ءسىم ەۋروپارلامەنت قارارىنا جاۋاپ بەردى
  • usd 431.41

  • eur 452.94

  • rub 6.92

  • cny 63.83

20 مامىر, 16:55:15
الماتى
+21°

قازاقستاننىڭ سىرتقى ىستەر مينيسترلىگى ەۋروپالىق پارلامەنتتىڭ ەلدەگى جاعدايعا قاتىستى قابىلداعان قارارى ءبىرجاقتى سيپاتقا يە ەكەنىن جانە وبەكتيۆتى ەمەس تۇجىرىمدارعا نەگىزدەلگەنىن مالىمدەدى. ؛

"ەلىمىزدە ورىن العان قاڭتارداعى قايعىلى وقيعالارعا وبەكتيۆتى باعالاۋدىڭ بولماۋى الاڭداۋشىلىق تۋعىزادى. ؛قازاقستان رەسپۋبليكاسىنىڭ باسشىلىعى تاپسىرعان رەسمي تەرگەپ-تەكسەرۋ ناتيجەلەرى جاريالانعانعا دەيىن مۇنداي قۇجاتتاردى قابىلداۋ قيسىنسىز دەپ سانايمىز. ونىڭ ناتيجەلەرى حالىقارالىق قوعامداستىققا ۇسىنىلاتىنىن تاعى دا راستايمىز" دەلىنگەن حابارلامادا.

 ؛

سونداي-اق مينيسترلىك قارار جوباسىن ازىرلەۋ كەزىندە ەۋروپالىق پارلامەنت دەپۋتاتتارى مەن ونىڭ قۇرامىنداعى ساياسي توپتار قازاقستاننىڭ رەسمي تۇلعالارىنان ناقتىلاما اقپارات پەن تۇسىندىرۋلەر سۇراماعانىن جەتكىزدى.

"ادام قۇقىقتارى جونىندەگى ۋاكىل جانە مەملەكەتتىك ورگاندارمەن تىكەلەي ديالوگ جۇرگىزەتىن ازاماتتىق قوعام ينستيتۋتتارى دا اتالعان قۇجات اۆتورلارىنىڭ ولارعا جۇگىنبەگەنىن ءحابارلادى. ؛بىرقاتار شەتەلدىك بۇقارالىق اقپارات قۇرالدارىنىڭ قۇقىق قورعاۋ ورگاندارىنىڭ تەرروريستىك, ەكسترەميستىك جانە قىلمىستىق توپتارعا قارسى زاڭدى ارەكەتتەرىن سيپاتتايتىن جاريالانىمدارىندا ايتارلىقتاي قايشىلىقتار مەن دالسىزدىكتەر بار ەكەنى تۋرالى قر سىرتقى ىستەر مينيسترلىگىنىڭ بۇرىن ايتىلعان ۇستانىمى ەلەنبەدى. ؛قازاقستان بۇۇ-نىڭ ادام قۇقىقتارى جونىندەگى كەڭەسىنىڭ, بەدەلدى حالىقارالىق ۇيىمداردىڭ مۇشەسى, گۋمانيتارلىق قۇقىق سالاسىنداعى كوپجاقتى كەلىسىمدەردىڭ قاتىسۋشىسى رەتىندە زاڭنىڭ ۇستەمدىگىنە جانە ازاماتتاردىڭ قۇقىعى مەن بوستاندىعىن قورعاۋ سالاسىنداعى ءوز مىندەتتەمەلەرىن تولىقتاي ۇستانادى. سونداي-اق قازاقستان حالىقارالىق تەرروريزمگە قارسى كۇرەستى قوسا العاندا, جاھاندىق جانە وڭىرلىك قاۋىپسىزدىكتى قامتاماسىز ەتۋ ۇدەرىسىنە قوماقتى ۇلەس قوسىپ كەلەدى. رەسپۋبليكا ەۋروپالىق وداقتىڭ بارلىق ينستيتۋتىمەن ءوزارا تۇسىنىستىك جانە قۇرمەت قاعيداتتارى نەگىزىندە ءوزارا سىندارلى ءىس-قيمىل جاساۋعا مۇددەلى. ؛ەۋروپالىق پارلامەنتتىڭ بۇل قارارىن اسىعىس قابىلداۋى دەموكراتيالىق ينستيتۋتتاردى نىعايتۋ جانە ازاماتتىق قوعامنىڭ دامۋىنا باعىتتالعان قازاقستان پرەزيدەنتىنىڭ رەفورمالارىن قابىلداۋ جانە جۇزەگە اسىرۋ ۇدەرىسىنە كەرى اسەر ەتەدى جانە زيان كەلتىرەدى" ؛دەلىنگەن قازاقستاننىڭ سىرتقى ىستەر مينيسترلىگى تاراتقان اقپاراتتا.

بۇعان دەيىن ەۋروپارلامەنت قازاقستانداعى "قاڭتار وقيعاسىنا" قاتىسۋشىلاردى قۋدالاۋ جاعدايىن قاتاڭ سىنعا الىپ, ادام قۇقىعىنىڭ ورەسكەل بۇزىلۋىنا بايلانىستى قارار قابىلداعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر