• usd 477.98

  • eur 488.93

  • rub 7.93

  • cny 70.82

08 تامىز, 04:43:58
الماتى
+21°

قاڭتار وقيعاسىنان كەيىن ۇستالىپ, ءتۇرلى ايىپ بويىنشا تەرگەلىپ جاتقان ادامداردىڭ جاعدايىن, ولاردىڭ تەرگەۋ يزولياتورلارىندا كورىپ جاتقان ازابىن كوپشىلىككە جەتكىزۋ, ۇستالعانداردىڭ جاقىندارىنا قولداۋ كورسەتۋ ماقساتىندا "تامشى" الەۋمەتتىك قايىر قورى قۇرىلىپ, جۇمىسىن باستاپ كەتتى. قوعامدىق نەگىزدەگى قوردى قۇرۋعا باقىتجان قوسبارماقوۆ, ماحمۇت قوسمامبەتوۆ, گۇلايىم سيازباي ؛سەكىلدى جۋرناليست, بەلسەندىلەر باستاماشىل بولعان.

باقىتجان قوسبارماقوۆ قور قۇرۋعا قاڭتار وقيعاسىنان كەيىنگى جاعدايلار ماجبۇرلەگەنىن, قوعامدىق ۇيىم ماقساتى قاماۋدا نەگىزسىز وتىرعان ادامداردىڭ جاقىندارىنا ماتەريالدىق, مورالدىق, زاڭدىق كومەك كورسەتۋ ەكەنىن ايتادى. قور قامالىپ, ازاپتالىپ جاتقان ادامدار, زارداپ شەككەن وزگە دە ازاماتتار تۋرالى اقپاراتتى جيناپ, ولاردى جاريالاۋ ارقىلى ماسەلەگە قوعام نازارىن اۋدارىپ, جاعدايعا قاندايدا ءبىر وڭ ىقپال ەتۋدى كوزدەيتىنىن جەتكىزدى.

جۋرناليستىڭ سوزىنشە, بۇگىندە "تامشى" قورىنا ون شاقتى ادام جۇگىنىپ ۇلگەرگەن. كوپشىلىگىنىڭ تۋىسى قاڭتار وقيعاسىنان كەيىن ءتۇرلى ايىپ تاعىلىپ, قاماۋدا وتىر. جۇگىنگەن ءار ادامنىڭ ايتقاندارى ۆيدەوعا ءتۇسىرىلىپ, الەۋمەتتىك جەلىگە سالىنادى. مالىمەتتەر قاتتالىپ دەرەكتەر, اقپاراتتار جينالادى.

 ؛

&ndash؛ الماتى وبلىسى ەڭبەكشىقازاق اۋدانى قازاقستان, اششىبۇلاق اۋىلىنىڭ 5 تۇرعىنىنا قاتىستى قىلمىستىق ءىس قوزعالعان. ولار ءنۇرالى ەرجان, نۇرشات ەرجان دەگەن اعايىندى جىگىتتەر مەن ولاردىڭ فارحات اشيروۆ, نۇربولات سماعۇلوۆ, باقتيار تايشەۆ اتتى دوستارى. بۇل جىگىتتەر ءقازىر الماتىداعى ۇقك تەرگەۋ يزولياتورىندا جاتىر. بەسەۋىنە دە قىلمىستىق كودەكستىڭ 287-بابى 4-تارماعى بويىنشا "قارۋ تاسىمالدادى" دەگەن ايىپ تاعىلعان. ولاردىڭ جاقىندارى &ndash؛ ايەلدەرى, شەشەسىنىڭ ايتۋىنشا, جىگىتتەردىڭ ەشبىرى الاڭعا بارماعان, ۇيدە &ndash؛ بالا-شاعاسىنىڭ قاسىندا بولعان. بار ايىبى &ndash؛ ناماز وقيتىنى بولسا كەرەك. ءبىز جىگىتتەردىڭ جاقىندارىنا ادۆوكات تاۋىپ بەرىپ, اقپاراتتىق كومەك كورسەتتىك. تۇرمىسى تومەندەۋ ەكى جىگىتتىڭ وتباسىنا ماتەريالدىق كومەك بەردىك. ادۆوكاتتارى جىگىتتەردىڭ بەتى-اۋزى كوگەرىپ, سىرىلعانىن, قابىرعالارى سىنعاننان با تىنىس الۋى قيىن ەكەنىن ايتادى. سوعان قاراعاندا ولاردى تەرگەۋ يزولياتورىندا ازاپتاعانعا ۇقسايدى.

 ؛

سونداي-اق قور قىزمەتىنە سۆەتلانا سەرسەمباەۆا دەگەن قىزىلوردالىق كەلىنشەك جۇگىندى. ونىڭ كۇيەۋى 5 قاڭتاردا ۇيىنەن شىعىپ كەتكەلى ءىز-تۇسسىز جوعالىپ, 31 قاڭتار كۇنى دەنەسى ءمايىتحانادان تابىلىپتى. قازىرگى كەزدە كەلىنشەكتىڭ ايتقاندارىن جاريالاپ, ماتەريالدىق كومەك كورسەتۋ ۇستىندەمىز, &ndash؛ دەيدى ول.

جۋرناليست "ادال, ءوز كاسىبىن بىلەتىن, پرينسيپىنە بەرىك ادۆوكات تابۋ وتە قيىن, ءارى وسىنداي جاعدايدا قىزمەتىن اسىرا ايتاتىن زاڭگەرلەر دە تابىلادى" دەپ وتىر.

باقىتجان قوسبارماقوۆ وسىعان دەيىن جينالعان, باسپاسوزدە, الەۋمەتتىك جەلىدەگى اقپاراتتار نەگىزىندە ۇستالعان ادامداردى 4 كلاسسيفيكاسياعا ءبولىپ قاراۋعا بولادى دەپ توپشىلايدى.

 ؛

&ndash؛ قۋعىندالىپ جاتقان ادامداردىڭ كوبى بىرىنشىدەن نامازحاندار. ودان كەيىنگى كوبى ورالماندار. ىشىندە وزبەكستاننان, قىتايدان كەلگەندەرى بار. ودان كەيىنگىلەرى الەۋمەتتىك تۇرعىدا از قورعالعان, تۇرمىسى ناشارلاۋ, قاراپايىم جۇمىستارمەن اينالىساتىن ادامدار. ءتورتىنشىسى &ndash؛ بەلسەندىلەر, &ndash؛ دەيدى ول.

 ؛

"تامشى" قورى باستاماشىل توبىنىڭ وكىلدەرى ءوز قاراجاتى, جۇرتشىلىقتان جينالعان قارجى ەسەبىنەن ءىستى بولىپ جاتقان ادامداردىڭ جاقىندارى اراسىندا ماتەريالدىق كومەككە ءزارۋ جاندارعا دا از-كەم كومەك قولىن سوزىپ جاتقانىن جەتكىزدى.

&ndash؛ ماتەريالدىق كومەكتى ەكى كاتەگورياعا بولدىك. ءبىرىنشى كاتەگوريا بويىنشا وتباسى جاعدايى اۋىر, 4-5 جانە ودان دا كوپ بالاسى بار جانۇيالارعا 25-30 مىڭنان ءبىر رەت بەرەمىز. ودان كەيىن ولارعا بىر-ەكى اي قامقورلىق كورسەتەتىن پاتروناج ىزدەپ جاتىرمىز. ءبىر وتباسىنىڭ پاتەراقىسىن تولەپ تۇرايىن دەگەن ازامات شىعىپ جاتىر. ەكىنشى كاتەگوريا بويىنشا 1-3 بالاسى بار, تۇرمىسى تاۋىرلەۋ وتباسىلارعا 15-20 مىڭ تەڭگە كولەمىندە بىررەتتىك كومەك بەردىك. بۇنى "بىرەۋگە از, بىرەۋگە كوبىرەك بەرىپتى", "اناۋ تانىسىنا بەرىپتى" دەگەن اڭگىمە بولماس ءۇشىن حاتتامامەن وسىلاي بەلگىلەپ, ۇلەستىرىپ جاتىرمىز. وزىڭە دە ماناعىداي اڭگىمەلەر تۋماسىن داپ ايتىپ جاتىرمىن, &ndash؛ دەيدى ول.

الەۋمەتتىك قور مۇشەلەرىنىڭ تەرگەۋ يزولياتورىنا كىرۋگە, قىلمىستىق ءىس قۇجاتتارىمەن تانىسۋعا مۇمكىندىگى, وكىلەتتىگى جوق. الايدا "وكىلەتتىك العان قوعامدىق كوميسسيالار "تامشىدا" جينالعان دەرەكتەردى سۇراپ, ماسەلەنە ءۇن قوسامىز دەسە, بولماسا ماتەريالدىق, زاڭ تۇرعىسىنان كومەك كورسەتۋگە نيەتتى ادامدار تابىلىپ جاتسا, وزىمىزدەگى اقپاراتتى ۇسىنۋعا ءازىرمىز" دەيدى جۋرناليست باقىتجان قوسبارماقوۆ.

مەلىس سەيداحمەتوۆ

الماتى وبلىسى كەربۇلاق اۋدانى قىزىلجار اۋىلىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىن بىتىرگەن. 2015-2019 جىلدارى «پرەزيدەنت جانە حالىق» گازەتىندە ءتىلشى, شەف-رەداكتور بولىپ ىستەگەن. 2019 جىلدان بەرى قامشى پورتالىندا قىزمەت اتقارادى.

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر