• usd 468.56

  • eur 497.56

  • rub 7.3

  • cny 67.18

28 ناۋرىز, 17:23:25
الماتى
+35°
رەسەيدىڭ ۋكراينادا سوعىسىپ جاتقان قۇرلىقتاعى اسكەرى شەگىنىپ, قارا تەڭىزدەگى اسكەري فلاگماننىڭ اپاتقا ۇشىراۋىنا بايلانىستى ماسكەۋدىڭ اسكەري ساتسىزدىكتەرى ءورشي ءتۇستى. اسكەرى الەمدەگى ەڭ مىقتىلاردىڭ ءبىرى دەپ سانالىپ كەلگەن ەلدى سانى مەن قۋاتى جونىنەن وزىنەن از كۇش قانعا بوكتىرىپ جاتقانىن اسا ىجداھات تانىتىپ باقىلاپ وتىرعان ءبىر ەل بولسا, ول قىتاي, دەپ جازادى ؛associated press ؛اگەنتىگى.

باسىلىم قىتاي رەسەي سياقتى قارۋلى كۇشتەرىن كەڭەستىك ۇلگىدە جاساقتايتىندىقتان, سي سزينپين رەسەي اسكەرىنىڭ ۋكرايناداعى باسقىنشىلىق كەزىندە اشكەرەلەنگەن ءالسىز تۇستارىن مۇقيات ساراپتايتىنىن جازادى. سول ارقىلى مۇنداي جاعداي ءوزىنىڭ حالىقتىق ازات ەتۋ ارمياسىنىڭ باسىنا كەلۋىنەن, تايۆان ارالىنا بايلانىستى قارىم-قاتىناسىندا قايتالانۋىنان ساقتانعىسى كەلەدى.

ماسساچۋسەتس تەحنولوگيا ينستيتۋتى قاۋىپسىزدىك سالاسىنداعى زەرتتەۋ باعدارلاماسىنىڭ ديرەكتورى تەيلور فراۆەل رەسەي اسكەرى ونداعان جىل بويعى ۇلكەن رەفورمانى, ينۆەستيسيانى باستان وتكەرگەنىنە, گرۋزيا, شەشەنستان, سيريا مەن قىرىمداعى سياقتى قيىلدارعا قاراماستان, ۋكرايناعا باسىپ كىرگەندە ويسىراي ساتسىزدىككە ۇشىراپ جاتقانىنا نازار اۋداردى.

 ؛

سوزىنشە, ساراپشىلار ۋكرايناعا باسىپ كىرگەندە رەسەيدىڭ ءتيىستى دايىندىعىنىڭ بولماعانىنا, ۇرىس الاڭىندا باعدارى ناشارلىعىنا, اۋەدەگى جانە جەردەگى وپەراسيالاردى ءتيىمدى ۇيلەستىرە الماعانىنا تاڭ قالعان.

 ؛

سوعىس بارىسىندا رەسەي جاۋىنگەرلەرىنىڭ تاماعى تاۋسىلىپ, كولىكتەرى سىنعان. ۇلكەن شىعىنعا ۇشىراپ, اسكەرىن كيەۆتەن شەگىندىرۋگە ءماجبۇر بولعان. وتكەن اپتادا زىمىراندىق "موسكۆا" كەمەسى سۋعا باتىپ كەتتى. ۋكراينا ونى اتىپ تۇسىرگەنىن ايتسا, رەسەي تاراپى اپاتقا كەمە بورتىنداعى ءورت سەبەپ بولدى دەيدى.

 ؛

فراۆەل "وسىنىڭ ءبارىن كورىپ وتىرعان ؛سي سزينپين اسكەرى تۋرالى شىنايى اقپارات الىپ وتىرمىن با دەپ ويلانۋى ابدەن مۇمكىن" دەيدى.

 ؛

اقش-تاعى مەملەكەتتىك قىزمەت كورسەتۋ بويىنشا كومپانيانىڭ اعا كونسۋلتانتى ؛دەۆيد چەن قىتاي اسكەري شەبەرلىگىنە باعا بەرەتىندەي سوڭعى ۋاقىتتا ءىرى كونفليكتكە تۇسپەگەنىن, سوڭعى ءىرى قاقتىعىس ۆەتناممەن 1979 جىلى بولعانىن اتاپ ءوتتى.

&ndash؛ قىتاي قاقتىعىس كەزىندە بەلگىسىز فاكتورلاردىڭ كۇتكەندەگىدەن دە كوپ بولاتىنىن الاڭداتارلىق سيگنال ەسەبىندە قابىلداپ وتىر. رەسەيدىڭ ۋكرايناداعى تاجىريبەسى اسكەري عىلىم اكادەمياسى مەن ۇلتتىق قورعانىس ۋنيۆەرسيتەتىنىڭ قاعازدارىنداعى شىنايى بولىپ كورىنەتىن جايتتان ءىس جۇزىندە ايتارلىقتاي كۇردەلى بولۋى مۇمكىن ەكەنىن اڭعارتتى, ؛&ndash؛ ؛ دەيدى ؛دەۆيد چەن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر