• usd 433.3

  • eur 464.19

  • rub 6.48

  • cny 64.56

28 مامىر, 01:04:33
الماتى
+20°

اقش-تىڭ مەملەكەتتىك حاتشىسى ەنتوني بلينكەن بۇگىن ەۋروپاعا باردى.

بلينكەن بەرليندە گەرمانيا, ۇلىبريتانيا جانە فرانسيا وكىلدەرىمەن كەزدەسۋدەن بۇرىن كيەۆتە ۋكراينا پرەزيدەنتى ۆلاديمير زەلەنسكييمەن كەلىسسوزدەر جۇرگىزەدى.

جۇما كۇنى ول جەنەۆادا رەسەي سىرتقى ىستەر ءمينيسترى سەرگەي لاۆروۆپەن كەزدەسەدى.

رەسەي بۇعان دەيىن كورشىلەس ۋكرايناعا شابۋىل جاساۋ جوسپارىن بىرنەشە رەت جوققا شىعارعان. الايدا سەيسەنبىدە اقش-تىڭ جوعارى لاۋازىمدى شەنەۋنىكتەرى ماسكەۋ "كەز كەلگەن ساتتە" ۋكرايناعا باسىپ كىرۋى مۇمكىن ەكەنىن ايتتى. ؛اق ءۇيدىڭ ءباسپاسوز حاتشىسى دجەن پساكي جۋرناليستەرگە رەسەي ۋكراينامەن شەكاراسىنا جاقىن جەردە ونداعان مىڭ اسكەر جيناۋى "وتە ءقاۋىپتى جاعداي" تۋدىرعانىن ايتتى.

ول قاقتىعىستى بولدىرماۋ ءۇشىن "ەشقانداي نۇسقا تىس قالمايدى" دەدى جانە "حاتشى بلينكەننىڭ بارۋى الدا ديپلوماتيالىق جول بار ەكەنىن انىق كورسەتەدى" دەپ قوستى.

اتى-جونىن اتاماۋدى وتىنگەن اقش مەملەكەتتىك دەپارتامەنتىندەگى جوعارى لاۋازىمدى قىزمەتكەر فرانس پرەسس اگەنتتىگىنە بەرگەن اقپاراتقا سايكەس, بلينكەن جۇما كۇنگى كەلىسسوزدەر كەزىندە لاۆروۆقا داعدارىستان "ديپلوماتيالىق جولمەن شىعۋدى" ۇسىنباقشى.

اقش مەملەكەتتىك دەپارتامەنت شەنەۋنىكتەرىنىڭ اقپاراتىنشا, اقش ۋكراينانىڭ ەگەمەندىگى مەن اۋماقتىق تۇتاستىعىن ساقتاۋعا ۇمتىلادى.

وتكەن اپتادا ماسكەۋ مەن باتىس ەلدەرى اراسىندا ناتيجەسىز كەلىسسوزدەر وتكەن. ؛

ماسكەۋ ۋكرايناعا باسىپ كىرسە, رەسەيگە ۇلكەن زارداپتار مەن اۋىر ەكونوميكالىق شىعىندار تۋدىراتىن سانكسيالار سالىنۋى مۇمكىن ەكەنى حابارلاندى. ۆاشينگتون ەۋروپالىق وداقتاستارىنان قولداۋ تابۋعا تىرىسادى دەپ كۇتىلۋدە.

گەرمانيانىڭ سىرتقى ىستەر ءمينيسترى اننالەنا باەربوك دۇيسەنبى كۇنى كيەۆكە ساپارى كەزىندە بۇدان ءارى شيەلەنىسۋ "رەسەي رەجيمى ءۇشىن ەكونوميكالىق, ساياسي جانە ستراتەگيالىق اۋىر زارداپتارعا اكەلەتىنىن" مالىمدەدى.

ۋكراينانىڭ قورعانىس ءمينيسترى الەكسەي رەزنيكوۆ باتىس ۇكىمەتتەرىن ماسكەۋگە دەرەۋ سانكسيا سالۋعا شاقىردى.

رەسەيدىڭ ۋكرايناعا باسىپ كىرۋى قانتوگىس پەن ەۋروپا ءۇشىن بوسقىندار داعدارىسىنا اكەلۋى مۇمكىن ەكەنى ەسكەرتىلدى.

ال, رەسەي تاراپى ناتو-نىڭ شىعىسقا قاراي كەڭەيۋىن توقتاتۋدى تالاپ ەتەتىن ءبىرقاتار تالاپتار قويدى.

دۇيسەنبى كۇنى ۇلىبريتانيانىڭ قورعانىس ءمينيسترى بەن ۋوللەس رەسەي ۋكرايناعا باسىپ كىرۋىن اقتاۋ ءۇشىن ناتو-نى سىناپ, نازاردى اۋدارىپ وتىرعانىن ايتادى. ول ءپۋتيندى "ەتنوۇلتشىل" دەپ ايىپتادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر