فوتو: qamshy.kz
الماتىدا قاڭتار وقيعاسىنان بەرى 40 كۇن وتۋىنە بايلانىستى بەيبىت ميتينگ تۇرىندە قارالى جيىن ءوتتى. رەسپۋبليكا الاڭىنا ساياساتكەر, بەلسەندى, قاراپايىم ادامدار, قاڭتارداعى تراگەديادا قازا تاپقانداردىڭ, قاماۋدا وتىرعانداردىڭ جاقىندارىنان تۇراتىن بىرنەشە جۇزدەگەن ادام جينالدى.
الاڭ ماڭىندا وسىعان دەيىنگى بەيبىت ميتينگتەردەگىدەي ينتەرنەت ىستەمەدى. پوليسيا قىزمەتكەرلەرى, ازاماتتتىق كيىم كيىپ, بەتتەرىن تۇمشالاپ, ۆيدەو ءتۇسىرىپ جۇرگەندەر دە كوپ. تەك ساتباەۆ كوشەسىنىڭ بويىندا قوزعالىس شەكتەلمەگەن. پوليسيانىڭ ارنايى جاساعى كورىنبەيدى. الاڭعا قارسى بەتتە تۇرعان قاڭتارداعى حالىق نارازىلىعىنان كەيىنگى جاپپاي تارتىپسىزدىك كەزىندە ورتەنگەن قالالىق اكىمشىلىگى عيماراتى ماتامەن جابىلعان.
؛
قارالى ميتينگكە كوپتەگەن وپپوزيسيا وكىلدەرى كەلدى. ولاردىڭ قاتارىندا ازاماتتاردى وسى جيىنعا العاش بولىپ شاقىرعان تىركەلمەگەن دەموكراتيالىق پارتيا وكىلدەرى مەن جاقتاستارى, ؛بالتاش تۇرسىنباەۆ, ەرمۇرات باپي, رىسبەك سارسەنبايۇلى, ەركىن راقىشەۆ سىندى بەلسەندىلەر بار. كاسىپكەر بولات ءابىلوۆ, سوڭعى ۋاقىتتا بيلىكتى سىناپ جۇرگەن ؛"ەل تىرەگى" قوزعالىسىنىڭ جەتەكشىسى نۇرجان ءالجانوۆ, ؛جالپىۇلتتىق سوسيال دەموكراتيالىق پارتياسى ءتوراعاسىنىڭ ورىنباسارى تازابەك سامبەتباي, ارنايى ماڭعىستاۋ وبلىسىنان كەلگەن بىرنەشە ازامات سول جەردەن تابىلدى. سونداي-اق ؛حاق (حالىققا ادال قىزمەت) قوزعالىسىنىڭ جەتەكشىسى توعجان قوجاليەۆا, "ويان, قازاقستان" قوزعالىسىنىڭ وكىلدەرى, قالەلحان ءادىلحان, حاسەن قوجاحمەت سەكىلدى جەلتوقسان وقيعاسىنىڭ قاتىسۋشىلارى, قۇقىققورعاۋشى عالىم اعەلەۋوۆ, ساياساتتانۋشىلار دوسىم ساتپاەۆ, سانجار بوقاەۆ, جۋرناليست سەرىك اباس-شاح الاڭدا توبە كورسەتتى.
جينالعاندار "حالىق تەرروريست ەمەس" دەپ جازىلعان ۇلكەن پلاكات ۇستاپ تۇردى.
مونۋمەنت قابىرعاسىنا قاڭتار تراگەدياسىندا قازا تاپقانداردىڭ اق قاعازعا قىزىل سيامەن جازىلعان بەيرەسمي ءتىزىمى ىلىنگەن.
الاڭداعى انسامبل قۇرىپ تۇرعان كەيبىر ەسكەرتكىشتەردە وقتىڭ ىزدەرىنە ۇقساس ويىقتار بار.
قاڭتار وقيعاسى كەزىندە كۋاگەرلەر الاڭدا اتىس بولعاندا وسى ەسكەرتكىشتەرگە جاسىرىنعانىن ايتقان.
جيىن تاۋەلسىزدىك ەسكەرتكىشىنىڭ الدىندا قاڭتار وقيعاسى كەزىندە قازا تاپقان ادامداردىڭ ءارۋاعىنا قۇران باعىشتاۋمەن, جەتىنان تاراتۋمەن باستالدى.
ارتىنشا جينالعاندار كەزەك-كەزەك ءسوز الىپ, بيلىككە تالاپتارىن جەتكىزدى.
ساياساتتا توپ بولىپ, جالعىز-جارىم جۇرگەندەردىڭ تالابى نەگىزىنەن ۇقساس بولدى. ولاردىڭ قاتارىندا ؛"قاماۋدا وتىرعان جازىقسىز ادامداردى بوستاندىققا شىعارۋ", "قاماۋداعىلاردى ازاپتاۋ فاكتىلەرىن توقتاتىپ, ازاماتتاردى ازاپتاعانداردىڭ, حالىققا وق اتقانداردىڭ ۇستىنەن قىلمىستىق ءىس قوزعاۋ", ىشكى ىستەر ءمينيسترى ەرلان تۇرعىمباەۆتى وتستاۆا جىبەرۋ, قىلمىستىق ءىس قوزعاۋ", "توقاەۆتىڭ, نازارباەۆتىڭ ۇستىنەن قىلمىستىق ءىس قوزعاۋ, پارلامەنتتى وتۆتاۆكاعا جىبەرۋ" سەكىلدى تالاپتار ءجيى ايتىلدى. اسىرەسە قاماۋداعىلاردى بوساتۋ تۋرالى تالاپ ايتىلعاندا الاڭداعى ادامدار حورمەن "قاماۋداعىلارعا بوستاندىق, بوستاندىق, بوستاندىق" دەپ ۇرانتادا تۇسەدى.
كاسىپكەر بولات ءابىلوۆ الماتىداعى نازارباەۆ داڭعىلىن "قاڭتار" دەپ اتاۋدى ۇسىنىپ, سويلەپ جاتقاندا بەلگىسىز ايەل "بۋتيا, ءبىزدىڭ كۋپونىمىز قايدا؟" دەپ ايقايلادى. جينالعاندار ول "ارانداتۋشى" دەپ ونىڭ ءسوزىن ەستىرتپەدى.
"جالپىۇلتتىق سوسيال دەموكراتيالىق پارتياسى ءتوراعاسىنىڭ ورىنباسارى تازابەك سامبەتباي وپپوزيسيالىق كۇشتەردى بىرىگۋگە شىقىرىپ, بىرنەشە ادام داۋىستاپ, قولدايتىنىن ءبىلدىرىپ جاتتى.
دەموكراتيالىق پارتيا باستاماشىل توبىنىڭ جەتەكشىسى جانبولات ماماي قاڭتار وقيعاسى كەزىندە قازا تاپقاندارعا ەسكەرتكىش قويىپ, ولار "حالىق قاھارمانى دەپ تانىلسىن", "قازا تاپقانداردىڭ جانۇياسىنا مەملەكەت قامقورلىق تانىتىپ, وتەماقى تولەسىن" دەگەن تالاپ قويدى. 90 جىلدارداعى جەكەشەلەندىرۋ ءجون جوسىقسىز جۇرگىزىلگەنىن ايتىپ, مەملەكەت ءار ازاماتقا ديۆيدەنت تولەۋى كەرەكتىگىن ايتتى.
سونداي-اق ول ؛بىرنەشە ساياسي تالاپ قويدى.
&ndash؛ ساياسي قوزعالىستار, ۇيىمدار تىركەلسىن. قازاقستان ۇقشۇ سەكىلدى ەلگە شەتەل اسكەرىن كىرگىزۋگە جول بەرەتىن كەلىسىمدەردەن شىقسىن, ولاردىڭ كۇشى جويىلسىن. قازىرگى دەپۋتاتتاردى پارلامەنتتەن قۋۋى كەرەك تە, قايتادان, پارلامەنت, پرەزيدەنت سايلاۋىن وتكىزۋ كەرەك, ؛&ndash؛ دەگەن ول حالىق بەيبىت ءتۇردى تالابىن قويىپ وتىرۋى كەرەكتىگىن, ايتپەسە "بيلىك قازاقستاندى تاعى دا قانعا بوكتىرەدى" دەدى.
وپپوزيسيالىق بەلسەندى ارتىنشا الاڭعا الماتى قالاسىنىڭ اكىمى ەربولات دوساەۆتىڭ كەلۋىن, ازالى حالىققا كوڭىل ايتىپ, كەشىرىم سۇراۋىن تالاپ ەتتى. ول كەلمەيتىنشە, ەشقايدا كەتپەيتىندەرىن جەتكىزدى.
تاۋەلسىزدىك مونۋمەنتىنىڭ الدىندا وسىلايشا تالاپتار ايتىلىپ جاتقاندا ەسكەرتكىشتىڭ ارتىندا قاڭتار وقيعاسىنان قازا تاپقانداردىڭ قۇرمەتىنە جەرگە اق قاعاز توسەلىپ, ونىڭ ۇستىنە الما قويىلعان پەرفومانس ۇيىمداستىرىلدى.
ال الاڭنىڭ الدىڭعى جاعىندا ميتينگكە شىققاندار كەزەكپەن سويلەۋىن جالعاستىرىپ جاتتى. الايدا قالا اكىمى جينالعاندارعا كەلمەدى. ونىڭ ورنىنا قالا پروكۋرورىنىڭ ورىنباسارى نازارباي يبرايمولداەۆ پەن قوعامدىق دامۋ باسقارماسىنىڭ باسشىسى ايدار ەسەنبەكوۆ شىعىپ, ازاماتتاردى تاراۋعا شاقىردى. ؛
جينالعاندار تاماققا, پالاتكاعا ورتادان اقشا شاعىرىپ, ەرتەڭگە دەيىن ميتينگىلەتەتىندەرىن ءمالىم ەتتى. سالدەن كەيىن الاڭدا تۇرعاندارعا تاماق اكەلۋگە كەتكەن ءۇش ادامدى پوليسيا ۇستاعانى حابارلانىپ, الاڭداعىلار ولاردى بوساتۋدى تالاپ ەتتى. پروكۋراتۋرا قىزمەتكەرلەرى ازاماتتار تاراۋعا كەلىسكەن جاعدايدا ۇستالعان ءۇش ادامدى جىبەرەتىنىن ءمالىم ەتتى. ەكى تاراپ كەلىسىپ, ۇزاماي ۇستالعان 3 ازامات الاڭعا جەتكىزىلدى.
جينالعاندار قاڭتار وقيعاسى بويىنشا قاماۋدا وتىرعان ازاماتتارعا سوت سانكسيالاعان 2 اي مەرزىمى ىشىندە شەشىم شىقپاسا, 20 كۇننەن كەيىن قايتادان ميتينگكە شىعاتىندارىن ءمالىم ەتتى.
پروكۋراتۋرا قىزمەتكەرلەرى قازا تاپقاندار مەن قامالعانداردىڭ جاقىندارىنان ارىز قابىلداۋعا ءازىر ەكەنىن حابارلادى. ؛نازارباي يبرايمولداەۆ ديالوگ قۇرۋ ءۇشىن 10 ادامنان تۇراتىن توپ قۇرۋدى ۇسىندى, ازاماتتار وعان كەلىستى.
وسىلايشا ءتورت ساعاتقا جۋىق ۋاقىتقا سوزىلعان بەيبىت جيىن اياقتالىپ, ادامدار بىرتىندەپ تاراي باستادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر