01 ناۋرىز, 2022 ەكونوميكا
ايبار ولجاەۆ/فوتو: اشىق دەرەككوز
كوپ سۇراقتار كەلدى. ليچكا جارىلدى. نەگە ۇندەمەيسىڭ دەپ جازدى.
ديسكلەيمەر: گلوبالدى تۇرعىدا قازاقستان ءۇشىن جاعداي جامان ەمەس
ۇلتتىق بانك ينتەرۆەنسياسى بار, فۋندامەنتالدى فاكتورلار بار: تەڭگە دوللارعا شاققاندا 500 دەڭگەيىنە قوندى. ارينە, ءبىز ۇيرەنگەن 440-تان جوعارى, ءبىراق ۇلتتىق بانكتىڭ وسى جولى جاساعان اقشا-نەسيە ساياساتى وتە جوعارى دەڭگەيدە بولدى.
ەندى نە بولادى؟
بىزدە جالپى رۋبلگە بايلانا بەرمەۋ بويىنشا ناقتى شەشىم قابىلداعانى دۇرىس بولدى. ەستەرىڭىزدە بار شىعار, كەزىندە رۋبل 3 تەڭگە بولىپ كەتىپ, ەل ازاماتتارى رەسەيدەن ءۇي, كولىك, تۇرمىستىق تەحنيكا الۋعا ۇمتىلىپ, وعان اۆتوسالوندار, قۇرىلىس كومپانياسىن ۇستاپ وتىرعان بىزدەگى وليگارحيالىق توپتار قارسى قادام جاساپ, بيلىكتى رۋبل 5-6 تەڭگە پاريتەتىندە ۇستاۋ بويىنشا بايلاپ قويعان ەدى. وليگارحيا جويىلعاندىقتان, وسى پاريتەتتى ۇمىتۋ كەرەك.
بىر سوزبەن ايتقاندا, سىماعۇلوۆ پەن لاۆرەنتەۆ ءۇشىن بۇكىل حالىقتىڭ كەدەيلەنۋىن توقتاتۋىمىز كەرەك جانە ونى ەندىگى اقوردا وتە جاقسى ءتۇسىنىپ وتىر.
ەندى ءرۋبلدىڭ ەسكى پاريتەتىنە بايلانىپ قالۋعا بولمايدى. مەيلى 1 رۋبل 1 تەڭگە بولسىن, ءبىراق قازاقستاندىقتار رەسەيدەن زات ساتىپ الادى دەپ ۋايىمداپ, لوببي قوسىپ, اقوردانى شابۋىلداۋدىڭ قاجەتى جوق. قازىرگى رەسەيدەن ەشكىم ەشتەڭە المايدى, جانە رەسەيدىڭ (حالقى, اۆتوسالوندارى, قۇرىلىس كومپانيالارى) ەشكىمگە قازىرگى باعامەن ەشتەڭە ساتپايدى.
تەڭگەگە قولداۋ كورسەتەر مىقتى فاكتور - مۇناي باعاسى. قازاق مۇنايىنا سانكسيا سالىنعان جوق. سوندىقتان ءرۋبلدى تەڭگەدەن اجىراتۋ جاقىن كۇندەردىڭ شارۋاسى بولۋى ءتيىس. ەكسپورتتى قورعاۋ, ات توبەلىندەي توپتى تىڭداۋعا ءدال ءقازىر ستراتەگيالىق تۇرعىدان بولمايدى. قۇلايتىن ەكسپورت قۇلاي بەرسىن, ءبىراق تەڭگە باعامىن بۇكىل حالىقتىڭ قالتاسى ءۇشىن رۋبلدەن اجىراتىپ الۋ وتە قاجەت.
جالپى ەلىمىزدىڭ جاعدايى جامان ەمەس. بۇل جاعدايدا قازاقستان وتە جەڭىستى دەڭگەيدە. سانكسياداعى بۇكىل رەسەي بيزنەسى قازاقستان دەسە اۋزىنان سۋى اعا باستادى. مفسا-عا كەزەككە تۇرارى ءسوزسىز. تەك, وسىنى ەكونوميكالىق تۇرعىدان ۇتىمدى پايدالانا بىلەيىك. تەڭگە ءدال وسى جاعدايدا بولاشاعى مىقتى ۆاليۋتا. جانە ۇلتتىق بانك ونى جاقسى ءتۇسىنىپ وتىر.
ايبار ولجاەۆ
ەكونوميست
facebook پاراقشاسىنان
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر