باسىلىم جۋرناليسىنە شامالعان اۋىلىنىڭ تۇرعىندارى نازارباەۆ 2,3 قاڭتار كۇندەرى تۋعان اۋىلىندا بولعانىن ايتقان. تۇرعىنداردىڭ ءبىرى ەكس-پرەزيدەنت اتا-باباسى جەرلەنگەن زيراتقا كەلەدى دەپ, ءبىراق بارماعانىن جەتكىزگەن.
اكىمشىلىكتە جۇمىس ىستەيتىن تۇرعىن جۋرناليستەرگە نازارباەۆ جاڭا جىلدان كەيىن اۋىلىنا جۋىردا گەرمانيادا وتا جاساتقان ءىنىسى بولاتتىڭ جاعدايىن بىلۋگە كەلگەنىن ايتقان. سونداي-اق ول نازارباەۆ اۋىل اقساقالدارىمەن كەزدەسكەنىن, ارتىنشا بروندالعان كولىكتەرمەن قىرعىز شەكاراسىنا قاراي, ودان ارى اراب امىرلىكتەرىنە ۇشىپ كەتكەنىن اتاپ وتكەن.
بۇعان دەيىن ؛قىرعىزستاندىق ؛24.kg باسىلىمى نۇرسۇلتان نازارباەۆتىڭ ءىنىسى بولات نازارباەۆ الماتىدا حالىق نارازىلىعى جاپپاي تارتىپسىزدىككە ۇلاسىپ دۇربەلەڭ تۋىپ جاتقاندا قىرعىزستان ارقىلى دۋبايعا ۇشىپ كەتكەنىن حابارلاعان.
ۇزاماي نازارباەۆتىڭ قىزى ءاليا دا دۋبايدا ەكەنى تۋرالى اقپارات شىقتى. ول الەۋمەتتىك جەلىدە جازبا جاريالاعاندا قۇرىلعىسى ونىڭ دۋبايدا ەكەنىن كورسەتكەن.
پىكىر قالدىرۋ
پىكىر