• usd 422.01

  • eur 452.06

  • rub 6.75

  • cny 62.72

26 مامىر, 20:40:23
الماتى
+23°

18 قاڭتار, 2022 news

نازارباەۆ ۇندەۋى قايدا تۇسىرىلگەن, ول شىن مانىندە نە ايتقىسى كەلدى؟

ول وسى ارقىلى ساياسي ارەنادان تۇبەگەيلى كەتكەنىن, ءوزىنىڭ ەلدەگى بيلىككە ىقپال ەتە الاتىنداي ءرولى جوق ەكەنىن بىلدىرگەن بولۋى مۇمكىن.

فوتو: اشىق دەرەككوز

ەكس-پرەزيدەنت نۇرسۇلتان نازارباەۆ اراعا 20 كۇن سالىپ ەل الدىنا شىقتى. دالىرەك ايتقاندا بەينەۇندەۋ جولداپ, ءوزىنىڭ استانادا ەكەنىن ءمالىم ەتتى.

4,5 مينۋتتىق مالىمدەمەدە ن.نازارباەۆ ؛مەيلىنشە رەسمي سويلەپ, ەلدەگى حالىق نارازىلىعى مەن ودان كەيىنگى جاپپاي تارتىپسىزدىك تۋرالى ايتقاندا پرەزيدەنت الدەنەشە رەت قايتالاعان تەرروريستىك شابۋىل سوزدەرىن قولداندى. ءوزى ەلدى باسقارعان 30 جىلدا قازاقستاندى دامىتۋعا بارىن سالعانىن, الەۋمەتتەۋ-ەكونوميكالىق دامۋدا كوپتەگەن ناتيجەگە قول جەتكىزىلگەنىن ايتتى.

الايدا ەلدە بولىپ جاتقان جاعدايلارعا, تىكەلەي ءوزىنىڭ اۋلەتىنە بايلانىستى وقيعالارعا بايلانىستى جاق اشپادى. وسى ۋاقىتقا دەيىن نەلىكتەن ەل الدىنا شىقپاعانى, ؛"قاۋىپسىزدىك كەڭەسى تۋرالى" زاڭعا سايكەس, ؛قاۋىپسىزدىك كەڭەسىنىڭ ءومىر بويعى ءتوراعاسى بولا تۇرا, ءتوراعالىق نەلىكتەن پرەزيدەنتكە وتكەنى, ءوزىنىڭ كومەكشىسى بولعان ۇقك بۇرىنعى ءتوراعاسى كارىم ءماسىموۆتىڭ مەملەكەتتىك ساتقىندىق كۇدىگىمەن ايىپتالعانى, تۋىستارىنىڭ جاپپاي قىزمەتتەن شەتتەتىلىپ جاتقانى تۋرالى ەشتەڭە دەمەدى.

ۆيدەو جالپى جانە ۇلكەن كادردا تۇسىرىلگەن. كادر بىرىنەن ەكىنشىسىنە قايتا-قايتا وتكىزىلىپ, "جىلت-جىلپ" ەتەدى.

ۆيدەو قاي كەزدە تۇسىرىلگەنى بەلگىسىز. ارتقى فون ن.نازارباەۆ اقوردادان كوشكەلى ونىڭ جۇمىس ورنى بولعان نازارباەۆ ورتالىعىنداعى كابينەتتەردىڭ بىرىنە ۇقسايدى.

ماسەلەن, وسى فونعا ۇقساس جەردە ؛نۇرسۇلتان نازارباەۆ 2021 جىلعى 21 قىركۇيەكتە "استانا" حالىقارالىق قارجى ورتالىعىن باسقارۋ جونىندەگى كەڭەس ءتوراعاسىنىڭ ورىنباسارى سۋما چاكرابارتيمەن كەزدەسكەن.

8 قىركۇيەكتە ؛بۇۇ باس اسسامبلەياسىنىڭ جوعارى دەڭگەيدەگى پلەنارلىق وتىرىسىنا قاتىسۋشىلارعا ۇندەۋ جولداعان.

2021 جىلعى 1 شىلدەدە وسى جەردە قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان سياونى قابىلداعان.

وتكەن جىلدىڭ 3 ماۋسىمىندا ارمەنيا رەسپۋبليكاسىنىڭ پرەزيدەنتى ارمەن ساركيسيانمەن كەزدەسكەن.

 ؛

وسىعان قاراعاندا ن.نازارباەۆ شىنىمەن دە استانادا نەمەسە جۇرتشىلىق سولاي ويلاسىن دەپ ارتقى فون مەيلىنشە ءوزىنىڭ جۇمىس ورنىنا ۇقساس ەتىپ جاسالعان.

ەكس-پرەزيدەنتتىڭ مالىمدەمەسىنەن كەيىن دە كوپتەگەن ساۋالداردىڭ باسى اشىق قالعانىنا قاراعاندا, مالىمدەمە "نازارباەۆ ءقازىر قايدا؟", "ول ءتىرى مە؟" دەگەن ساۋالدارعا جاۋاپ رەتىندە جاسالعانعا ۇقسايدى.

سونداي-اق نازارباەۆ 2019 جىلى پرەزيدەنت رەتىندەگى وكىلەتتىگىن توقتاتقالى العاش رەت ءوزى تۋرالى "زەينەتكەر" ءسوزىن قولداندى. ول وسى ارقىلى ساياسي ارەنادان تۇبەگەيلى كەتكەنىن, ءوزىنىڭ ەلدەگى بيلىككە ىقپال ەتە الاتىنداي ءرولى جوق ەكەنىن بىلدىرگەن بولۋى مۇمكىن.

 ؛

"قامشى" سىلتەيدى
ىلمەك سوزدەر: نازارباەۆ ۇندەۋ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر