سەنزۋرا كۇشەيەدى. اقپارات مينيسترلىگىنىڭ تۇسىنىكسىز جاۋابى ونى نەگىزدەي ءتۇستى

بيىلدان باستاپ اقپاراتتىق ساياسات سالاسىنداعى ايماقتىق مەملەكەتتىك ساتىپ الۋلاردىڭ (تەندەرلەردىڭ) بارلىعى اۆتوماتتاندىرىلعان www.goszakup.gov.kz سايتىنان "كونۆەرتتىك" جۇيەگە كوشتى. بۇل ءتارتىپ اقپارات جانە قوعامدىق دامۋ مينيسترلىگىندە بۇرىننان قولدانىلىپ كەلەدى.

اتالعان مەحانيزم مەدياساراپشىلار اراسىندا جەمقورلىق ءقاۋپىن ارتتىرىپ, اشىق باسەكەلەستىكتى تۇنشىقتىرادى, ءباسپاسوز قۇرالدارىن تاپسىرىس بەرۋشىگە تاۋەلدى ەتۋگە جول بەرەدى دەپ سىنالىپ ءجۇر.

قامشى پورتالى اقپارات ساياساتىنداعى مەملەكەتتىك تاپسىرىستى مۇنداي تارتىپكە كوشىرۋ سەبەبىن سۇراپ اقپارات جانە قوعامدىق دامۋ مينيسترلىگىنە بىرنەشە ساۋال جولداعان. مينيسترلىك جاۋابىندا كەيبىر ناقتى سۇراقتارعا شۇبالاڭقى, جالپى جاۋاپ بەرىلگەن. ءستيلى تىم رەسمي, قاراپايىم وقىرمانعا ۇعىنىقتى ەمەس, ونىڭ ءتۇسىنىپ, قورىتۋ ءۇشىن الدەنشە رەت وقۋعا تۋرا كەلەدى. اقپارات مينيسترلىگىندە ويدى قازاقشا جاتىق جەتكىزە الاتىن ادام قالماعانى ما؟ وسىنىڭ ءوزى-اق اقپارات ساياساتىنىڭ قۇردىمعا كەتىپ بارا جاتقانىن كورسەتپەي مە؟

ەندى تىكەلەي مينيسترلىك جاۋابىنا كوشەيىك, ول جەردە "كونۆەرتتىك" ؛جۇيەنىڭ ارتىقشىلىعى رەتىندە تومەندەگىلەر كورسەتىلگەن:

- وتاندىق ءوندىرىس ءونىمىن ارتتىرۋ جانە ونىڭ ساپاسىن جاقسارتۋ, سەبەبى تاپسىرىس جەڭىمپازىن ىرىكتەۋدە ايقىنداۋشى كريتەريي كونتەنتتىڭ باعاسى ەمەس, شىعارماشىلىق ۇسىنىس بولىپ تابىلادى؛

- وڭىرلىك باق ءۇشىن دامۋ سەرپىنى؛

- ءوڭىردىڭ الەۋمەتتىك-ەكونوميكالىق الەۋەتىنە باعدارلانعان وڭىرلىك تاپسىرىس ونىمىنە حالىقتىڭ قاناعاتتانۋ دەڭگەيىن ارتتىرۋ.

"goszakup" پورتالىندا جەڭىمپازدى ورىنداۋشىنىڭ ۇسىنعان باعاسى ايقىنداۋشى كريتەريي بولعانى راس. ونىڭ جاعىمسىز دا, جاعىمدى دا تۇستارى بولاتىن.

جاعىمسىز تۇسى &ndash؛ تومەن باعا ۇسىنعان ورىنداۋشى جەڭىمپاز اتانىپ, تاپسىرىستى ساپاسىز ورىنداۋ تاۋەكەلى بار ەدى.

جاعىمدى تۇسىنا ءسوزبايلاسۋ ناتيجەسىندە تەحنيكالىق سيپاتتاماسى بەلگىلى ءبىر مەدياعا ىڭعايلانىپ جازىلعان تەندەرگە تومەن باعا ۇسىنىپ تاپسىرىستى ۇتۋ ارقىلى جەمقورلىق ارەكەتتەرىنىڭ جولىن كەسۋ مۇمكىندىگىن جاتقىزۋعا بولادى. وسىنداي تاسىلمەن جەڭىمپاز اتانعان ورىنداۋشى تاپسىرىس بەرۋشىمەن ءسوزبايلاسپاعاندىقتان وعان كىرىپتار بولمايتىن. جىل سوڭىنا دەيىن تاپسىرىستى جاۋىپ, بولىنگەن قارجىنى يگەرۋگە جەرگىلىكتى اتقارۋشى ورگان دا مۇددەلى بولعاندىقتان, ورىنداۋشىعا قىسىم جاساۋ ماقساتىمەن, ونىڭ جۇمىستارىن قابىلداماي قويۋ تاۋەكەلدەرى كەزدەسپەيتىن دەسە دە ارتىق ايتقاندىق ەمەس.

 ؛

مينيسترلىك جاۋابىندا "وڭىرلىك باق ءۇشىن دامۋ سەرپىنى", ء"وڭىردىڭ الەۋمەتتىك-ەكونوميكالىق الەۋەتىنە باعدارلانعان وڭىرلىك تاپسىرىس ونىمىنە حالىقتىڭ قاناعاتتانۋ دەڭگەيىن ارتتىرۋ" دەگەن پۋنتتەردە ناقتى نەنى مەڭزەگەنى تۇسىنىكسىز. مينيسترلىك بالكىم ەندى تومەن باعا ۇسىنعانى ءۇشىن تاپسىرىستى وزگە ءوڭىردىڭ اقپارات قۇرالى يەمدەنىپ كەتپەيدى, ؛وڭىردىڭ الەۋمەتتىك-ەكونوميكالىق الەۋەتىنە باعدارلانعان شىعارماشىلىق ۇسىنىس ارقىلى ؛تاپسىرىس ءونىمىنىڭ ساپاسى ارتىپ, وعان حالىقتىڭ قاناعاتتانۋ دەڭگەيى جوعارىلايدى دەگەن ويدى جەتكىزگىسى كەلگەن شىعار.

الايدا بۇل ءۇش پۋنكتى دە ؛بۇرىنعى "goszakup" پورتالىنىڭ بازالىق مۇمكىندىكتەرى مەن قوسىمشا كوماندالار ەنگىزۋ ارقىلى ىسكە اسىرۋ ەش قيىندىق تۋدىرمايدى. دەمەك اقپاراتتىق ساياسات سالاسىنداعى مۇنداي قادامعا بۇدان دا ۇلكەن نارسە سەبەپ بولىپ تۇر.

 ؛

مينيسترلىك مالىمەتىنشە, "كونۆەرتتىك" مەحانيزمدەگى جەمقورلىق تاۋەكەلدەرىن تومەندەتۋ, مەملەكەتتىك تاپسىرىستىڭ اشىقتىعىن قامتاماسىز ەتۋ ءۇشىن ۋاكىلەتتى ورگان جانىنان مەملەكەتتىك اقپاراتتىق ساياساتتى قالىپتاستىرۋ ماسەلەلەرى جونىندەگى كەمىندە 7 ادامنان تۇراتىن تاۋەلسىز رەسپۋبليكالىق كوميسسيا جۇمىس ىستەيدى.

"كوميسسيانىڭ قۇرامى كوممەرسيالىق ەمەس ۇيىمدار, باق جانە ءارتۇرلى مەملەكەتتىك ورگاندار وكىلدەرىنىڭ قاتارىنان جاساقتالادى. كوميسسيا مۇشەسىنىڭ رەسپۋبليكالىق جانە وڭىرلىك دەڭگەيلەردە مەملەكەتتىك اقپاراتتىق ساياساتتى جۇرگىزۋگە قاتىسۋعا تىكەلەي نەمەسە جاناما مۇددەلىلىگى بولسا, كوميسسيا مۇشەسى ۇمىتكەرلەردىڭ وتىنىمدەرىن قاراۋعا قاتىسپايدى. بۇل &ndash؛ ءوز كەزەگىندە جەمقورلىق تاۋەكەلدەرى مەن مۇددەلەر قاقتىعىسىن بولدىرماۋعا باعىتتالعان. جەڭىمپازداردى ىرىكتەۋ كوميسسيانىڭ شەشىمى بويىنشا جۇزەگە اسىرىلادى" دەلىنگەن جاۋاپتا.

"مەملەكەتتىك اقپاراتتىق ساياساتتى قالىپتاستىرۋ ماسەلەلەرى جونىندەگى رەسپۋبليكالىق كوميسسيا تۋرالى" ەرەجەگە ساي, كوميسسيا ءتوراعاسى اقپارات سالاسىنداعى ۋاكىلەتتى ورگان ۆەدومستۆونىڭ باسشىسى نە ونى الماستىراتىن ادام بولادى. ياعني كوميسسيا ءتوراعاسى رەتىندە اقپارات جانە قوعامدىق دامۋ مينيسترلىگى نۇسقاۋ بەرە قوعامدىق دامۋ باسقارمالارىنىڭ باسشىسى تاعايىندالادى.

 ؛

دەموكراتيالىق دامۋعا قاراي ۇمتىلاتىن مەملەكەت اقپارات سالاسىندا اشىقتىق, باسەكە, ءسوز ەركىندىگىنە جاعداي جاساۋ, تاۋەلسىز باسىلىمداردىڭ دامۋىنا مۇمكىندىك بەرۋ سەكىلدى پرينسيپتەرمەن جۇرەدى. ال قازاقستانداعى اقپارات ساياساتى كەرىسىنشە, مەيلىنشە جابىق, بيلىكتىڭ مەدياعا ىقپالىن ارتتىراتىن, ءسوز ەركىندىگىن شەكتەيتىن باعىتقا ويىسىپ بارادى.

"شەكاراسىز رەپورتەرلەر" ۇيىمىنىڭ ءسوز بوستاندىعى بويىنشا الەمدىك رەيتينگىندە ؛قازاقستان 180 ەلدىڭ ىشىندە 155-ورىندا ءتۇر. ؛سوز بوستاندىعى كارتاسىندا جاعدايى "ناشار" دەپ باعالانعان.

مەدياساراپشىلار پارلامەنت سەناتىنا كەلىپ تۇسكەن "قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالانىڭ قۇقىعىن قورعاۋ, ءبىلىم بەرۋ, اقپارات جانە اقپاراتتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى قابىلدانىپ كەتسە, ؛سوز بوستاندىعىنى جاعدايى تىپتەن ناشارلاپ كەتەدى دەپ دابىل قاعىپ ءجۇر.

زاڭ جوباسى ەلدە الەۋمەتتىك جەلىلەر مەن مەسسەندجەرلەردى قولدانۋعا شەكتەۋ ەنگىزۋگە مۇمكىندىك بەرەدى. وعان ساي, الەۋمەتتىك جەلىلەر مەن مەسسەندجەرلەر قازاقستان بويىنشا "زاڭدى وكىلدەرىن" تاعايىنداۋعا, سونىمەن قاتار, اقپارات جانە قوعامدىق دامۋ مينيسترلىگى تالاپ ەتكەن كەز كەلگەن كونتەنتتى 24 ساعاتتىڭ ىشىندە وشىرۋگە مىندەتتەلەدى. ەگەر الەۋمەتتىك جەلى مينيسترلىك تالابىن ورىنداماسا, مينيسترلىك جەلىنىڭ "قازاقستان اۋماعىندا جۇمىسىن شەكتەۋگە" قۇقىلى. ماماندار بۇل قادامداردىڭ ارتىندا سەنزۋرانى كۇشەيتۋ مەن الەۋمەتتىك جەلىنى باقىلاۋدى ارتتىرۋ تۇرعانى انىق دەپ سانايدى.