بەلگىلى جازۋشى, ەتنوگراف زەينوللا سانىكتىڭ شىعارماشىلىعىنا ارنالعان قوس كىتاپ جارىق كوردى

بۇگىن الماتىداعى ۇلتتىق كىتاپحانانىڭ ن.داۋلەتوۆ اتىنداعى زالىندا كورنەكتى جازۋشى, ەتنوگراف, باسپاگەر زەينوللا سانىكتىڭ شىعارماشىلىعىنا ارنالعان «؛دانەكەر تۇلعا»؛, «؛حالىق مۇراسىنىڭ جاناشىرى»؛ كىتاپتارىنىڭ تۇساۋكەسەرى مەن عىلىمي-تاجىريبەلىك كونفەرەنسيا ءوتتى. ءىس-شارانى زەينوللا سانىك اتىنداعى مادەنيەت قورى ارنايىلاپ بەلگىلى قالامگەردىڭ تۋعان كۇنىنە ورايلاستىرىپ ۇيىمداستىرعان. وعان زيالى قاۋىم وكىلدەرى, ادەبيەتتانۋشىلار مەن جازۋشىنىڭ شىعارماشىلىق جولى بويىنشا ىزدەنىپ جۇرگەن ماگيسترانت جاستار قاتىستى.

ىس-شارا بارىسىندا جازۋشىنىڭ جارى, اقىن, ۇستاز, زەينوللا سانىك مادەنيەت قورىنىڭ پرەزيدەنتى شامشابانۋ حامزاقىزى, قازاقستان جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت, م.و.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجان, شىعىستانۋ ينستيتۋتىنىڭ ديرەكتورى دۇكەن ءماسىمحانۇلى قۇتتىقتاۋ ءسوز سويلەدى. جازۋشىنىڭ شىعارماشىلىعىنداعى وزىندىك ءىزى, وقيعانى حاتقا تۇسىرەردە دالەلدى-دايەكتى دۇنيەلەردى جازعانى جايلى بايان ەتتى.

جيىن تىزگىنىن ۇستاعان جۋرناليست جارقىن سالەنۇلى زەينوللا سانىك شىعارماشىلىعى جاس ىزدەنۋشىلەر اراسىندا ءجيى زەرتتەۋ نىسانىنا اينالاتىنىن, 2018-2021 جىلدار ارالىعىندا جازۋشى-ەتنوگرافتىڭ شىعارماشىلىعى بويىنشا 11 ماگيسترلىك, 6 ديپلومدىق جۇمىس جازىلىپ, قورعالعانىن, 2 عىلىمي مونوگرافيا, 2 ەستەلىكتەر جيناعى جارىق كورگەنىن اتاپ ءوتتى. بيىلعى وقۋ جىلىندا دا زەينوللا سانىك شىعارماشىلىعىن ارقاۋ ەتكەن جۇمىستار از ەمەستىگىن جەتكىزدى.

قالىڭ وقىرمانعا جول تارتقان قوس ەڭبەك زەينوللا سانىك شىعارماشىلىعىن جاڭاشا قىرىنان تانۋدا قالامگەر ەڭبەگىنە تەرەڭىرەك بويلاپ, زەرتتەي تۇسۋدە ولجالى تۋىندى دەيدى جينالعاندار.

«؛دانەكەر تۇلعا»؛ كىتابىنا جازۋشىنىڭ ءومىرى مەن شىعارماشىلىعىنا ارنالعان ەستەلىكتەر, زەرتتەۋ ماقالالار ەنگەن. وندا قالامگەردىڭ ادامي اسىل قاسيەتى ايشىقتالىپ, ءارتۇرلى جانرداعى باي شىعارماشىلىق مۇراسىنا ادەبي-عىلىمي تۇرعىدان تالداۋ جاسالعان. جاڭاشا ىزدەنىسپەن باعا بەرىلگەن. ەڭبەك وقىرمانعا زەينوللا سانىكتىڭ بولمىسى ارقىلى شەتەلدەگى قازاق ادەبيەتى مەن تاريحي تۇلعالار ومىرىنەن تىڭ مالىمەتتەر ۇسىنادى.

ال فولكلورتانۋشى دۇيسەنگۇل جاھاننىڭ «؛حالىق مۇراسىنىڭ جاناشىرى»؛ ەڭبەگىندە زەينوللا سانىكتىڭ ەتنوگرافيالىق-فولكلورلىق مۇراسى العاش رەت جۇيەلى تۇردە تالدانىپ, عىلىمي وي-تۇجىرىمدار, قورىتىندىلار شىعارۋعا تالپىنىس جاسالعان. قازاق رۋحانياتىنىڭ اجىراماس قۇرامداس بولىگى بولىپ سانالاتىن قىتايداعى قانداستارىمىزدىڭ مۇرالارىنىڭ جينالۋ, جاريالانۋ, زەرتتەلۋ جاعدايلارى جونىندە جۇيەلى جۇمىس جۇرگىزگەن ەتنوگرافتىڭ جالپى شىعارماشىلىق بولمىسىنداعى حالىقتىڭ ءداستۇرلى مادەنيەتىنە دەگەن كوزقاراسى تۇڭعىش رەت تۇتاس كەشەندى تۇردە قامتىلىپ, عىلىمي-تانىمدىق تۇرعىدان تالدانادى.

قوس كىتاپ تا زەينوللا سانىكتىڭ ەڭبەكتەرىن ناسيحاتتاۋ, زەرتتەۋ, عىلىمي اينالىمعا ەنگىزۋ, سول ارقىلى ءبىرتۇتاس قازاق ادەبيەتىنىڭ جيناقتالۋى مەن دامۋىنا ۇلەس قوسۋدى كوزدەيدى.

عىلىمي-تاجىريبەلىك كونفەرەنسياعا ەلوردادان, الماتى, اقتوبە, قىزىلوردا, شىمكەنت, سەمەي, تالدىقورعان جانە تاعى باسقا وڭىرلەردەن كەلگەن ادەبيەتتانۋشىلار, ادەبيەت جانە عىلىمي ينستيتۋتتاردىڭ باسشىلارى مەن قىزمەتكەرلەرى, پروفەسسورلار مەن جاس عالىمدار ءتۇرلى تاقىرىپتا مازمۇندى بايانداما جاساپ, جازۋشىنىڭ مىنەزىن, ءبولمىس-بىتىمىن جان-جاقتى اشۋعا تىرىستى.

زەينوللا مۇباراكۇلى سانىك 1935 جىلى قىتايدىڭ تارباعاتاي ايماعىندا دۇنيەگە كەلگەن. بەيجىڭ قالاسىنداعى ورتالىق جاستار ينستيتۋتىن ءبىتىرىپ, ەڭبەك جولىن باسپاگەرلىكتەن باستاعان. ۇرىمجىدەگى جاستار باسپاسىندا جاۋاپتى رەداكتور بولىپ قىرىق جىلداي قىزمەت اتقارعان. 1955 جىلدان باستاپ ادەبي زەرتتەۋ جۇمىستارىن جازا باستاعان. سول ۋاقىتتا قىتايدا جۇرگىزىلگەن «؛مادەني توڭكەرىستىڭ»؛ اۋىر سوققىسىنا ۇشىراپ, «؛حالىق جاۋى»؛ اتانىپ اۋىر كۇندەردى دە وتكەرگەن. 1978 جىلى تولىق اقتالىپ, قىزمەتى قالپىنا كەلتىرىلگەن.

قالامگەردىڭ عىلىمي ەڭبەكتەرىنەن, رومان, پوۆەستەرىنەن قۇرالعان جيىرمادان استام كىتابى جارىق كورگەن. قازاقستاندا «؛قاراكەرەي قابانباي»؛, «؛حاس باتىر قابانباي»؛, «؛تۇعىرىل حان»؛, «؛دەمەجان باتىر»؛, «؛حالىق كۇيشىسى قايراقباي»؛, «؛باسپاي»؛ اتتى كىتاپتارى مەن ەڭبەكتەرى جاريالانعان.

كورنەكتى جازۋشى, ەتنوگراف 2013 جىلدىڭ 26 قىركۇيەگىندە ومىردەن وزدى.