ناتو ۋكراينانى تاياۋ ۋاقىتتا مۇشەلىككە نەگە قابىلدامايدى؟ قازاقستانعا قانداي ءقاۋىپ ءتونىپ تۇر؟

1949 جىلى 4 ساۋىردە 12 مەملەكەت ۇجىمدىق قورعانىس ارقىلى تاۋەلسىزدىكتى سىرتقى كۇشتەردەن قورعاۋ ءۇشىن ارنايى كەلىسىم-شارتقا قول قويدى. بۇل سولتۇستىك انتلانتيكالىق كەلىسىم ۇيىمىنىڭ (ناتو) قۇرىلۋىنا سەبەپ بولدى. قازىرگى تاڭدا بۇل ۇيىمنىڭ قۇرامىندا 30 مەملەكەت بار. ال ناتو-نىڭ باستى ماقساتى نە؟ ۇيىمعا كىرۋدىڭ العىشارتتارى قانداي؟ ۋكراينا ونىڭ قۇرامىنا كىرە الا ما؟ رەسەيدىڭ ۋكرايناعا باسقىنشىلىعىنان قازاقستانعا تونەر قانداي ءقاۋىپ بار, وسى جانە وزگە ساۋالداردىڭ جاۋابىن تومەندەگى ماتەريالدا ىزدەپ كوردىك.

ناتو قانداي ۇيىم, وعان مۇشەلىككە قالاي وتۋگە بولادى؟

ناتو اسكەري-ساياسي ۇيىمىنىڭ ەڭ العاش قۇرىلعانداعى ماقساتى ؛&ndash؛ كەڭەس وداعىنىڭ ىقتيمالدى اگرەسسياسىنان قورعانۋ ەدى. قول قويىلعان سولتۇستىك اتلانتيكالىق كەلىسىم-شارتتىڭ 5-بابىندا ۇجىمدىق قورعانىس جونىندە: «؛وداق مۇشەلەرىنىڭ بىرەۋىنە جاسالعان قارۋلى شابۋىل بارلىعىنا جاسالعانمەن تەڭ»؛ دەپ جازىلعان. وداقتاس مەملەكەتتەر قاجەت بولعان جاعدايدا دەرەۋ كومەك كورسەتۋى قاجەت.

ناتو-عا مۇشە بولعىسى, سولتۇستىك اتلانتيكالىق ايماقتىڭ قاۋىپسىزدىگىنە ۇلەس قوسقىسى, كەلىسىم-شارتتى جۇزەگە اسىرعىسى كەلەتىن كەز كەلگەن مەملەكەتتىڭ بىرنەشە كەزەڭدى ەڭسەرۋىنە تۋرا كەلەدى. وسىعان بايلانىستى ناتو-نىڭ «؛مۇشەلىك ارەكەت جوسپارى»؛ (اعىلشىنشا membership action plan (ماپ)) بار. بۇل ناتو-نىڭ ۇيىمعا مۇشە بولعىسى كەلەتىن مەملەكەتتەردىڭ جەكە قاجەتتىلىكتەرىنە نەگىزدەلە وتىرىپ ازىرلەنگەن كەڭەس بەرەتىن, كومەك پەن قولداۋ كورسەتەتىن باعدارلاماسى. maپ-قا قاتىسۋ &ndash؛ ۇيىمعا بولاشاقتا مۇشەلىك ەتۋ دەگەندى بىلدىرمەيدى.

maپ &ndash؛ ماقساتى انىق جانە ەلدەر اراسىندا كەرى بايلانىستى قامتاماسىز ەتەتىن باعدارلاما. بۇعان ساياسي جانە تەحنيكالىق باعىتتاعى, سونداي-اق ناتو-نىڭ بارلىق مۇشەلەرىمەن بىرگە ناتيجەلەردى باعالاۋعا نەگىزدەلگەن جىل سايىنعى كەزدەسۋلەر كىرەدى. باعدارلاما قاتىسۋشى ەلدىڭ قارسىلاستاردان قانداي ادىستەر ارقىلى قورعاناتىنىنا باسا نازار اۋدارادى.

maپ-قا قاتىسۋ ارقىلى ناتو-عا 2004 جىلى بولگاريا, ەستونيا, لاتۆيا, ليتۆا, رۋمىنيا, سلوۆاكيا جانە سلوۆەنيا كىردى. 1999 جىلدان بەرى maپ مۇشەسى بولعان سولتۇستىك ماكەدونيا رەسپۋبليكاسى 2020 جىلدىڭ ناۋرىزىندا ناتو-عا قابىلداندى. ال قازىرگى maپ قاتىسۋشىلارى &ndash؛ بوسنيا جانە گەرسەگوۆينا. سونىمەن قاتار, ناتو-عا كىرۋ ءۇشىن ءبىرقاتار تالاپتارعا ساي بولۋ كەرەك. سولاردىڭ نەگىزگىلەرى:

• حالىقارالىق داۋلاردى بەيبىت جولمەن شەشۋ؛
• زاڭ ۇستەمدىگى جانە ادام قۇقىقتارى قاعيداتتارىنا ادالدىق تانىتۋ؛
• وزدەرىنىڭ قارۋلى كۇشتەرىنە ءتيىستى دەموكراتيالىق جانە ازاماتتىق باقىلاۋ ورناتۋ؛
• بۇۇ ماقساتتارىنا سايكەس كەلمەيتىن كەز كەلگەن تاسىلدەن &ndash؛ قورقىتۋدان نەمەسە كۇش قولدانۋدان اۋلاق بولۋ؛
• ەۋرواتلانتيكالىق ارىپتەستىك كەڭەسىنىڭ جۇمىسىنا, «؛بەيبىتشىلىك ءۇشىن سەرىكتەستىك»؛ باعدارلاماسىنا جانە ناتو-عا كىرمەيتىن سەرىكتەس ەلدەرمەن ىنتىماقتاستىقتى دامىتۋعا تولىق قولداۋ كورسەتۋدى جانە قاتىسۋدى جالعاستىرۋ؛
• ەكونوميكالىق ەركىندىك, الەۋمەتتىك ادىلەتتىلىك جانە ەكولوگيالىق جاۋاپكەرشىلىك قاعيداتتارىن ۇستانۋ ارقىلى تۇراقتىلىق پەن ءال-اۋقاتتى نىعايتۋعا بەيىمدىلىگىن كورسەتۋ جانە تاعى باسقالارى.

ۋكراينا جانە ناتو

2008 جىلى بۋحارەستتە وتكەن ناتو سامميتىندە وداق ۋكراينا مەن گرۋزيانىڭ ۇيىمعا مۇشەلىككە ۇمتىلۋىن قۇپتاپ, «؛بۇل ەلدەر ناتو-عا مۇشە بولادى»؛ دەپ كەلىستى. ءبىراق ولارعا ناتو-عا كىرۋ بويىنشا ءىس-قيمىل جوسپارى ۇسىنىلمادى.

 ؛

ول كەزدە ۋكراينانىڭ پرەزيدەنتى ۆيكتور يانۋكوۆيچ ەلدىڭ ناتو-عا قوسىلۋىنىڭ قاجەتى جوق دەپ مالىمدەدى. ال 2017 جىلى ۋكراينا پارلامەنتى ناتو-عا مۇشەلىكتى قالپىنا كەلتىرۋ تۋرالى زاڭ قابىلداپ, كونستيتۋسياعا سوعان سايكەس تۇزەتۋلەر ەنگىزدى.

2020 جىلى ۋكراينا ناتو-نىڭ كەڭەيتىلگەن مۇمكىندىكتەر بويىنشا سەرىكتەسى اتاندى.

قازىرگى پرەزيدەنت ۆلاديمير زەلەنسكيي اقپان ايىندا ۋكراينانىڭ ناتو-عا مۇشە بولۋ نيەتىن «؛كونستيتۋسيادا بەكىتىلگەن (جانە) وزگەرىسسىز»؛ دەپ قايتالادى.

ۋكراينانىڭ ناتو-عا كىرۋ مۇمكىندىگى, رەسەيمەن اراداعى سوعىس نەمەن تىنادى؟ رەسەي اگرەسسياسىنىڭ قازاقستانعا قانداي سالدارى بولادى؟ بەلگىلى ساياساتتانۋشى راسۋل جۇمالى وسى سۇراقتار توڭىرەگىندە پىكىر ءبىلدىردى.

&ndash؛ رەسەيدىڭ ۋكرايناعا سوعىس اشۋىنىڭ نەگىزگى سەبەبى نەدە؟

&ndash؛ ءبىزدىڭ كوپشىلىك ازاماتتار بۇعان دەيىن, ءتىپتى ساياسات, حالىقارالىق ساياسات جونىندە قىزىعۋشىلىق تانىتپاعان. سوڭعى كۇندەرى سوعىستىڭ سەبەبىن, ونىڭ سالدارىن, قانداي جاعدايلارعا الىپ كەلگەنىن ءبارى كورىپ تە بايقاپ وتىر عوي. مەنى الەم جۇرتشىلىعىنىڭ عانا ەمەس, سونىمەن قاتار ءبىزدىڭ ەلىمىزدە بۇعان دەيىن پۋتينگە ارقا سۇيەگەن, پۋتينگە ءۇمىت ارتقان ءبىرقاتار ازاماتتاردىڭ, ونىڭ ىشىندە ءورىستىلدى ازاماتتاردىڭ ءجۇز پايىزى بولماسا دا ءبىرازىنىڭ كوزى اشىلعانى قۋانتىپ وتىر. مەنىڭشە, ۋكرايناداعى سوعىستا ماسەلە تەك قانا ۋكراينادا, بۇل جالعىز پۋتيندە نەمەسە ونىڭ بيلىگىندە عانا ەمەس. قازىرگى رەيتينگتەر بويىنشا ءپۋتيندى جاقتاۋشى رەسەي ازاماتتارىنىڭ سانى 50%-دان اسادى. بارلىعىن قۇرتقان, ايانىشتى جاعدايعا جەتكىزگەن جالعىز پۋتين ەمەس. بۇرىنعى كەڭەس وداعىن, باياعى ۇلىلىقتى اڭساۋ &ndash؛ قازىرگى پوستيمپەرلىك رەسەي قوعامىنداعى كەسەل. سودان ارىلا الماي وتىرعان جاعدايىنىڭ كورىنىسى. ۋكراينا &ndash؛ بۇرىنعى كەڭەس وداعىن قۇرامىز, رەسەي يمپەرياسىن قايتا جانداندىرامىز دەگەندەگى كرەملدىڭ ءبىرىنشى قادام عانا. بۇل &ndash؛ جەكە مەنىڭ عانا ويىم ەمەس, كوپتەگەن ءبىزدىڭ دە, شەت ەلدەرىڭ دە بەلدى ساراپشى, ساياساتتانۋشىلارىنىڭ العا تارتىپ وتىرعانى. ءقازىر سوعىس ارەكەتتەرىندە باتىس ەلدەرىنىڭ ۋكرايندىقتارعا كومەك كورسەتۋى, سانكسيالىق سوعىس جاريالاۋى, قارۋ-جاراق جەتكىزىپ بەرۋى, قارجىلاي كومەك بەرىپ جاتقانى, ۋكراينا حالقىنا دەگەن دەمەۋشىلىك قانا ەمەس, ادامگەرشىلىك قول ۇشىن سوزۋ. سونىمەن قاتار بۇل جەردە ء«؛پۋتيندى ۋكراينا جەرىندە توقتاتپايتىن بولساق, ونىڭ ارتى «؛بۇعا بەرسەڭ, سۇعا بەرەدى»؛ دەگەنگە كەلەدى»؛ دەگەن تازا ساياسي ەسەپ بار. سوندىقتان رەسەي تاراپى باياعى كەڭەس وداعىن كۇشپەن, قارۋمەن قالپىنا كەلتىرۋ, پوستيمپەرلىك ۇلىلىق, الىپشىلدىق ساياساتىن ۇستانۋى سوعىسقا اكەلىپ سوعىپ وتىر.

&ndash؛ سىزدىڭشە, سوعىستا كىم جەڭەدى؟

&ndash؛ كورىپ وتىرعانىمىزداي, رەسەي وڭباي قاتەلەستى. ءوزىنىڭ ءالىن دۇرىس باعالاي المادى, ۋكرايندىقتاردى قارسىلاس مەملەكەت رەتىندە كورمەدى, ونداي مەملەكەت بار ەكەنىن مۇلدە مويىنداعان جوق. ەندى ءوزى مويىنداماعان, ءوزى «؛جوق»؛ دەپ ساناعان مەملەكەتتەن كادىمگىدەي «؛تاياق جەپ»؛ وتىر. سوعىس قاشان اياقتالاتىنى بەلگىسىز. ونى تاپ باسىپ ەشكىم ايتا المايدى. ءبىراق سوعىس اياقتالماي تۇرىپ-اق ءپۋتيننىڭ, رەسەي فەدەراسياسىنىڭ ۇزىلدى-كەسىلدى جەڭىلگەنى انىق.

&ndash؛ ؛قازىر ۋكراينانىڭ ؛ناتو-عا مۇشەلىك ەتۋ ماسەلەسى تالقىلانىپ جاتىر. بۇل قازىرگى ۋاقىتتا مۇمكىن بە؟ ۋكراينا قانداي تالاپتاردى ورىنداۋعا ءتيىس؟ جالپى بۇعان ناتو مۇددەلى مە؟

&ndash؛ ۋكراينا 2014 جىلى قىرىمنان, دونباسستان ايىرىلىپ قالعاننان كەيىن, ناتو-عا كىرۋدى تەزدەتۋگە تىرىسىپ جاتىر. ويتكەنى ءوزىنىڭ قاۋقارى, الەۋەتى رەسەي سياقتى الىپ مەملەكەتكە قارسى تۇرۋعا جەتىڭكىرەمەيتىنىن بىلەدى. ؛ناتو ءقازىر ۋكراينانى قابىلداعىسى كەلمەيدى. ونىڭ بىرنەشە فورمالدى نۇسقاسى بار:

بىرىنشىدەن, قىرىم, دونباسس بويىنشا سوعىس جاعدايىندا وتىرعان مەملەكەت.

ەكىنشىدەن, رەسەيدەي يادرولىق مەملەكەتپەن قاقتىعىسقا تۇسكىسى كەلمەيدى. بۇل ماسەلەدە سەسكەنگەندىكتەن 2022 جىلعا دەيىن سوزىپ كەلدى, ءالى دە سوزاتىن ءتۇرى بار. ءبىراق وسى سوعىس كۇندەرى ءبىز, ناتو-دان, باتىستان بەلگىلى ءبىر دارەجەدە ۋكراينانىڭ دا كوڭىلى قالعانىن كورىپ وتىرمىز. كومەك كورسەتىپ جاتىر, ءبىراق قولىنان كەلەتىندەي دەڭگەيدە ەمەس. بۇعان ۇيىمعا كىرگەننەن گورى, ء«؛وزىمىزدى ءوزىمىز قورعايمىز»؛ دەگەن زەلەنسكييدىڭ بىرنەشە مالىمدەمەسى دالەل. ءقازىر رەسەيمەن كەلىسسوزدەر ءجۇرىپ جاتىر جانە زەلەنسكيي مەن پۋتين كەزدەسەدى دەگەن دە پايىمداۋلار بار. ؛

&ndash؛ سوعىس جاعدايىندا, اسىعىس تۇردە ەلدىڭ ناتو-عا كىرىپ كەتۋى مۇمكىن بە؟ باتىس ەلدەرى وعان جول بەرە مە؟

&ndash؛ سوڭعى كۇندەرى ناتو جاعى دا, ۋكراينا دا بۇنى ايتارلىقتاي كوتەرىپ جاتقان جوق. ياعني ؛ناتو-عا مۇشەلىك ماسەلەسى مۇلدە تالقىلانىپ جاتقان جوق دەسە بولادى. ؛

نەگىزىنەن تالقىلانىپ جاتقانى &ndash؛ ەۋرووداققا مۇشە بولىپ كىرۋ. بۇل &ndash؛ وركەنيەتتىك ۇيىم. تازا اسكەري كومەگى بولماعانىمەن, اجەپتاۋىر قولعابىس. الەۋمەتتىك-ەكونوميكالىق ارتىقشىلىقتارى بار. ارينە, ناتو سياقتى ء«؛بىزدىڭ بىرەۋىمىزگە كەلىپ تيىسەتىن بولسا, باسقالارىمىز بولىسامىز»؛ دەگەن تىكەلەي ۋاعدالاستىق, العىشارت جوق. ايتكەنمەن ءبىر وركەنيەت بولعاننان كەيىن, ەگەر ءبىر ەلگە تيىسسە قالعاندارى دا شاما-شارقىنشا كومەكتەسەتىنى نازارعا الىنىپ وتىر. سوندىقتان ءقازىر, كوبىنە كيەۆتىڭ قوزعاپ جاتقانى ناتو-دان گورى ەۋرووداققا مۇشەلىككە ەنۋ. ۇيىمعا تەزدەتىپ ۋكراينانى قابىلداۋ وتە قىزۋ تالقىلانىپ جاتىر. ەۋروپا ەلدەرىنىڭ باسشىلارى, سىرتقى ىستەر مينيسترلەرى جاقىندا فرانسيا, ۆەرسالدا باس قوستى. ءدال وسى ماسەلەنى تالقىلادى, دەگەنمەن, شەشىمگە كەلگەن جوق. سەبەبى ءالى دە سول رەسەيدەن سەسكەنۋ بايقالادى.

ەۋرووداققا ەنۋدىڭ ءوزى ءبىر ۋاقىتتا قابىلدانا سالاتىن شەشىم ەمەس. ونىڭ ءوزىنىڭ كوپتەگەن تالاپتارى بار: بيۋدجەتى بەلگىلى بولۋى كەرەك, جۇمىسسىزدىق دەڭگەيى, جەمقورلىقتىڭ دەڭگەيى وتە تومەن بولۋى قاجەت. كەرىسىنشە, نارىقتىق ەكونوميكانىڭ دەڭگەيى جوعارى بولۋعا ءتيىس. وسى ستاندارتتاردان ءوتىپ بارىپ قانا, ءتيىستى مەملەكەت مۇشە بولا الادى. كەي مەملەكەتتەر كەزىندە 10-15 جىل ءتيىستى دايىندىقتاردان ءوتتى. مىسالى: تۇركيا جەتپىسىنشى جىلداردان بەرى, ەۋرووداققا كىرەم دەپ ۇمتىلدى. ەلۋ جىل بولدى, ءالى ستاندارتتارىنا كوتەرىلە الماي وتىر. سوندىقتان بۇل &ndash؛ وتە ۇزاققا سوزىلاتىن شارۋا. ەندى ەۋروپادان كيەۆتىڭ سۇراپ وتىرعانى: «؛بىزگە وسى پروسەدۋرانىڭ ءبارىن تەزدەتىپ ىستەسەڭىزدەر, ارينە ءبارى ءبىر كۇندە بولا سالمايتىنى تۇسىنىكتى. ءبىر داۋىس بەرۋمەن شەشىلىپ كەتپەيدى, ءبىراق سول پروسەدۋرانى تەزدەتىپ, باسقالارعا بەس جىل دەسەڭىزدەر, ءبىزدى بەس ايدىڭ ىشىندە اينالدىرىپ جىبەرىڭىزدەر»؛ دەپ وتىر. ەۋروپا ءقازىر ءبىر تۇشىمدى ويعا كەلمەدى. سوڭعى ۆەرسالداعى كەزدەسۋ سونى كورسەتتى. ەۋروپانىڭ ەسكى مەملەكەتتەرى: گەرمانيا, فرانسيا ءالى دە رەسەيگە قارايلاپ وتىر.

&ndash؛ ۋكراينا مىسالىن باسشىلىققا الىپ, رەسەيدەن قازاقستانعا تىكەلەي ءقاۋىپ ءتونىپ تۇرعانىن ايتاتىندار از ەمەس. سىزدىڭشە, قازىرگى ۋاقىتتا ونداي پىكىردىڭ جانى بار ما؟

&ndash؛ رەسەيدىڭ ۋكرايناعا ءتىس باتپاي, ونى باعىنىشتى ەتۋ پيعىلى كەلمەسكە كەتسە, «؛ەندى قالعانىن جيناي باستايىق»؛ دەسە ارينە, ءبىرىنشى كەزەكتە ويعا قازاقستان كەتەنىنى انىق. الايدا بۇل ماسەلە ءوزىنىڭ وزەكتىلىگىن 24 اقپانعا دەيىن ساقتاپ كەلدى. 24 اقپاندا رەسەيدىڭ قانداي مەملەكەت ەكەنىنە الەمنىڭ باسىم كوپشىلىك مەملەكەتتەرى كوز جەتكىزدى. گرۋزياداعى, قىرىمداعى, دونباسستاعى, سيرياداعى قىلمىستارىنا شىدادى, قانشا رەت كوز جۇمدى. ءقازىر ەڭ سوڭعى شەگىنە جەتتى. رەسەيگە ەكونوميكالىق اشىق سوعىس جاريالاندى. «؛بۇل سوعىستان رەسەي امان-ەسەن شىعادى»؛ دەگەنگە مەن ءوز باسىم ۇلكەن كۇمانمەن قارايمىن. رەسەي ساراپشىلارى, ەكونوميستەرىنىڭ باسىم بولىگى «؛رەسەي شەكاراسىن ساقتاپ قالا ما, ساقتاپ قالا الماي ما؟»؛ دەگەندى ويلاۋدا. ۋكراينادان جانە ونى قولداپ شىققان حالىقارالىق قاۋىمداستىقتان رەسەيلىك رەجيم «؛ورنىنان تۇرماستاي»؛ وتە قاتتى سوققى الدى. سانكسيالار بىر-ەكى كۇندە ناتيجە بەرە قويمايدى, بۇل ۇزاققا بارادى. سول بىرنەشە ايدىڭ ىشىندە رەسەيدىڭ يمپەرلىك مۇددەلەرىنەن, مەنىڭشە كوپ نارسە قالا قويمايدى. مەيلى كوڭىلدەرى, دامەلەرى قالاتىن شىعار, ءبىراق ءقازىردىڭ وزىندە وعان جەتكىزەتىن مۇمكىندىكتەرىنەن ايىرىلدى. رەسەي ءۇشىن قازىرگى نەگىزگى ماسەلە ؛&ndash؛ بارىن ساقتاپ قالۋ بولىپ تۇر.

&ndash؛ رەسەيگە سالىنعان ساكسيادان قانداي سالدار بولۋى مۇمكىن؟

&ndash؛ بۇل &ndash؛ ءقازىر وتە وتكىر ماسەلە بولىپ ءتۇر. ؛بىز وسى جايىندا ويلانۋىمىز كەرەك. ءبىز سانكسيانى اينالىپ وتەتىن جولداردى ۇسىنىپ, قىتايدىڭ تاۋارلارىن جەتكىزىپ, رەسەيگە كومەكتەسەتىن بولساق, ەۋرازيالىق ەكونوميكالىق وداق نەمەسە ودكب ارقىلى ءتۇرلى جەڭىلدىكتەرگە بارساق, بۇل ؛&ndash؛ ءبىز ءۇشىن ۇلكەن پروبلەماعا اينالادى. تىكەلەي شىعىندارى بار. جاناما باتىستىڭ سانكسيالارىنا ۇرىنۋىمىز مۇمكىن. بۇل ءبىرىنشى سالدار.

ەكىنشى, رەسەيلىكتەر ءۇشىن الەمنىڭ جارتىسى, شەكارالار جابىلعاندىقتان, ۇشاقتار قاتىنامايدى, ۆيزالار بەرىلمەيدى. رەسەيدەن تالاي ازامات قاشىپ جاتىر. رەسەي ءۇشىن اشىق بىرنەشە مەملەكەت قانا بار: گرۋزيا, تۇركيا. سونىڭ ءبىرى &ndash؛ قازاقستان. قازاقستاندا ولار نە ىستەيدى؟ ءوزىمىزدىڭ جاعدايىمىز وڭىپ تۇرعانى شامالى, ەكى-اق اي بۇرىن قاڭتار وقيعاسى بولدى. رەسەي ازاماتتارىنى ڭاعىلۋى جىعىلعانعا جۇدىرىق بولادى. ولار ءجۇز مىڭداپ, ميلليونداپ كەلسە, سونىڭ ءوزى قىسىم. ال ولاردىڭ كىم ەكەنى, قانداي ويلارمەن كەلەتىنى بەلگىلى. كوپىشىلىگى &ndash؛ ءپۋتينشىل. بۇل بىزگە تۇستەتىن الەۋمەتتىك-ەكونوميكالىق سالماق. ولارعا جۇمىس كەرەك بولادى, ولار تۇرعىن ءۇي ساتىپ الادى. تۇرعىن ءۇي ساتىپ الا باستاسا, ءۇي باعالارى قىمباتتاپ كەتەدى. ونسىز دا جۇمىس ورىندارى تاپشى وڭىرلەردى جۇمىسسىزدىق جايلايدى. وعان قوسا قىلمىستىق ماسەلەلەر, ۇلتارالىق ماسەلەلەر, قاۋىپسىزدىك ماسەلەلەرى بار. ەكىنشى سالدارى وسى.

تاعى ءبىر ماسەلە &ndash؛ رەسەي ءرۋبلى قۇلاپ جاتىر. رەسەيدىڭ وزىندە تاپشىلىق, باعانىڭ قىمباتتاۋى ءجۇرىپ جاتىر. ءقازىردىڭ وزىندە شەكارالاس ايماقتاردان رەسەيلىكتەر كەلىپ, ءبىزدىڭ دۇكەندەردىڭ بارلىعىن بوساتىپ كەتۋدە. سەبەبى وزدەرىندە بىزدەن الدە قايدا قىمبات. بۇل قايتا ازىق-تۇلىك داعدارىسىنا, نە بولماسا باعانىڭ شارىقتاۋىنا الىپ كەلۋى ابدەن ىقتيمال.

قازىرگى ۋاقىتتا وسىنداي ماسەلەلەردى كوبىرەك ويلاناۋىمىز كەرەك. ؛

رۇستەم ايتكارىم