• usd 468.56

  • eur 497.56

  • rub 7.3

  • cny 67.18

29 ناۋرىز, 18:59:20
الماتى
+35°
ەلدەگى دۇربەلەڭ كەزىندە قازاقستاننىڭ ەكس-پرەزيدەنتى نۇرسۇلتان نازارباەۆتىڭ ءىنىسى بولات نازارباەۆتىڭ قىرعىزستان ارقىلى دۋبايعا ۇشىپ كەتۋىنە بايلانىستى جاڭا دەرەكتەر شىقتى.
 ؛
قىرعىزستان شەكارا قىزمەتىنىڭ بىرنەشە وكىلى ازاتتىق راديوسىنىڭ قىرعىز قىزمەتىنە بولات نازارباەۆ پەن ونىڭ جانىنداعى بەس-التى ادام 6 قاڭتار تاڭەرتەڭ "اقجول" شەكارا بەكەتى ارقىلى قىرعىزستانعا وتكەنىن ايتقان.

اتى-جونىن جاريالاماۋدى وتىنگەن شەكارا قىزمەتكەرلەرى "بولات نازارباەۆ پەن ونىڭ جانىنداعىلاردى قىرعىزستان بيلىگىنە جاقىن ادامدار كۇتىپ العانىن" جەتكىزگەن.

ازاتتىقتىڭ قىرعىز قىزمەتىنە "6 قاڭتاردا قىرعىزستانعا ءوتتى" دەلىنگەن بولات نازارباەۆ, نۇرسايىن نازارباەۆ جانە باۋىرجان نۇرعازىۇلى اتتى ادامداردىڭ پاسپورت كوشىرمەلەرى كەلىپ تۇسكەن.

پاسپورت نۋرساينا نازارباەۆا

اشىق دەرەككوزدەردە نۇرسايىن نازارباەۆ جايلى دەرەك جوق. ال باۋىرجان نۇرعازىۇلى الماتىداعى "بارىس" بازارى باسشىلارىنىڭ ءبىرى دەگەن دەرەك بار. بۇدان بولەك, نۇرعازىۇلى الماتى وبلىسى قاسكەلەڭ قالاسىندا قۇرىلعان "بن قاسكەلەڭ" فۋتزال كلۋبىنىڭ پرەزيدەنتى رەتىندە ؛كورسەتىلەدى.

قازاق-قىرعىز شەكاراسى ماڭىنداعى تاكسيستەر ازاتتىقتىڭ قىرعىز قىزمەتىنە نازارباەۆتىڭ "جاقىندارى بار دەگەن تەرەزەلەرى قاراڭعىلانعان اۆتوكولىكتەر" قىرعىزستانعا وتكەنىن جەتكىزگەن.

قوردايدان "اقجول" بەكەتى ارقىلى قىرعىزستانعا وتكەن قازاقستاندىق بەلسەندى ءارى #nd youtube-ارناسىن جۇرگىزەتىن ءجۋرناليستى دۋمان مۇحامەدكارىم دە وسى بەكەتتەن نازارباەۆتىڭ جاقىندارى قىرعىزستانعا كىرگەنىن ەستىگەن

"وسى جاقتاعى جەرگىلىكتى تۇرعىندار ءوز كوزىمىزبەن كوردىك دەپ ايتىپ بەردى. سول جاقتا سيمكارتا ساتقاندار نازارباەۆتىڭ جاقىندارى بالالارىن جەتەكتەپ ءوتتى دەپ ايتتى. كامەراعا ايتىپ بەرىڭدەر دەسەم, قورقامىز دەپ باس تارتتى" دەيدى ول.

بۇدان بولەك, بىشكەكتەگى "ماناس" اەروپورتىنىڭ ءاتى-جونىن جاريالاۋدى قالاماعان بىرنەشە قىزمەتكەرى ازاتتىقتىڭ قىرعىز قىزمەتىنە بولات نازارباەۆ پەن بىرنەشە ادامنىڭ قىرعىزستان ارقىلى دۋبايعا ۇشىپ كەتكەنىن ايتقان.

قازاقستان ازاماتى بولات نازارباەۆقا بەرىلگەن ديپلوماتيالىق پاسپورت.
قازاقستان ازاماتى بولات نازارباەۆقا بەرىلگەن ديپلوماتيالىق پاسپورت.

ال "ماناس" اۋەجايىنىڭ ءباسپاسوز حاتشىسى ءاليا قۇربانوۆا 6 قاڭتاردا دۋبايدان بىشكەككە جەكە ۇشاق ۇشىپ كەلگەنىن راستاعان.

"bombardier ۇشاعى 2022 جىلعى 6 قاڭتاردا "ماناس" حالىقارالىق اۋەجايىنا قونعان. ۇشاق دۋبايدان ۇشىپ كەلگەن. ۇشاق كىمدىكى ەكەنىن بەلگىسىز. كوممەرسيالىق ۇشاقتىڭ جولاۋشىلارىنىڭ كىم ەكەنىن دە بىلمەيمىز. بۇل ءبىزدىڭ مىندەتىمىزگە كىرمەيدى" دەيدى ول.

قىرعىزستان رەسمي ورگاندارى بولات نازارباەۆتىڭ بىشكەكتەن ۇشىپ كەتكەنىن جوققا دا شىعارمادى, راستامادى دا. شەكارا قىزمەتى ەلگە كەلگەن جانە كەتكەن ازاماتتاردىڭ دەرەكتەرىن بەرۋ زاڭعا قايشى كەلەتىنىن ايتىپ, اقپارات بەرۋدەن باس تارتقان.

 ؛
"قامشى" سىلتەيدى
ىلمەك سوزدەر: بولات نازارباەۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر