرىسىنشە ەندى ؛نۇرسۇلتان نازارباەۆقا ايرىقشا قۇزىرەتتەر مەن كەپىلدىكتەر بەرەتىن ؛2000 جىلى قابىلدانعان "قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى" كونستيتۋسيالىق زاڭ كۇشىن جويادى.
 ؛
اتالعان زاڭ ەكس-پرەزيدەنتتى قىلمىستىق جاۋاپكەرشىلىكتەن بوساتاتىن, وعان ساي ءوزى مەن بىرگە تۇراتىن تۋىستارىنىڭ دۇنيە-مۇلكىنە ەشكىم قول سۇعا المايتىن, ؛بانكتىك شوتتارىنىڭ بانكتىك قۇپيالىعىنا جانە ولارعا تيىسپەۋشىلىككە كەپىلدىك بەرىلەتىن.
 ؛
ەرمەك ءابدىراسۇلوۆ نۇرسۇلتان نازارباەۆ پرەزيدەنت بولىپ تۇرعان كەزىندەگى شەشىمدەرى ءۇشىن جاۋاپ بەرمەيتىنىن, ءبىراق قىزمەتىن اسىرا پايدالانىپ, قىلمىستىق ارەكەتتەرگە بارعانى انىقتالسا, زاڭ الدىندا جاۋاپتى بولاتىنىن اتاپ ءوتتى.
 ؛
بۇعان دەيىن ەرمەك ءابدىراسۇلوۆ تۇڭعىش پرەزيدەنت مارتەبەسى كونستيتۋسيادا "تاۋەلسىز قازاقستاننىڭ نەگىزىن قالاۋشى" رەتىندە ايقىندالاتىنىن حابارلاعان. بۇعان الەۋمەتتىك جەلىدە كوپشىلىك قارسىلىق بىلدىرگەن. كونستيتۋسيالىق وزگەرىستى باستاپقىدا جۇرتشىلىقتىڭ باسىم بولىگى ەكس-پرەزيدەنتتىڭ يممۋنيتەتى كۇشەيتىلگەلى جاتىر دەپ ءتۇسىنىپ قالعان.
 ؛
 ؛
"قامشى" سىلتەيدى
ىلمەك سوزدەر: نازارباەۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر