فوتو: reuters
ماسكەۋ ۋكراينانىڭ شىعىسىندا شابۋىىن كۇشەيتىپ جاتىر. شىعىستا قاتتى اتىس جالعاسىپ, ۆيننيسا وبلىسى مەن بەس تەمىرجول ۆوكزالىندا شابۋىلدار تىركەلدى.
رەسەي كۇشتەرى قاناتتى زىمىراندارمەن ۋكراينانىڭ وڭتۇستىك-باتىسىنداعى ۆيننيسا وبلىسىنىڭ ەكى قالاسىن اتقىلادى دەپ حابارلادى وبلىستىڭ گۋبەرناتورى سەرگەي بورزوۆ. سوزىنشە, جمەرىنكا جانە كوزياتين قالالارىنداعى ماڭىزدى ينفراقۇرىلىم نىساندارى زىمىرانمەن اتىلعان.
"ولگەندەر مەن جارالانعاندار بار" دەدى بورزوۆ telegram-دا.
رەسەي اقش-قا ۋكرايناعا قوسىمشا قارۋ بەرمەۋدى ەسكەرتتى
رەسەيدىڭ ۆاشينگتونداعى ەلشىسى "روسسيا 24" تەلەارناسىنا بەرگەن سۇحباتىندا ماسكەۋ ۆاشينگتونعا كيەۆكە كوبىرەك قارۋ جىبەرمەۋ تۋرالى ەسكەرتۋ جاساعانىن ايتتى.
"امەريكا قۇراما شتاتتارى ۋكرايناعا قارۋلاردى كوپتەپ بەرىپ جاتقان كەزدە ءبىز مۇنداي جاعدايدىڭ قابىلدانبايتىنىن اتاپ وتتىك جانە ءبىز بۇل تاجىريبەنى توقتاتۋدى تالاپ ەتتىك" دەدى اناتوليي انتونوۆ "روسسيا 24" تەلەارناسىنا بەرگەن سۇحباتىندا.
تەمىرجول ۆوكزالىنا شابۋىل
"رەسەي كۇشتەرى تاڭەرتەك ۋكراينانىڭ ورتالىق جانە باتىسىنداعى بەس تەمىرجول ۆوكزالىنا سوققى بەردى" دەپ حابارلادى ەلدىڭ تەمىرجول قىزمەتىنىڭ باسشىسى الەكساندر كامىشين.
"زارداپ شەككەندەر بار, ءبىز جاعدايدىڭ ەگجەي-تەگجەيىن انىقتاپ جاتىرمىز" دەدى ول جەلىدەگى جازباسىندا. ؛كامىشين كەم دەگەندە 16 پويىزدىڭ ۋاقىت كەستەسى وزگەرگەنىن ايتتى.
رەسەي ۋكراينانىڭ مۇناي بازاسى مەن اسكەري نىساندارىنا سوققى بەردى
"رەسەي قورعانىس مينيسترلىگى اسكەر ۋكراينانىڭ كرەمەنچۋگ مۇناي وڭدەۋ زاۋىتىنا جانە ۋكراينانىڭ اسكەري نىساندارىنا سوققى بەرىپ قيراتتى" دەپ حابارلادى تاسس اقپارات اگەنتتىگى.
اگەنتتىك سونداي-اق رەسەيدىڭ اۋە شابۋىلىنا قارسى قورعانىس جۇيەلەرى حاركوۆ وبلىسىنداعى اۋدانداردا ۋكراينانىڭ ون شاقتى ۇشقىشسىز ۇشاتىن اپپاراتىن اتىپ تۇسىرگەنىن اتاپ ءوتتى.
لۋگانسكىدە قۇتقارۋ جۇمىستارى جالعاسىپ جاتىر
"رەسەي كۇشتەرى لۋگانسك وبلىسىن اتقىلاعاننان كەيىن قۇتقارۋشىلار لىسىچانسكىدەگى ءورتتى سوندىرۋگە جانە سەۆەرودونەسكتەگى ءۇيىندى استىنان مايىتتەردى شىعارۋعا جۇمىس ىستەپ جاتىر" دەپ حابارلادى ۋكراينانىڭ توتەنشە جاعدايلار قىزمەتى telegram-كانالىندا.
"قۇتقارۋشىلار وق اتۋ قاۋپىنە قاراماستان, ءورتتى جويىپ, كاسىبي مىندەتتەرىن ۇزدىكسىز اتقارىپ جاتىر" دەلىنگەن حابارلامادى.
ال-جازيرا: لايماندا سۇراپىل اتىس بولىپ جاتىر
"رەسەي كۇشتەرى شىعىستاعى سلاۆيانسك قالاسىنا باسىپ كىرىپ, جاقىن ماڭداعى لايمان قالاسى ءقازىردىڭ وزىندە اۋىر شابۋىلعا ۇشىرادى" دەپ حابارلادى ءال-جازيرا تەلەارناسى.
تەلەارنا اقپاراتىنشا, ادامدار بۋنكەرلەردى پانالاپ جاتىر.
رەسەيدىڭ شابۋىلدارىنا قاراماستان قالاعا كىرۋگە تىرىساتىندار دا بار. "بىزدە باسقا تاڭداۋ جوق, ءبىزدىڭ ءۇيىمىز سوندا جانە دنەپردە تۇرۋعا شامامىز جوق" دەيدى ءبىر وتباسى قونىس اۋدارعان ادامدار كەزدەسەتىن قيىندىقتاردى اتاپ ءوتىپ.
ۋكراينا اسكەرى: ازوۆستالدا وق بوراپ تۇر
"رەسەي كۇشتەرى ازوۆستال مەتاللۋرگيالىق زاۋىتىنا سوققى بەردى" دەپ حابارلادى ۋكراينا اسكەريلەرى.
بولات زاۋىتى ءماريۋپولدىڭ وڭتۇستىگىندەگى قارسىلاسۋدىڭ سوڭعى تابان تىرەگىنىڭ ءبىرى بولىپ ەسەپتەلەدى. وندا جۇزدەگەن ۋكراينالىق جاۋىنگەرلەر مەن 1000-عا جۋىق بەيبىت تۇرعىن جەر استى تۋننەلدەرىندە جاسىرىنىپ وتىر.
رەسەي ۋكراينانىڭ شىعىسىنداعى پوپاسنا قالاسىنا شابۋىل جاسادى
"رەسەي كۇشتەرى لۋگانسك وبلىسىنىڭ وڭتۇستىك-شىعىسىنداعى 20 مىڭ تۇرعىنى بار پوپاسنا قالاسىنا باسىپ كىردى" دەپ حابارلادى ۋكراينا قارۋلى كۇشتەرىنىڭ باس شتابى.
ونى باسىپ الۋ لۋگانسك پەن كورشىلەس دونەسكتەگى ۋكرايندىق كۇشتەردى قورشاۋدى جەڭىلدەتۋى مۇمكىن, ويتكەنى قالا ماڭىزدى كولىك تورابىنا جاقىن توبەدە ورنالاسقان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر