ەۋروپارلامەنت قازاقستان بيلىگىن قاتاڭ سىنعا الىپ, سانكسيا سالۋعا شاقىردى

ەۋروپارلامەنتتە قازاقستانداعى ادام قۇقىعىنا بايلانىستى قارار قابىلدادى. قۇجات اۆتورلارى قازاقستان بيلىگىن ادام قۇقىعىن بۇزعانى ءۇشىن قاتاڭ سىنعا الىپ, جەكەلەگەن ادامدار مەن توپتاردى قۋدالاۋعا, ادام قۇقىعى ورەسكەل بۇزىلۋىنا بايلانىستى قازاقستاننىڭ جوعارى لاۋازىمدى تۇلعالارىنا ؛سانكسيا سالۋعا شاقىرادى, دەپ حابارلادى كازتاگ اقپارات اگەنتتىگى.

"(ەۋروپارلامەنت &ndash؛ رەد) ادامداردىڭ قازا تاپقانىنا قاتتى وكىنەدى جانە ؛زارداپ شەككەندەرگە جانە ولاردىڭ وتباسىلارىنا قايعىرىپ كوڭىل ايتادى. سونىمەن قاتار ؛قازاقستانداعى بەيبىت نارازىلىقتاردان كەيىن تۋىنداعان جاپپاي زورلىق-زومبىلىق اكتىلەرىن قاتاڭ ايىپتايدى. ەپ قازاقستاندا حالىق رەفورما جاسالماۋىنا نارازىلىق ءبىلدىرىپ, ميتينگ ؛ۇيىمداستىرۋ قۇقىعىن تولىق كولەمدە پايدالانۋىن قولدايدى. قازاقستانداعى ادام قۇقىقتارىنىڭ, ونىڭ ىشىندە ءسوز بوستاندىعىنىڭ, ەڭبەك جانە الەۋمەتتىك قۇقىقتاردىڭ كۇرت ناشارلاپ بارا جاتقان جاعدايىن ايىپتايدى. ؛قازاقستان بيلىگىن وزدەرىنىڭ حالىقارالىق مىندەتتەمەلەرىن ساقتاۋعا جانە ادام قۇقىقتارى مەن نەگىزگى بوستاندىقتارىن قۇرمەتتەۋگە شاقىرادى" ؛دەلىنگەن ەپ جوباسىندا.

سونىمەن قاتار ەۋروپارلامەنت قازاقستان ۇكىمەتىن ساياسي استارى بار ايىپتاۋلاردان باس تارتۋعا جانە قۇقىق قورعاۋشىلاردى, بەلسەندىلەردى, ءدىني ۇيىمدار, ازاماتتىق قوعام ۇيىمدارى, كاسىپوداقتار وكىلدەرىن, جۋرناليستەر مەن ساياسي وپپوزيسيالىق قوزعالىستار وكىلدەرىن ۇستاۋدى, ولارعا قولدانىلىپ جاتقان قۋعىن-سۇرگىننىڭ جانە قۋدالاۋدىڭ بارلىق نىساندارىن توقتاتۋعا جانە ادامدارعا وزدەرىنىڭ ساياسي, ءدىني جانە وزگە دە كوزقاراستارىن ەركىن بىلدىرۋىنە مۇمكىندىك بەرۋگە شاقىرادى.

"(ەۋروپارلامەنت &ndash؛ رەد) ؛قازاقستان ۇكىمەتىن نەگىزسىز ۇستالعان دەمونسترانتتار مەن بەلسەندىلەردى, ؛ساياسي تۇتقىنداردى دەرەۋ بوساتۋعا شاقىرادى. ونىڭ ؛ىشىندە بەكجان مەڭدىعازيەۆ, ەرۇلان ءامىروۆ, يگور چۋپرين, رۋسلان عيناتۋللين, ەرجان ەلشىباەۆ, سالتانات قۇسمانقىزى, باۋىرجان يۋسۋپوۆا, ناتاليا داۋلەتياروۆا, رينات باتكاەۆ, ەربول ەسحوزين, اسقار قايىربەك, ۇلاسبەك احمەتوۆ, اسحات جەكسەباەۆ, قايرات قىلىشەۆ, نويان راحىمجانوۆ, اباي بەگىمبەتوۆ, رايكۇل سادىرباەۆانى دەرەۋ بوساتۋدى جانە تولىق اقتاۋدى تالاپ ەتەدى. بيلىكتەن ازاماتتىق بەلسەندىلەرگە قاتىستى سوتقا دەيىنگى قاماۋ, ءۇيقاماق جانە باس بوستاندىعىن شەكتەۋ شارالارىن جويۋدى سۇرايدى" دەلىنگەن قۇجاتتا.

&diams؛ەپ قازاقستان بيلىگىنىڭ شەرۋشىلەردىڭ, باق قىزمەتكەرلەرى مەن بەلسەندىلەردىڭ نەگىزگى بوستاندىقتارى مەن قۇقىقتارىن بۇزۋىن, سونىڭ ىشىندە قاۋىپسىزدىك كۇشتەرىنىڭ ولىمگە اكەلەتىن كۇش قولدانۋىن ايىپتادى.

&diams؛ەۋروپا پارلامەنتى پرەزيدەنت توقاەۆتىڭ ەرەۋىلشىلەردى "تەرروريس" دەپ جالپى كورسەتۋىن, ولاردىڭ سانى تۋرالى دالەلسىز جانە اسىرا ايتقان سوزدەرىن جانە ولاردى "ولتىرۋگە" بۇيرىق بەرۋىن ايىپتايدى. اتۋ تۋرالى كەز كەلگەن بۇيرىقتى كوپشىلىك الدىندا جويۋعا شاقىرادى. بيلىك تۇتقىندالعاندار مەن نارازىلىق قۇرباندارى تۋرالى اقپاراتتى اشىپ ايتۋعا, سونداي-اق قۋدالانعانداردىڭ بارلىعىنا حالىقارالىق قۇقىققا سايكەس ادۆوكات پەن ءادىل سوتقا قول جەتكىزۋدى قامتاماسىز ەتۋگە شاقىرادى.

&diams؛ەۋروپارلامەنت قازاقستان بيلىگىن حالىقارالىق ستاندارتتارعا سايكەس بەيبىت نارازىلىق قۇقىعىنا كەپىلدىك بەرۋ ءۇشىن قوعامدىق جينالىستار تۋرالى زاڭدى قايتا قاراۋعا, قازاقستانداعى ادامدارعا قاماۋعا الىنۋدان, پوليسيانىڭ قۋدالاۋىنان جانە ارالاسۋىنان قورىقپاي, بەيبىت شەرۋلەرگە قاتىسۋىنا مۇمكىندىك بەرۋدى تالاپ ەتتى.

&diams؛سونىمەن قاتار تاۋەلسىز باق, ازاماتتىق قوعام توپتارى, ساياسي وپپوزيسيالىق توپتار, بەلسەندىلەر, كاسىپوداقتار جانە قۇقىق قورعاۋشىلار قىزمەتىنە ۇكىمەتتىڭ شەكتەن تىس ارالاسپاۋىن نەمەسە ساياسي قۋدالاۋدان قورىقپاي جۇزەگە اسىرۋ مۇمكىندىگىن قامتاماسىز ەتۋگە شاقىردى. وسىعان بايلانىستى ؛سوت تورەلىگى جۇيەسىن تۇبەگەيلى رەفورمالاۋعا جانە بۇۇ مەن ەقىۇ ۇسىنعانداي, قىلمىستىق كودەكستىڭ ساياسي نەگىزدەلگەن قۋدالاۋ ءۇشىن قولدانىلاتىن باپتارىنىڭ كۇشىن جويۋدى تالاپ ەتەدى.

&diams؛بۇعان قوسا ەپ قازاقستان بيلىگىن bostandyq kz, qaharman, femina virtute, veritas, 405, elimay ي article 14 سياقتى قۇقىق قورعاۋ توپتارىن ساياسي قۋدالاۋدى توقتاتۋعا شاقىردى.

&diams؛ ەۋروپالىق وداق جانە حالىقارالىق قاۋىمداستىقتى قازاقستانداعى ەكى اپتالىق شەرۋلەر كەزىندە قازاقستان حالقىنا قارسى جاسالعان قىلمىستار بويىنشا ءتيىستى حالىقارالىق تەرگەۋدى دەرەۋ باستاۋعا شاقىرادى.

&diams؛سونداي-اق ەپ مۇشە مەملەكەتتەردى 2022 جىلعى قاڭتاردا الماتىدا نارازىلىق بىلدىرۋشىلەر مەن قۇقىق قورعاۋ ورگاندارى قىزمەتكەرلەرىنىڭ قازا بولۋ فاكتىلەرى مەن ءمان-جايلارىن, قازاقستان بويىنشا بەيبىت نارازىلىق قوزعالىسى باستالعان ساتتەن باستاپ ادام قۇقىقتارىنىڭ بۇزىلۋى تۋرالى باسقا دا تۇجىرىمداردى تەرگەۋدى قامتاماسىز ەتۋ ءۇشىن ەقىۇ-نىڭ ماسكەۋلىك تەتىگىن پايدالانۋ جونىندەگى باستامانى وزىنە الۋعا شاقىردى.

&diams؛ەۋروپارلامەنت قازاقستان ۇكىمەتىن ارنايى ؛بۇۇ مەن ەقىۇ ساراپشىلارىن شاقىرىپ, ؛تارتىپسىزدىكتەردىڭ سالدارىن زەرتتەۋگە شاقىرادى جانە ەلدەگى باق بوستاندىعىنا قاتىستى قولايسىز جاعدايعا الاڭداۋشىلىق ءبىلدىردى.

&diams؛ ەپ ؛قازاقستان ۇكىمەتىن تاۋەلسىز جۋرناليستەرگە ەركىندىك جانە قاۋىپسىزدىكتى قامتاماسىز ەتۋگە شاقىرادى.

&diams؛ ەپ ادام قۇقىقتارى سالاسىنداعى حالىقارالىق ستاندارتتارعا قايشى كەلەتىن پىكىر ءبىلدىرۋ جانە جينالىس ەركىندىگىن بۇزۋ مەن كەلىسپەۋشىلىكتى باسۋ ءۇشىن ينتەرنەتتى ءوشىرۋدى قاتاڭ ايىپتايدى. ؛پرەزيدەنت توقاەۆتى قازاقستانداعى ەركىن باق-تىڭ ماڭىزى مەن ءرولىن كوپشىلىك الدىندا مويىنداۋعا جانە تولىق قۇرمەتتەۋگە شاقىرادى.

&diams؛ەۋرودەپۋتاتتار ؛كۇزەتپەن ۇستاۋ ورىندارىنداعى ازاپتاۋ جانە قاتىگەز ىس-ارەكەتتەردى دە ايىپتاپ, ؛ازاپتاۋ جاعدايلارىن جان-جاقتى تەكسەرۋگە شاقىردى.

ەۋرو پارلامەنت ەۋرو وداقتىڭ ادام قۇقىعى سالاسىنداعى سانكسياعا بايلانىستى جاقىندا بەكىتىلگەن جاھاندىق رەجيمىنە سايكەس, قازاقستاندا 2022 جىلعى قاڭتاردا بولعان حالىق نارازىلىعى كەزىندەگى اۋقىمدى جانە جۇيەلى ادام قۇقىعىنىڭ بۇزىلۋىنا بايلانىستى كەڭەستى قازاقستاننىڭ جوعارى لاۋازىمدى تۇلعالارىنا سانكسيا سالۋعا شاقىرادى. ؛