17 قاڭتار, 2022 news
فوتو: اشىق دەرەككوز
پرەزيدەنت قاسىم-جومارت توقاەۆتىڭ بۇيرىعىمەن ؛سامات ساتىبالدىۇلى ءابىش ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى لاۋازىمىنان بوساتىلدى.
سامات ءابىشتىڭ قىزمەتىنەن كەتكەنى تۋرالى بەيرەسمي اقپارات العاش 5 قاڭتاردا شىققان. الايدا 14 قاڭتاردا ؛ۇلتتىق قاۋىپسىزدىك كوميتەتى الدىمەن سامات ءابىش قىزمەتىندە ەكەنىن, جىلسايىنعى دەمالىسىندا جۇرگەنىن ءمالىم ەتكەن. ءبىراق ول جەردە ونىڭ دەمالىسقا قاشان شىققانى جازىلماعان.
كوميتەت اقپاراتىنان كەيىن الەۋمەتتىك جەلىدە سامات ابىشتەي ۇلتتىق قاۋىپسىزدىككە جاۋاپتى ورگان باسشىسىنىڭ ءبىرىنشى ورىنباسارى ەلدە دۇربەلەڭ بولىپ جاتقاندا قالاي عانا دەمالىستا جۇرەدى دەپ جازۋشىلار بولعان.
؛
ارتىنشا, ۇلتتىق قاۋىپسىزدىك كوميتەتى سامات ءابىشتىڭ دەمالىستا ەكەنى تۋرالى اقپاراتتى تولىقتىرىپ, ونىڭ دەمالىسى 13 قاڭتاردان باستالعانىن جازدى.
؛
سامات ءابىش قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ تۋعان ءىنىسى ساتىبالدى نازارباەۆتىڭ بالاسى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر