قۇلىباەۆ ءبىر اي بۇرىن وزىنە تيەسىلى كومپانيالاردىڭ بىرىندەگى اكسيالارىن ساتىپ جىبەرگەن

بۇرىنعى پرەزيدەنت نۇرسۇلتان نازارباەۆتىڭ كۇيەۋ بالاسى, ميللياردەر تيمۋر قۇلىباەۆ ءبىر اي بۇرىن "قازازوت" اكسيونەرلىك قوعامىنداعى ءوزىنىڭ بارلىق اكسيالارىن ساتىپ جىبەرگەن. اقپاراتتى كومپانيانىڭ ءباسپاسوز قىزمەتى ؛حابارلادى.

"قازازوت" اق جاي اكسيالارىن ساتىپ الۋ بويىنشا مامانداندىرىلعان ساۋدا-ساتتىق 2021 جىلعى 10 جەلتوقساندا ءوتتى. بەلسەندى وتىنىمدەردىڭ كولەمى 85 مىڭ جاي اكسيانى قۇرادى. بەرىلگەن وتىنىمدەر بويىنشا ورتاشا الىنعان باعا 788 858,82 تەڭگە. ساۋدا-ساتتىق قورىتىندىسى بويىنشا اكسيونەرلىك قوعامنىڭ قاراپايىم اكسيالارىنىڭ 85%-ىن "kazakhstan petrochemicals" جشس ساتىپ الدى, 15%-ى بۇرىنعى يەسى باحاريدين ابلازيموۆتا قالدى. وسىلايشا ءوز اكسيالارىن "joint resources" اق (100% تيمۋر قۇلىباەۆقا تيەسىلى &ndash؛ رەد), دىنمۇحامەد ىدىرىسوۆ پەن ەرجان دوستىباەۆ ساتتى" دەلىنگەن حابارلامادا.

تيمۋر قۇلىباەۆ بۇگىن "اتامەكەن" ۇلتتىق كاسىپكەرلەر پالاتاسى ءتوراعاسى قىزمەتىنەن ؛كەتكەن. ول ؛نۇرسۇلتان نازارباەۆتىڭ ورتانشى قىزى دينارا نازارباەۆانىڭ كۇيەۋى.

15 قاڭتاردا نازارباەۆتىڭ تاعى ەكى كۇيەۋ بالاسى &ndash؛ "قازترانسويل" اق باسقارما ءتوراعاسى ديماش دوسانوۆ پەن "قازترانسگاز" ۇك" اق باسقارما ءتوراعاسى قايرات شارىپباەۆ قىزمەتتەرىنەن بوساتىلعان .

ديماش دوسانوۆ &ndash؛ نۇرسۇلتان نازارباەۆتىڭ كىشى قىزى ءاليا نازارباەۆانىڭ, ال قايرات شارىپباەۆ &ndash؛ ۇلكەن قىزى داريعا نازارباەۆانىڭ كۇيەۋى.