21 ءساۋىر, 2022 مادەنيەت
فيلم پوستەرى
ەلىمىزدىڭ كينوتەاترلارىنا ەنتۋزياستەر تۇسىرگەن "باۋىر" ءفيلمى شىقتى. كريمينال دراما جانرىندا تۇسىرىلگەن كينوكارتينا بيۋدجەتسىز تۇسىرىلگەن.
تۋىندى شىنايى وقيعاعا نەگىزدەلگەن. كارتينادا قيىندىققا تاپ بولىپ, ودان شىعۋ جولىن ىزدەگەن ەكى جىگىتتىڭ وقيعاسى سۋرەتتەلەدى. ءفيلمنىڭ جەلىسى بويىنشا, كريمينال الەمگە ءتۇسىپ, ماڭداي تەرمەن ەمەس, وڭاي جولمەن پايدا تابۋدى كاسىپ ەتكەن جىگىت اقىرى تۇتىلىپ, تۇرمەگە تۇسەدى. الايدا وعان كىشى باۋىرى كومەكتەسىپ, اعاسىن كولەڭكەلى الەمنەن الىپ شىعادى.
فيلم رەجيسسەرى ءارى يدەيا اۆتورى شىڭعىس ابدىبەك تىرناقالدى تۋىندىسىنىڭ "بيۋدجەتسىز" تۇسىرىلگەنىن ايتتى.
&ndash؛ ؛بۇل كينو ارقىلى جاستاردىڭ قىلمىستىق جولعا ءتۇسۋىنىڭ زاردابى اۋىر بولاتىنىن كورسەتكىمىز كەلدى. "ۇرلىق ءتۇبى &ndash؛ قورلىق" دەپ تەگىن ايتپايدى. سونىمەن بىرگە, وتباسى قۇندىلىعىن ناسيحاتتايمىز. باۋىرى ءۇشىن جان الىسىپ, جان بەرۋگە دايىن جىگىتتىڭ ەرلىگى بارشاعا ۇلگى بولسىن دەدىك. ءفيلمدى جۇرت كورىپ, باعاسىن بەرە جاتار... ال كينو ءوز كوڭىلىمنەن شىقتى. فيلم "بيۋدجەتسىز" ءتۇسىرىلدى, جىگىتتەر ەنتۋزيازممەن جۇمىس ىستەدى. اكتەرلەر قۇرامىنا, سونداي-اق ءبىزدىڭ كوماندامىزعا قولداۋ كورسەتكەن بارلىق جانعا العىسىمدى بىلدىرەمىن, &ndash؛ ؛دەدى ءفيلمنىڭ رەجيسەرى شىڭعىس ابدىبەك.
تۇسىرىلىم جۇمىستارى الماتى قالاسىندا جانە شۋ وڭىرىندە وتكەن
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر