نۇرسۇلتان نازارباەۆ قازاقستاندىقتارعا ۇندەۋ جاسادى (ۆيدەو)

قازاقستان رەسپۋبليكاسىنىڭ ەكس-پەزيدەنتى ن.ا.نازارباەۆ قازاقستان حالقىنا ۇندەۋ جولدادى.

2022 جىل قازاقستان ءۇشىن كۇردەلى دە قاتەرلى سىناقتان باستالعانىنا نازار اۋدارعان ول ۇيىمداسقان ەكسترەميستىك توپتار ەلدە جاپپاي تارتىپسىزدىك ورناتىپ, تەرروريستىك شابۋىل جاساعانىن, سونىڭ ؛سالدارىنان بەيبىت تۇرعىندار زارداپ شەككەنىن اتاپ ءوتتى. پرەزيدەنت قاسىم-جومارت توقاەۆ شەشىمدەرىنىڭ ارقاسىندا ەل ىرگەسى سوگىلمەگەنىن ايتتى.

&ndash؛ مەملەكەت باسشىسىن قولداۋ &ndash؛ بارشامىزدىڭ ازاماتتىق بورىشىمىز. ؛ەندىگى كەزەكتە وسى وقيعادان ساباق الىپ, مۇنداي باسسىزدىققا جول بەرمەۋگە ءتيىسپىز. ؛بابالارىمىز عاسىرلار بويى اڭساعان تاۋەلسىزدىكتىڭ وتىز جىلى ىشىندە اتقارعان ىستەرىمىز از ەمەس. ؛قازاقستان الەمگە تانىلعان ەڭسەلى ەلگە اينالدى. ؛ۇلان-عايىر شەكارامىز تۇبەگەيلى بەكىتىلدى. ؛ەلىمىزدە ىرگەلى رەفورمالار جۇزەگە اسىپ, ورتالىق ازيادا كوش باستادىق. ؛ەۋرازيا جۇرەگىندە, سارىارقا توسىندە جاڭا استانامىز بوي كوتەردى. ؛بىرلىك باردا ەشبىر جاۋ ساعىمىزدى سىندىرا الماس, ؛&ndash؛ دەدى ەكس-پرەيدەنت.

سونداي-اق ول 2019 جىلى پرەزيدەنت رەتىندەگى وكىلەتتىگىن تاپسىرعانىن, سودان بەرى قۇرمەتتى زەينەت دەمالىسىندا ەكەنىن, ەشقايدا كەتپەگەنىن, ەل استاناسىندا ەكەنىن ايتتى. پرەزيدەنت ق.توقاەۆقا بيلىك تولىعىمەن تيەسىلى دەگەن ول قاۋىپسىزدىك كەڭەسى وتكەنىن, جۋىردا نۇروتان پارتياسىنىڭ ءتوراعالىعى تاپسىرىلاتىنىن ايتتى. سوزىنشە, ارالارىندا تۇسىنىسپەستىك, جاۋلاسۋ جوق.

قازاقستاننىڭ بۇرىنعى پرەزيدەنتى سوڭعى رەت ەل الدىنا 2022 جىلعى 28 جەلتوقساندا ؛تمد-عا مۇشە مەملەكەتتەر كوشباسشىلارىنىڭ بەيرەسمي كەزدەسۋىندە ؛شىققان. قاڭتاردىڭ باسىندا جاڭاوزەندە سۇيىتىلعان گاز باعاسىنىڭ قىمباتتاۋىنا بايلانىستى باستالعان حالىق نارازىلىعى ەلدىڭ وزگە وڭىرلەرىنە دە قولداۋ تاۋىپ, بىرنەشە قالادا حالىق تولقۋى جاپپاي تارتىپسىزدىككە ۇلاسقاندا دا نازارباەۆ ەل الدىنا شىقپاعان. ونىڭ ءباسپاسوز حاتشىسى "ەلباسى ەلوردا" دەۋمەن شەكتەلگەن.

نازارباەۆتىڭ كورىنبەۋىنە بايلانىستى ءتۇرلى اقپارات تاراعان. كەي دەرەكتەردە ول رەسەيدە, ەندى ءبىر دەرەكتە قىتايدا دەلىنگەن. بىرىككەن اراب امىرلىكتەرىنە ۇشىپ كەتىپتى دەگەن دە اقپارات شىققان. كەشە بريتانيالىق ؛the guardian باسىلىمى ءوز دەرەككوزدەرىنە سۇيەنىپ, نازارباەۆ استانادا بولۋى مۇمكىن ەكەنىن ءمالىم ەتكەن.

وقي وتىرىڭىز!

&diams؛ ؛نازارباەۆ ۇندەۋى قايدا تۇسىرىلگەن, ول ءىس جۇزىندە نە ايتقىسى كەلدى؟