• usd 415.12

  • eur 443.06

  • rub 7.41

  • cny 62.21

26 مامىر, 19:18:23
الماتى
+25°

رەسمي كرەمل ۋكرايناعا سوعىس اشقالى رەسەيدەن كوپتەگەن الپاۋىت ءاۆتووندىرىس سالاسىنداعى كومپانيالار كەتىپ قالدى. رەسەي ءۇشىن ەسىگىن جاپقان كومپانيالارعا قازاقستان نارىققا ەسىك بولا الا ما؟ وعان اۆتووندىرىستەگى الپاۋىتتار مۇددەلى مە؟ بۇل ؛&ndash؛ كولىك باعاسىنا قالاي اسەر ەتەدى, وسى جانە وزگە دە سۇراقتارعا جاۋاپ ىزدەپ كوردىك.

رەسەيگە سالىنعان سانكسيا, ونىڭ قازاقستانعا سالقىنى

رەسەي اگرەسسياسىنا جاۋاپ رەتىندە العاشقىلاردىڭ ءبىرى بولىپ audi جۇمىسىن توقتاتى. ودان كەيىن, bmw, mini, cadillac, chevrolet, chery, ford, geely, haval, honda, jaguar, land rover, toyota, lexus, mazda, nissan, porsche, &scaron؛koda, volkswagen جانە volvo رەسەيدەگى ديلەرلەرىنە كولىك جىبەرۋدى دوعاردى.

بىراق geely, haval جانە قازاقستاننىڭ اۆتونارىعى ءۇشىن ماڭىزدى سانالاتىن toyota جانە lexus سياقتى كومپانيالار رەسەيدە كولىك ساتۋدى توقتاتپايتىنىن مالىمدەپ, شەكتەۋ لوگيستيكا جەلىسى بۇزىلعانىنا جانە ۆاليۋتا باعامىنىڭ تۇراقسىزدىعانا بايلانىستى ەكەنىن جەتكىزدى.

قارا ءتىزىمدى اۆتوكولىك وندىرىسىمەن قاتار, موتوسيكل كاسىپورىندارى جالعادى. رەسەيگە تەحنيكا جەتكىزۋدى توقتاتقانداردىڭ قاتارىندا honda مەن harley-davidson بار.

اۆتوكولىك زاۋىتتارىنىڭ دا قىزمەتى شەكتەلدى. ءتىزىمدى: bmw (كالينينگراد), ford (ماسكەۋ), جانە nissan (سانكت-پەتەربۋرگ), volkswagen (كالۋگا) جانە &scaron؛koda (نيجنيي نوۆگورود) باستاپ تۇر. ال سانكت-پەتەربۋرگتەگى toyota, hyundai, kia زاۋىتى جانە ماسكەۋدەگى renault زاۋىتى قاجەتتى اۆتوبولشەكتەر جەتىسپەگەندىكتەن جۇمىستارىن توقتاتقان.

سانكسيا سالعان كولىك كومپانيالارى نەگىزگى بولىگىنىڭ قازاقستانمەن تىكەلەي بايلانىسى بولماسا دا رەسەيدەگى احۋال ەلگە اسەرىن تيگىزبەي قويمادى. ماسەلەن, سوعىس باستالعانعا دەيىن 428 تەڭگە بولعان ءبىر دوللار قۇنى 11 ناۋرىزدا 510 تەڭگەدەن اسقان ساتتە, قازاقستانداعى اۆتوكولىكتەردىڭ باعاسى شارىقتاي ءتۇستى. مىسالى, اۆتوسالونداردا toyota camry 11 پايىزعا قىمباتتاسا, volkswagen tiguan-نىڭ كەي نۇسقاسى بىردەن 4.1 ملن تەڭگەگە دەيىن وسكەن.

مۇنىمەن قوسا جۇرىلگەن, ەسكى كولىكتەردىڭ باعاسى دا بىردەن كوتەرىلىپ كەتتى. ايتالىق, كولىك ساتاتىن سايتتار مەن موبيلدىك قوسىمشالاردان 2001-2006 جىلدارى شىققان toyota camry xv 30 (v35) ۇلگىلەرىنىڭ باعالارى ورتاشا ەسەپپەن العاندا 5.5 ميلليون تەڭگەدەن باستالاتىنىن, كەيبىرى 7 ميلليون تەڭگەدەن اسىپ جىعىلاتىنىن بايقاۋعا بولادى. بۇل &ndash؛ الدىڭعى جىلدارمەن سالىستىرعاندا الدەقايدا جوعارى.

ساراپشىلار نە دەيدى؟

اۆتووندىرىس ساراپشىسى, "ورتاق جول" جول قوزعالىسى قاۋىپسىزدىگى قاۋىمداستىعىن جەتەكشىسى ارسەن شاكۋوۆ وندىرۋشىلەردى تارتۋدا قازاقستاننىڭ مۇمكىندىكتەرىن وڭ باعالاپ وتىر.

 ؛

فوتو: lada.kz

&ndash؛ ؛رەسەيدەن كەتكەن اۆتوكولىك كاسىپورىندارى زاۋىتتارىن قازاقستاندا اشۋى مۇمكىن بە؟ قازاقستان الەمدىك كومپانيالار ءۇشىن تارتىمدى بولا الا ما, ولاردىڭ سەنىمىن اقتاي الا ما؟

&ndash؛ ولار بۇل ماسەلەنى مۇقيات قاراستىراتىنى تۇسىنىكتى. مەنىڭشە, ولار سانكسياعا ۇشىراعان بيزنەستەرىنىڭ دامۋى ءۇشىن قازاقستان نارىعىنا شىعۋى عاجاپ ەمەس. ويتكەنى بۇل سالادا قازاقستان ءوزىن تانىتا الدى. قازاقستاندىق نارىقتا hyundai, kia, renault سياقتى الەمدىك برەندتەر قۇراستىرىلىپ, شىعارىلادى. ءقازىر "سەنىمدى اقتاۋ" دەگەن ءسوز جوق دەپ ويلايمىن. كەرىسىنشە, اۆتوكولىك شىعاراتىن زاۋىتتاردى كەڭەيتۋ ماسەلەسى باستى نازاردا.

&ndash؛ ولار قانداي ستاندارتتارعا, كريتەرييلەرگە قارايدى؟ شەتەلدىك كاسىپورىندار ءۇشىن قازاقستان قانشالىقتى ءتيىمدى؟

&ndash؛ بەلگىلى ءبىر نارىقتا اۆتوكولىكتى پايدالانۋ ءۇشىن قاجەتتى بارلىق حالىقارالىق ستاندارتتار مەن كريتەرييلەر ەسكەرىلەدى. مىسالى, ەۋرازيالىق وداقتىڭ ءوزىنىڭ تەحنيكالىق رەگلامەنتى بار. مۇنىڭ ءبارى ەسكەرىلىپ, كولىك ستاندارتتار شەڭبەرىندە شىعارىلادى. سەبەبى, بىرىنشىدەن, قاۋىپسىزدىك قامتاماسىز ەتىلۋى كەرەك. ەكىنشىدەن, ستاندارت پەن ساپا &ndash؛ بۇگىنگى كۇننىڭ باستى نورماسى.

ارينە, قازاقستان &ndash؛ ينۆەستورلار ءۇشىن ءتيىمدى. ويتكەنى, لوگيستيكا قىسقارادى, تاسىمالداۋ وڭايىراق بولا تۇسەدى. ءيا, لوگيستيكالىق شىعىندار الىنادى, سونىمەن قاتار كەدەندىك تولەمدەر جانە تاعى باسقالارى بار. بۇل ءار ەل قوياتىن كەدەرگىلەر. ءبىراق ەۋروازيالىق وداق اياسىندا بىزدە ءوز ەرەجەلەرىمىز بار. بۇل ؛&ndash؛ ينۆەستورلار ءۇشىن ءتيىمدى, ويتكەنى ولار, ينۆەستيسيالارىن قايتارا الادى. كولىك ءوندىرىسى قالاي بولعاندا دا, حالىق اراسىندا سۇرانىسقا يە بولۋى كەرەك.

&ndash؛ قازىرگى تاڭدا جاڭا كولىكتەرگە سۇرانىس كوپ پە؟ كولىك باعاسىن كىم قويادى؟

&ndash؛ تۇتىنۋشىلاردىڭ سۇرانىسى جوعارى. باعا كوتەرىلمەۋى كەرەك, ونى وندىرۋشىلەردىڭ ماركەتينگتىك ۇيىمدارى قامتاماسىز ەتەدى. ياعني, كولىكتەر بىزدە قۇراستىرىلعاندىقتان, ءبىز ديللەر رەتىندە باعانى كوتەرە المايمىز. ياعني, وندىرۋشىلەر اۆتوكولىكتەردى شىعارادى, بولدى. بۇل تۇراقتى باعا. سۇرانىس جوعارى بولسا دا, ولار تەك قۇراستىرۋ جىلدامدىعىن ارتتىرادى, ءبىراق باعانى ەمەس. ويتكەنى ونداي شەشىمدەردى جوعارى شتاب قابىلدايدى.

&ndash؛ رەسەي ازاماتتارى قازاقستاندىق جۇرىلگەن كولىكتەردى جاپپاي الىپ جاتقانى جايلى اقپاراتتار بار. بۇل وزىمىزدەگى كولىك باعاسىنا قانشالىقتى اسەر ەتەدى؟

&ndash؛ بۇل شىندىققا جاناسپايدى. ءيا, رەسەيلىك تۇتىنۋشىلار تاراپىنان سۇرانىس بار. دەگەنمەن, نارىقتان قازاقستاندىقتاردى ىعىستىراتىنداي اۋقىمدا ەمەس. اۆتوكولىكتەر جەتكىلىكتى جانە بۇل باعاعا ەش اسەر ەتپەيدى.

&ndash؛ قازاقستاندا اۆتونارىعىن قانداي وزگەرىستەر كۇتىپ تۇر؟ كولىك باعاسى ارزانداي ما؟

&ndash؛ ەگەر رەسەيدەن كەتكەن كومپانيالار قازاقستانعا كەلەتىن بولسا, ەلىمىز كولىك نارىعى قالىپتاسقان پوستكەڭەستىك مەملەكەتتەردىڭ ورتالىعىنا اينالادى. ياعني, قىرعىزدار, وزگە كورشىلەرىمىز, ءتىپتى رەسەيدىڭ ءوزى بىزگە كولىك ساتىپ الۋ ءۇشىن كەلەدى. مۇنىڭ ءبارى ورىندالسا, ءبىز اۆتوكولىك سالاسى دامىعان قۋاتتى ەلگە اينالامىز. بۇل ؛&ndash؛ مەنىڭ جەكە ويىم. ال كولىك باعاسىنا كەلسەم, بىلەسىز بە, كولىك باعاسى جانارماي باعاسى سياقتى. مەن جانارماي باعاسىنىڭ تومەندەگەنىن ەشقاشان كورگەن ەمەسپىن. دەمەك, كولىكتىڭ باعاسى دا ارزاندامايدى. ويتكەنى بۇل ءۇردىس بۇكىل الەمدە ءجۇرىپ جاتىر. جالپى جاھاندىق ۇردىستەرگە بايلانىستى باعانىڭ 10-15 پايىزعا ءوسۋىن كۇتۋگە بولادى. كوروناۆيرۋس پاندەمياسى, اۆتوكولىك بولشەكتەرىنە بايلانىستى باعا تاعى وزگەرۋى مۇمكىن.

رۇستەم ايتكارىم

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر